Connect with us

ព័ត៌មានជាតិ

លោក ជិន ម៉ាលីន ៖ ទិសដៅយុទ្ធសាស្រ្ដចំនួនពីរ ត្រូវបានដាក់ចេញដើម្បីពង្រឹងគុណភាព និងប្រសិទ្ធភាពនៃសេវាយុត្តិធម៌

បានផុស

នៅ

មន្ត្រីជាន់ខ្ពស់ក្រសួងយុត្តិធម៌ បានអះអាងថា ក្រសួងយុត្តិធម៌ បានដាក់ចេញនូវទិសដៅយុទ្ធសាស្រ្ដចំនួនពីរ ដើម្បីសម្រេចនូវគោលបំណងក្នុងការពង្រឹងគុណភាព និងប្រសិទ្ធភាពនៃសេវាយុត្តិធម៌នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ មានប្រសាសន៍ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងយុត្តិធម៌” នាព្រឹកថ្ងៃទី ៧ ខែតុលានេះថា ដើម្បីសម្រេចនូវគោលបំណង ក្នុងការពង្រឹងគុណភាព និងប្រសិទ្ធភាពនៃសេវាយុត្តិធម៌នោះ គឺក្រសួងយុត្តិធម៌ បានដាក់ចេញនូវទិសដៅយុទ្ធសាស្រ្ដចំនួនពីរ។ ទីមួយ. ការកែទម្រង់ច្បាប់ និងទីពីរ. ការកែទម្រង់ប្រព័ន្ធយុត្តិធម៌។

លោក ជិន ម៉ាលីន បានថ្លែងថា ការកែទម្រង់ច្បាប់ គឺផ្ដោតទៅលើការរៀបចំក្របខណ្ឌច្បាប់ និងគោលនយោបាយ ដែលចាំបាច់ និងសារៈសំខាន់សម្រាប់ប្រព័ន្ធយុត្តិធម៌។ ក្នុងនោះ មានការធ្វើវិសោធនកម្មច្បាប់ចាស់, មានការរៀបចំនូវច្បាប់ និងគោលនយោបាយថ្មីមួយចំនួន។

ចំណែកឯការកែទម្រង់ប្រព័ន្ធយុត្តិធម៌វិញ គឺផ្ដោតទៅលើការកែទម្រង់ប្រព័ន្ធតុលាការ តាមរយៈការរៀបចំនូវធនធានមនុស្ស ហិរញ្ញវត្ថុ ហេដ្ឋារចនាសម្ព័ន្ធរូបវន្ត ដំណើរការនីតិវិធី គុណភាពនៃការសម្រេចសេចក្ដី និងការអនុវត្តនៃសេចក្ដីសម្រេចរបស់តុលាការ ជាដើម។

លោករដ្ឋលេខាធិការក្រសួងយុត្តិធម៌ បានបញ្ជាក់ថា «ការកែទម្រង់ប្រព័ន្ធយុត្តិធម៌មួយទៀត គឺផ្ដោតទៅលើគេហៅថា ការដោះស្រាយវិវាទក្រៅប្រព័ន្ធតុលាការ រួមមាន យន្តការនៃការរៀបចំការងារសន្ទានុកម្ម ក៏ដូចជាយន្តការនៃការផ្ដល់ជំនួយផ្នែកច្បាប់ ជាដើម»។

លោក ជិន ម៉ាលីន បានបញ្ជាក់ទៀតថា ការកែទម្រង់នូវចំណុចទាំងពីរខាងលើនេះ គឺមានទិសដៅសម្រេចឲ្យបាននូវគោលបំណងពង្រឹងគុណភាព និងប្រសិទ្ធភាពសេវាយុត្តិធម៌ ហើយដើម្បីសម្រេចនូវចក្ខុវិស័យវែងឆ្ងាយរបស់យើង គឺការធានាបាននូវយុត្តិធម៌សម្រាប់ទាំងអស់គ្នា ដោយមិនទុកនរណាម្នាក់ចោល៕​

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៧ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៤ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ២០ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១២ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៤ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម