ព័ត៌មានជាតិ

ឧត្តមសេនីយ៍ទោ ប៉ែន វ៉ូយ អញ្ជើញបំពាក់ឋានន្តរសក្ដិកិច្ចបច្ឆាមរណៈដល់វីរៈកងទ័ព២នាក់ ដែលសង្គ្រោះក្មេងបណ្តាលឲ្យទឹកគួចស្លាប់

បានផុស

២ years មុន

នៅ

ថ្ងៃចន្ទ ៣ តុលា ២០២២

ដោយ

ឧត្តរមានជ័យ ៖ បំពាក់ឋានន្តរសក្ដិកិច្ចបច្ឆាមរណៈដល់វរកងទ័ពចំនួន២នាក់ ដែលបានសង្គ្រោះក្មេងប្រុស២នាក់ឲ្យរួចផុតពីសេចក្តីស្លាប់ ហើយបែរជាត្រូវបានបាត់បង់ជីវិតយោធិនទាំងនាក់វិញនោះ។ នាសៀលថ្ងៃទី០៣ ខែតុលា ឆ្នាំ២០២២ លោកឧត្តមសេនីយ៍ទោ ប៉ែន វ៉ូយ មេបញ្ជាការ កងពលតូចថ្មើរជើងលេខ ៤២ បានអញ្ជើញបំពាក់ឋានន្តរសក្តិកិច្ចបច្ឆាមរណៈជូនវីរៈកងទ័ពដែលបានពលីជីវិតក្នុងបុព្វហេតុការពារជាតិ មាតុភូមិ និង ប្រជាជននៅក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីនោះដែរ លោកប៉ែន វ៉ូយ បានមានប្រសាសន៍ថា ដោយយោងតាមអនុសាសន៍ណែនាំរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានសម្រេចឲ្យអគ្គបញ្ជាការដំឡើងឋានន្តរសក្តិថ្នាក់ អនុសេនីយ៍ឯក ជាកិច្ចបច្ឆាមរណៈជូនវីរៈកងទ័ពទាំង ២ នាក់ ក្នុងនោះមាន:

១/អនុសេនីយ៍ឯក ឈន ស៊ីដេត អាយុ ៣៩ ឆ្នាំ សពបានប្រារព្ធធ្វើបុណ្យនៅភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ។

២/ អនុសេនីយ៍ឯក វ៉ាន់ ថុល អាយុ ២៣ ឆ្នាំ សពបានប្រារព្ធធ្វើបុណ្យនៅភូមិដីបាក់ ឃុំអំពិល ស្រុកបន្ទាយអំពិល ខេត្តឧត្តរមានជ័យ។

ឆ្លៀតនៅក្នុងឱកាសនោះដែរ លោកឧត្តមសេនីយ៍ទោ ប៉ែនវ៉ូយមេបញ្ជាការ កងពលតូចថ្មើរជើងលេខ ៤២ ក៏បានពាំនាំនូវការចូលរួមរំលែកទុក្ខពីសំណាក់ នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ និង ឯកឧត្ដមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក ព្រមទាំង នាយ ពលទាហាន ទាំងអស់ក្នុងកងយោធពលខេមរភូមិន្ទជូនចំពោះគ្រួសារសពវីរៈយុទ្ធជនទាំង ២ ។ ទោះជារូបលោកទាំង ២ លាចាកលោកទៅហើយក្តី យើងទាំងអស់គ្នានៅតែចងចាំនូវវីរៈភាពដ៏អង់អាចក្លាហាន និង ស្នាដៃជាច្រើនដែលមិនអាចបំភ្លេចបានឡើយ។

សូមជម្រាបថា ចំពោះអំណោយសប្បុរសជនដែលបានចូលរួមដល់ក្រុមគ្រួសារសពយោធិនទាំង២រូបទឹកប្រាក់៣៧៨០០០០រៀលក្នុង១សពទទួលបានថវិការ១៨៩០០០០រៀលនាព្រឹកថ្ងៃទី០៣ខែតុលាឆ្នាំ២០២២រួមមានថវិការបស់លោកឧកញ៉ាឃុនទី និង លោឧញ៉ាឃុន សេងផេង ជូនដល់សពទាំងចំនួន2000$ក្នុង១សពទទួលបាន1000$បូករួមថវិកាអ្នកនៅអាមេរិក120$ផងដែរ។

បើតាមការបញ្ជាក់ពីលោកឧត្តមសេនីយ៍ត្រីនាក់វង្សមេបញ្ជាការរងនិងជានាយសេនាធិការកងពលតូចថ្មើរជើងលេខ៤២បានឲ្យដឹងនៅល្ងាចថ្ងៃទី០៣ ខែតុលា ឆ្នាំ២០២២នេះថា នៅក្នុងកម្មវិធីបុណ្យសពយោធិនទាំង២នាក់ គឺប្រារព្ធធ្វើរហូតដល់បញ្ចប់នៅថ្ងៃទី០៧ខែតុលាឆ្នាំ២០២២ខាងមុខនេះ៕

ដោយ ៖ ចាន់ ធី