រដ្ឋបាលខេត្តបាត់ដំបង​ត្រៀមរៀបចំពិធីបុណ្យអុំទូក​នៅស្ទឹងសង្កែ

រដ្ឋបាលខេត្តបាត់ដំបងត្រៀមរៀបចំប្រារព្ធពិធីបុណ្យអុំទូករយៈពេល២ថ្ងៃគឺនៅថ្ងៃទី ៩-១០ ខែតុលា ឆ្នាំ ២០២២ នៅស្ទឹងសង្កែ ខណៈក្រុមការងារសាងសង់វេទិកាអុំទូកសម្រេចការងារបានទាំងស្រុង។

​ការរៀចំពិធីបុណ្យអុំទូកនាឆ្នាំនេះ​រដ្ឋបាលខេត្តបានសម្រុកសាងសង់នូវវេទិកាអុំទូកថ្មី​ដ៏ធំទូលាយ​ និងស្រស់ស្អាតជាទីបំផុតធ្វើយ៉ាងណាឲ្យរួចរាល់ជាស្ថាពរទាន់ថ្ងៃប្រារព្ធពិធី ហេតុដូច្នេះហើយ​បាន​ជាក្រុមវិស្វករបានមមាញឹកប្រឹងប្រែង​សាងសង់ទាំងថ្ងៃទាំងយប់ដើម្បីឲ្យទាន់ពេល។

ទីបំផុតនៅដើមខែតុលានេះ វេទិការអុំទូកថ្មីបានសម្រេចជាផ្លូវការមួយរយភាគរយហើយដោយ គ្រោង​នឹង​ដាក់ឱ្យដំណើរការក្នុងថ្ងៃបុណ្យចេញព្រះវស្សានាថ្ងៃទី ៩-១០ ខែតុលា ឆ្នាំ២០២២ខាងមុខនេះជាមួយនឹងរដ្ឋបាលខេត្តបាត់ដំបងបានបើកប្រារព្ធពិធីប្រណាំងទូកផងដែរដូច្នេះសូមអញ្ជើញ​ប្រជាពលរដ្ឋជិតឆ្ងាយចូលរួមទស្សនា៕

អត្ថបទ៖ សោ និយមរ័ត្ន