ព័ត៌មានជាតិ
លោក គួច ចំរើន ណែនាំដល់អ្នកបើកបរផ្លូវល្បឿនលឿនត្រៀមលក្ខណៈពិនិត្យស្លាកសញ្ញាប្រាប់ដំណឹងតាមដងផ្លូវ
លោក គួច ចំរើន អភិបាលខេត្តព្រះសីហនុ នៅថ្ងៃទី ១ ខែតុលា ឆ្នាំ ២០២២នេះ បានចុះពិនិត្យមើលការបើកឲ្យប្រើប្រាស់សាកល្បងផ្លូវល្បឿនលឿនរាជធានីភ្នំពេញ-ខេត្តព្រះសីហនុនៅបញ្ជរបង់ប្រាក់ច្រកចូលទី ៨ ស្ថិតនៅតំបន់ក្បាលឆាយ ឃុំបិតត្រាំង ស្រុកព្រៃនប់ ខេត្តព្រះសីហនុ។
ក្នុងឱកាសនោះលោក គួច ចំរើន បានចែកខិតប័ណ្ណ និងបានធ្វើការណែនាំដល់អ្នកធ្វើដំណើរសាកល្បងលើផ្លូវល្បឿនលឿន ដោយលោកក៏បានណែនាំដល់អ្នកបើកបរត្រូវត្រៀមលក្ខណៈមុនពេលបើកបរលើផ្លូវល្បឿនលឿនឲ្យបានច្បាស់លាស់ដូចជា៖ ត្រូវពិនិត្យស្លាកសញ្ញាប្រាប់ដំណឹងលើផ្លូវល្បឿនលឿន ការបើកបរចូលបញ្ជរបង់ប្រាក់ មើលស្លាកសញ្ញាប្រាប់ដំណឹងពីការចាប់ផ្តើមចូលផ្លូវល្បឿនលឿន ការបើកបរចូលផ្លូវល្បឿនលឿនការប្រើប្រាស់គន្លងផ្លូវ ការកំណត់ល្បឿនបើកបរយានយន្ត ការរក្សាចន្លោះសុវត្ថិភាពបើកបរយានយន្ត និងលេខទូរស័ព្ទទាន់ហេតុការណ៍ និងការជួយសង្គ្រោះ ជាដើម។
លោកអភិបាលខេត្តព្រះសីហនុក៏ជំរុញឲ្យពលរដ្ឋទាំងអស់ចូលរួមគោរពច្បាប់ចរាចរណ៍ និងសេចក្តីជូនដំណឹងរបស់ក្រសួងសាធារណការ និងដឹកជញ្ជូនផងដែរ ដើម្បីចូលរួមកាត់បន្ថយគ្រោះថ្នាក់។
ផ្លូវល្បឿនលឿនរាជធានីភ្នំពេញ-ខេត្តព្រះសីហនុ គឺកំណត់ល្បឿនខ្ពស់បំផុតសម្រាប់រថយន្តធុនតូចត្រឹម ១២០គីឡូម៉ែត្រក្នុងមួយម៉ោង (សម្រាប់ផ្លូវលាតត្រង់) ប៉ុន្តែក្នុងស្ថានភាពផ្លូវកោង អ្នកបើកបរត្រូវបានកំណត់ឲ្យបើកបរត្រឹមតែ ៤០គីឡូម៉ែត្រក្នុងមួយម៉ោងប៉ុណ្ណោះ រួចទើបត្រូវបង្កើនល្បឿនដល់ ៦០គីឡូម៉ែត្រក្នុងមួយម៉ោងឡើងទៅតាមស្ថាន ភាពដែលមានស្លាកសញ្ញាបង្ហាញប្រាប់តាមដងផ្លូវ៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៤ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ