ប៉ុន្មានសន្លឹក​ពី​វេទិកា​អុំទូកបាត់ដំបង ជា​សមិទ្ធផល​ថ្មី​មួយ​ទៀតដល់អ្នក​ខេត្ត​បាត់ដំបង​

រាជសីមួយគូបាន​បន្ថែម​ការ​ចាប់​អារម្មណ៍​​ថែមទៀត​ ខណៈ​វេទិកាអុំទូកខេត្តបាត់ដំបង​ទើប​តែ​​សាងសង់​បញ្ចប់​​ថ្មីៗ​ត្រៀមដាក់​សម្ភោធ​​នៅ​​ប៉ុន្មានថ្ងៃខាង​មុខ​ទៀតនេះ។ សមិទ្ធិផលថ្មីលើទឹកដីខេត្តបាត់ដំបង បាន​ធ្វើឲ្យប្រជាពលរដ្ឋនិងមហាជនជាយុវវ័យសិស្សនិស្សិត សាទរ​​ចំពោះគំនិតច្នៃប្រឌិត​ការ​អភិវឌ្ឍន៍​របស់​រដ្ឋបាល​ខេត្តបាត់ដំបង​បម្រើ​ផល​ប្រយោជន៍​ដល់​ប្រជាជន។

អាគារអុំទូកស្ថិត​នៅប្របតាមមាត់ស្ទឹងសង្កែប៉ែកខាងកើត តាមបណ្តោយផ្លូវលេខ ១ ស្ថិតក្នុងសង្កាត់ស្វាយប៉ោ ក្រុងបាត់ដំបង រួមទាំងរាជសីហ៍មួយគូដ៏​មានអំណាចតំណាងឲ្យភាពសុខសាន្ត ត្រជាក់ត្រជុំ រីកចម្រើន ឥទ្ធិពល លាភសក្ការ: និង​ភាពជោគជ័យដល់ប្រជាពលរដ្ឋទូទាំងខេត្តបាត់ដំបង។

វេទិកាអុំទូកខេត្តបាត់ដំបង ត្រៀមដាក់ឲ្យប្រើប្រាស់ជាផ្លូវការនៅថ្ងៃទី ៨ខែតុលា ខាងមុខនេះ មុនប្រារព្វពិធីបុណ្យអុំទូកមួយថ្ងៃដែលនឹងឈានមកដល់នៅថ្ងៃទី ៩តុលាខាងមុខ៕

អត្ថបទ៖ សៅ សារិទ្ធ