ព័ត៌មានជាតិ
អភិបាលខេត្តកំពត នាំយកអំណោយមនុស្សធម៌កាកបាទក្រហមជូនពលរដ្ឋរងគ្រោះដោយខ្យល់កន្ត្រាក់ ៤៧៥ខ្នងផ្ទះ
ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងជាប្រធានសាខាកាកបាទក្រហមកម្ពុជាខេត្ត មានការអញ្ជើញអមដំណើរដោយឯកឧត្តមលោកជំទាវ លោក លោកស្រីអភិបាលរងខេត្ត និងលោកអភិបាលស្រុកទឹកឈូកាលពីព្រឹកថ្ងៃទី៤ ខែតុលា ឆ្នាំ២០២២ បានចុះសួរសុខទុកដល់លំនៅដ្ឋានប្រជាពលរដ្ឋដែលរងគ្រោះដោយខ្យល់កន្ត្រាក់ដួលរលំនៅភូមិត្រពាំងព្រីងខាងជើង ឃុំត្រពាំងព្រីងស្រុកទឹកឈូ ខេត្តកំពត។
![](https://www.kampucheathmey.com/wp-content/uploads/2022/10/photo_2022-10-05_09-32-36-1024x516.jpg)
លោក អុីម ចន្ធ័សោធន អភិបាលស្រុកទឹកឈូ បាននិយាយប្រាប់អោយដឹងថា នៅក្នុងពិធីចែកអំណោយមនុស្សធម៌ដល់ប្រជាពលរដ្ឋដែលរងគ្រោះដោយខ្យល់កន្ត្រាក់កាលពីវេលាម៉ោង៤ល្ងាច នៅថ្ងៃទី៣ ខែតុលាឆ្នាំ២០២២ នេះលំនៅដ្ឋានរបស់ប្រជាពលរដ្ឋចំនួន៤៧៥ខ្នងផ្ទះ សុទ្ធតែរងផលប៉ះពាល់ដោយសារខ្យល់កន្ត្រាក់។
បើយោងតាមរបាយការណ៍លោក អុីម ចន្ទ័សោធន អភិបាលស្រុកទឹកឈូ មានប្រសាសន៍ថា ពលរដ្ឋដែលបានរងការខូចខាតផ្ទះសម្បែងជិត៥០០គ្រួសារនេះមកពីឃុំចំនួន៣ ទី១, គឺឃុំត្រពាំងព្រីង ទី២,ឃុំកណ្ដោល ទី៣,ឃុំត្រពាំងសង្កែ ស្ថិតនៅក្នុងស្រុកទឹកឈូ។
![](https://www.kampucheathmey.com/wp-content/uploads/2022/10/photo_2022-10-05_09-32-39-1024x522.jpg)
លោកអភិបាលស្រុកទឹកឈូ មានប្រសាសន៍ថា ក្នុងចំណោមឃុំទាំង៣ ដែលប្រជាពលរដ្ឋបានរងគ្រោះដោយខ្យល់កន្ត្រាក់នេះ គឺឃុំត្រពាំងព្រីងមានប្រជាពលរដ្ឋចំនួន៤ភូមិសុទ្ធតែរងគ្រោះដោយសារខ្យល់កន្ត្រាក់ មានចំនួនពលរដ្ឋ៤៦៣ គ្រួសារ និងឃុំត្រពាំងសង្កែ មានចំនួន៣គ្រួសារ និងឃុំកណ្ដោលមានចំនួន៩គ្រួសារ។ លោកបន្ថែមថា លំនៅដ្ឋានដែលប្រជាពលរដ្ឋរងគ្រោះដួលរលំរាបដល់ដីមានចំនួន៧ខ្នងផ្ទះ។
![](https://www.kampucheathmey.com/wp-content/uploads/2022/10/photo_2022-10-05_09-32-42-1024x553.jpg)
ឯកឧត្តម ម៉ៅ ធនិន អភិបាលខេត្តកំពត បានមានប្រសាសន៍ឱ្យដឹងថា នៅក្នុងពិធីចែកអំណោយកាកបាទក្រហមកម្ពុជាខេត្តកំពត នាព្រឹកថ្ងៃទី៤ខែតុលា ឆ្នាំ២០២២នេះ មកដល់ពលរដ្ឋដែលរងផលប៉ះពាល់ខ្យល់កន្ត្រាក់ បានធ្វើឡើងនៅបរវេនវត្តតូបនៅក្នុងឃុំត្រពាំងព្រីង ថាអាជ្ញាធរខេត្តកំពតសូមចូលរួមសោកស្ដាយដែលគ្រួសារយើងជាច្រើនគ្រួសារបានបាត់បង់លំនៅដ្ឋាន និងបងប្អូនមួយចំនួនទៀតក៏បានរងការផលប៉ះពាល់លំនៅដ្ឋាន។ ប៉ុន្តែមិនមានពលរដ្ឋណាម្នាក់គ្រោះថ្នាក់ដល់អាយុជីវិតនោះឡើយ។
![](https://www.kampucheathmey.com/wp-content/uploads/2022/10/photo_2022-10-05_09-32-47.jpg)
ឯកឧត្តម ម៉ៅ ធនិន អភិបាលខេត្តកំពតមានប្រសាសន៍ថា គ្រោះធម្មជាតិយើងមើលមិនឃើញហើយក៏គ្មានអ្នកណាម្នាក់បានដឹងទុកជាមុននោះទេ ប៉ុន្តែយើងត្រូវមានការប្រុងប្រយ័ត្នឱ្យបានខ្ពស់ទាំងអស់គ្នា។ ឯកឧត្តមអភិបាលខេត្ត បានប្រសាសន៍បន្ទាប់ពីកើតហេតុប្រមុខរាជរដ្ឋាភិបាលកម្ពុជាដែលមានសម្ដេចអគ្គមហាសេនាបតីតេជោហ៊ុន សែន និងសម្ដេចកិតិព្រឹតបណ្ឌិត ប៊ុន រ៉ានីហ៊ុនសែន ដែលមានការយកចិត្តទុកដាក់អោយអាជ្ញាធរចាត់ចែងជាពិសេសផ្ដល់សម្ភារនិងស្បៀងអាហាដល់ពលរដ្ឋដែលរងគ្រោះដោយពិតប្រាកដ។
![](https://www.kampucheathmey.com/wp-content/uploads/2022/10/photo_2022-10-05_09-32-57.jpg)
ឯកឧត្តមអភិបាលខេត្ត ក៏សុំអោយប្រជាពលរដ្ឋទាំងអស់មានការប្រុងប្រយ័ត្ន ព្រោះខេត្តយើងជាខេត្តនៅតំបន់ឆ្នេរជាប់មាត់សមុទ្រ ដូចនេះវាងាយរងគ្រោះបំផុតដោយខ្យល់ព្យុះ។ ឯកឧត្តម ម៉ៅ ធនិន បានឧបត្តមដល់ពលរដ្ឋចំនួន៧គ្រួសារដែលរងគ្រោះធ្ងន់ធ្ងរ គ្រួសារនីមួយៗទទួលបានថវិការចំនួន២លានរៀល សង្ក័សីចំនួន១០០សន្លឹក-អង្ក៥០គីឡូ-មី១កេះទឹកត្រី១យូ និងត្រីខរ១យូ និងតង់កៅស៊ូមួយ។
ដោយឡែកគ្រួសារផលប៉ះពាល់ដោយខ្យល់កន្ត្រាក់ទទួលបានក្នុងមួយគ្រួសារថវិការ៥មុឺនរៀល-អង្ក៥០គីឡូ-មី១កេះទឹកត្រីនិងត្រីខរផងដែរ៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2022/10/photo_2022-10-05_09-33-09.jpg)
![](https://www.kampucheathmey.com/wp-content/uploads/2022/10/photo_2022-10-05_09-33-13.jpg)
![](https://www.kampucheathmey.com/wp-content/uploads/2022/10/photo_2022-10-05_09-33-18.jpg)
![](https://www.kampucheathmey.com/wp-content/uploads/2022/10/photo_2022-10-05_09-33-33.jpg)
![](https://www.kampucheathmey.com/wp-content/uploads/2022/10/photo_2022-10-05_09-33-38.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?