ព្រះរាជពិធីបុណ្យអុំទូកនៅខេត្តកំពតនឹងចាប់ផ្ដើមប្រារព្ធធ្វើឡើងនៅថ្ងៃ ៦ វិច្ឆិកា ខែក្រោយ

ព្រះរាជពិធីបុណ្យអុំទូកនៅខេត្តកំពតនឹងចាប់ផ្ដើមប្រារព្ធធ្វើឡើងនៅថ្ងៃទី ៦ ខែវិច្ឆិកា រហូតដល់ថ្ងៃទី៨ ខែវិច្ឆិកាឆ្នាំ២០២២នៅបណ្ដោយដងព្រែកកំពត។

រដ្ឋបាលខេត្តកំពតបានចេញសេចក្តីជូនដំណឹងដល់បងប្អូនសាធារណជន និងប្រជាពលរដ្ឋរស់នៅទូទាំងក្នុងខេត្តកំពត និងបងប្អូននៅក្រៅខេត្តឲ្យបានជ្រាបថា ដើម្បីអញ្ជើញមកចូលរួមអបអរសាទរព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ នៅពេលខាងមុខរដ្ឋបាលខេត្តកំពត បានកំណត់រៀបចំពិធីប្រណាំងទូក «ង» ខ្នាតប្រពៃណី ស្ថិតលើដងព្រែកកំពុងបាយ (ព្រែកកំពត) ចាប់ពីថ្ងៃទី៦-៧ ខែវិច្ឆិកា ឆ្នាំ២០២២ និងពិធីបណ្ដែតប្រទីប អកអំបុក និងសំពះព្រះខែ នៅថ្ងៃទី៨ ខែវិច្ឆិកាឆ្នាំ២០២២នាពេលខាងមុខនេះ៕

អត្ថបទ៖ សឹង រ៉ាត់