ព័ត៌មានជាតិ

វគ្គបណ្ដុះបណ្ដាលស្ដីពី វិធានការពន្ធថ្នាំជក់ សម្រាប់អ្នកសារព័ត៌មាន

បានផុស

២ years មុន

នៅ

ថ្ងៃសៅរ៍ ៨ តុលា ២០២២

ដោយ

វគ្គបណ្ដុះបណ្ដាល ស្ដីពី វិធានការពន្ធថ្នាំជក់ ធ្វើឡើងនៅ ខេត្តកំពង់ឆ្នាំង នៃសណ្ឋាគារ វិមាននាគថ្មី កាលពីថ្ងៃទី៦-៧ តុលា ដែលរៀបចំឡើង ដោយ លោកវេជ្ជបណ្ឌិត មុំគង់ នាយកប្រតិបត្តិអង្គការចលនាដើម្បីសុខភាពកម្ពុជា។

ទោះបីយុទ្ធនាការតាមប្រព័ន្ធផ្សព្វផ្សាយ ព័ត៌មាន ពីផលប៉ះពាល់ ថ្នាំជក់តាមរយៈកម្មវិធី អប់រំ ផ្សព្វផ្សាយ តាមគ្រឹះស្ថាន សិក្សា ឬ កម្មវិធី យុវជន ផ្សាយតាម ទូរទស្សន៍ វិទ្យុ សារព័ត៌មាន នានា facebook youtube ខិតប័ណ្ណ ដាបា ប៉ាណូក្តី តែក៏មិនទាន់បានប្រសើរ 100% ដែរ គឺនៅមានការលួចលាក់ជក់បារី របស់យុវវ័យសិស្សសាលា មួយចំនួន ដែលពុំគិតដល់ អាយុ ជីវិត ពី សុខភាពឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្អូនស្រី វីណា និង ចែមុំ ដែលជាអាជីវករ លក់ដូរ គ្រឿងចាប់ហួយនៅ ខេត្តកំពង់ឆ្នាំង បានរៀបរាប់ថា ខ្ញុំលក់ដូរអីវ៉ាន់គ្រប់មុខតែលក់បារីតិចតួចទេ ពេលនេះដោយសារមានអ្នកខ្លះចេះតែសួររក ទើបខ្ញុំលក់បន្ថែមខ្លះៗទៅ។ ខ្ញុំបានយល់ដឹងពីផលប៉ះពាល់នៃការជក់បារីនេះដែរ នាំឲ្យប៉ះពាល់ដល់សុខភាព។ តែធ្វើម៉េចបើមានអ្នកសួររក យើងដាក់លក់ឲ្យតែមានខ្លះៗទៅ ខ្ញុំឃើញយុវវ័យខ្លះគាត់មកទិញបារីជក់ដើម្បីភាពសង្ហាររបស់គេក៏មិនដឹងដែរតែយើងក៏បានជួយដាស់តឿនទៅគាត់ បើជក់បារី សូមជក់ឲ្យឆ្ងាយពីទីប្រជុំជនដែល នាំឲ្យមានផ្សែងទៅលើអ្នកដែលមិនចេះជក់ នាំឲ្យខូចសុខភាពដល់ពួកគេ អាចបង្កទៅជាជំងឺផ្សេងៗបាន។

តាមការបញ្ជាក់របស់ លោកវេជ្ជ មុំគង់ មានប្រសាសន៍ទៀតថា ការជក់ថ្នាំ នាំឲ្យខាតបង់ជាច្រើន ដូចជាប៉ះពាល់ដល់សុខភាព។ នេះបើយោងតាមអង្គការសុខភាពពិភពលោកការប្រើប្រាស់ថ្នាំជក់បានបង្កទៅជាជំងឺផ្សេងៗដូចជាដាច់សរសៃឈាមក្នុងខួរក្បាល ស្ទះសរសៃឈាម បេះដូងត្បៀត ទងសួតរ៉ាំរ៉ៃពិសេស ជំងឺមហារីកសូត និងបំពង់ខ្យល់ដែលមានប្រជាជនកម្ពុជាប្រមាណ 15000នាក់ស្លាប់ ជារៀងរាល់ឆ្នាំដោយសារការប្រើប្រាស់ ថ្នាំជក់ និងប្រមាណ៨លាននាក់ក្នុង១ឆ្នាំ លើពិភពលោក។ ក្នុងនោះ១លាននាក់ជាអ្នកស្រូបផ្សែងបារី ពីរនាក់ជក់។

ការប៉ះពាល់សេដ្ឋកិច្ចវិញ លោកបានបង្ហាញថា ដូចជាការខាតបង់សេដ្ឋកិច្ច ស្លាប់ មុនអាយុ ការងារ ថយចុះ។ ចំណាយពេលវេលា ទៅព្យាបាលជំងឺដែលបង្កដោយការប្រើប្រាស់ផលិតផលថ្នាំជក់ បើសិនគិតជាទឹកប្រាក់ជារៀងរាល់ឆ្នាំ កម្ពុជាខាតបង់ប្រមាណ 649 លានដុល្លារ USA ស្មើនឹង ៣ភាគរយ GDP របស់កម្ពុជា។

ទាក់ទងចំពោះបរិស្ថានវិញ បើយោងតាម មជ្ឈមណ្ឌល សម្រាប់អភិបាលកិច្ចល្អ ក្នុងការត្រួតពិនិត្យផលិតផលថ្នាំជក់ពិភពលោក GGTC លោកបន្តថា ការផលិតថ្នាំជក់នៅលើពិភពលោកបាន បំផ្លាញព្រៃឈើប្រមាណ៥ភាគរយ នៃ ព្រៃឈើបាត់បង់សារុប និង បង្កើតជាកាកសំណល់ រឹងប្រមាណជា 25 លានតោន និង ទឹក កខ្វក់ប្រមាណ 55 លានម៉ែត្រគូប ដោយបំភាយ ឧស្ម័ន ការប៊ូនឌីអុកស៊ីត ប្រមាណ 84 លានតោន ចូលទៅក្នុងបរិយាកាស។និងប្រេងឥន្ធនៈប្រមាណ 21ពាន់ លានលីត្រ ត្រូវបានបង្ហូរចូល ទៅក្នុងទឹក និងប្រើប្រាស់ នៅក្នុងដំណើរការដុតសម្ងួតផលិតផលថ្នាំជក់។

លោក វេជ មុំគង់ បញ្ជាក់បន្ថែមទៀតថា ដើម្បីឲ្យប្រជាជនដែលរងផលប៉ះពាល់អាយុជីវិតនិងសុខភាព ទី1 ត្រូវដំឡើងពន្ធថ្នាំជក់ឲ្យបាន 75%។ទី 2 ត្រូវពង្រឹងប្រជាជនឲ្យអនុវត្ត ហាមជក់បារី នៅកន្លែងសាធារណៈនិង កន្លែងធ្វើការ និងមានសារព្រមាន ពី សុខភាពលើកញ្ចប់បារី៕

ដោយ ៖ រុងរឿង