ព័ត៌មានជាតិ

ពលរដ្ឋជាង ៤ ពាន់គ្រួសារបានផ្លាស់ប្ដូរមករស់នៅតំបន់អភិវឌ្ឍរុនតាឯក

បានផុស

២ years មុន

នៅ

ថ្ងៃសៅរ៍ ១ តុលា ២០២២

ដោយ

សម្តេចតេជោ ហ៊ុន សែន បានប្រកាសថា មកដល់ពេលនេះមានពលរដ្ឋជាង ៤ ពាន់គ្រួសារបានស្ម័គ្រចិត្តផ្លាស់មករស់នៅតំបន់អភិវឌ្ឍរុនតាឯក ក្នុងស្រុកបន្ទាយស្រី ខេត្តសៀមរាប។

ថ្លែងក្នុងពិធីសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្រចិត្តរើលំនៅឋានទៅរស់នៅក្នុងភូមិធម្មជាតិរុនតាឯកនៅព្រឹកនេះ សម្តេចតេជោបានបញ្ជាក់ថា ការងារនឹងនៅតែបន្តតែក៏ទាមទារការឲ្យមានគោលការណ៍ដោះស្រាយឲ្យបានជាក់លាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ក្រសួងរៀបចំដែនដី នគរោបនីយកម្ម និងសំណង់ ប្រតិបត្តិការក្នុងរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរាប៉ះពាល់ដល់ភូមិគោលដៅ ១១៤ភូមិ ក្នុងឃុំចំនួន ១៧ សង្កាត់ចំនួន ៧ ក្រុងចំនួន១ និងស្រុកចំនួន ៤។

ពលរដ្ឋដែលស្ម័គ្រចិត្តផ្លាស់មករស់នៅតំបន់អភិវឌ្ឍរុនតាឯក ក្នុងមួយគ្រួសារនឹងទទួលបានដីចំនួន ១ឡូត៍ ទំហំ ២០ម៉ែត្រ គុណ ៣០ម៉ែត្រ។

នៅក្នុងតំបន់អភិវឌ្ឍថ្មីនេះ ប្រមុខរដ្ឋាភិបាលបានបញ្ជាឲ្យរៀបចំហេដ្ឋារចនាសម្ព័ន្ធមានផ្លូវ ប្រព័ន្ធទឹកស្អាត ប្រព័ន្ធភ្លើង រួមទាំងការកសាងសាលារៀន មន្ទីរពេទ្យ ផ្សារដើម្បីបម្រើការរស់នៅរបស់ប្រជាពលរដ្ឋ។ ជាមួយគ្នានេះក៏រៀបចំផ្គត់ផ្គង់ និងបង្កើនសេវាទូរស័ព្ទ និងអ៉ិនធើណិត ប្រែក្លាយតំបន់រុនតាឯកជាភូមិអភិវឌ្ឍនិងជាទីក្រុងស៊ីវិល័យថ្មីមួយ៕

Related Topics:សម្ដេចតេជោ ហ៊ុន សែន