ព័ត៌មានជាតិ
មន្ត្រីជាន់ខ្ពស់អេដស៍ រំពឹងកម្ពុជា នឹងអាចឈានលុបបំបាត់ជំងឺអេដស៍តាមគោលដៅកំណត់ នៅឆ្នាំ ២០២៥
លោក ឈឹម ឃិនដារ៉េត បានមានប្រសាសន៍កាលពីព្រឹកថ្ងៃទី ០៩ តុលានេះថា តាមការរំពឹងទុក កម្ពុជា ពិតជាអាចនឹងឈានទៅលុបបំបាត់ជំងឺអេដស៍ដែលជាបញ្ហាសុខភាពសាធារណៈបានតាមគោលដៅកំណត់នៅឆ្នាំ ២០២៥ ខាងមុខ។
លោកបានបន្តថា ការលុបបំបាត់ជំងឺអេដស៍ទៅតាមកំណត់នៅឆ្នាំ ២០២៥ នេះ ធ្វើឡើងតាមរយៈការខិតខំប្រឹងប្រែង និងរុករកយុទ្ធសាស្ត្រថ្មីៗបន្ថែមទៀត របស់រដ្ឋាភិបាល និងដៃគូអភិវឌ្ឍន៍ ក្នុងការទប់ស្កាត់មេរោគអេដស៍។
យ៉ាងណាក៏ដោយ លោកបានបន្តទៀតថា ប៉ុន្តែការសម្រេចគោលដៅទៅបាន ចាំបាច់ទាមទារឲ្យមានការចូលរួមពីគ្រប់ភាគីពាក់ព័ន្ធទាំងអស់ រួមទាំងអ្នកផ្ទុកមេរោគអេដស៍ខ្លួនឯងផងដែរ ដោយផ្អែកលើសសរស្ដម្ភបី គឺ មគ្គុសទេសភាព ភាពជាដៃគូ និងការវិនិយោគ។ ទន្ទឹមនឹងថវិកាពីប្រភពជំនួយកំពុងមានការធ្លាក់ចុះ រាជរដ្ឋាភិបាល បាននិងកំពុងបង្កើននូវថវិកាជាតិសម្រាប់ការឆ្លើយតបនឹងមេរោគអេដស៍ និងជំងឺអេដស៍ កាន់តែច្រើនឡើងៗ ពីមួយឆ្នាំទៅមួយឆ្នាំ តាមរយៈយន្តការ នៃប្រព័ន្ធជាតិ(Country System)។
លោកបានបន្ថែមថា វិបត្តិសកល ក៏បានជះឥទ្ធិពលដល់ការឆ្លើយតបនឹងមេរោគអេដស៍នៅកម្ពុជាផងដែរ ដូចជា ក្នុងឱកាសសន្និសីទអេដស៍អន្តរជាតិលើកទី ២៤ ពីថ្ងៃទី ២៩ ខែកក្កដា ដល់ថ្ងៃទី ២ ខែសីហា ឆ្នាំ ២០២២ នៅទីក្រុងម៉ុងត្រេអាល់ ប្រទេសកាណាដា លោកស្រី Winnie Byanyima ប្រធាន UNAIDS លើកឡើងពីការឆ្លើយតបមេរោគអេដស៍ស្ថិតក្នុងស្ថានភាពគ្រោះថ្នាក់ ដោយផ្អែកលើកត្តាមួយចំនួនដូចជា វិបត្តិប្រេងឥន្ធនៈ ថាមពល សង្គ្រាមអ៊ុយក្រែន វិបត្តិស្បៀងអាហារ ការធ្លាក់ចុះ នៃសេដ្ឋកិច្ចពិភពលោក ជះឥទ្ធិពលអវិជ្ជមានដល់ការសម្រេចគោលដៅ ៩៥-៩៥-៩៥ ដែលបានកំណត់នៅឆ្នាំ ២០៣០ ដែលទាមទារឲ្យប្រទេសទាំងអស់ចូលរួមប្រឹងប្រែងទាំងអស់ជម្នះនូវឧបសគ្គនានា។
លោក ឈឹម ឃិនដារ៉េត អគ្គលេខាធិការ នៃអាជ្ញាធរជាតិប្រយុទ្ធនឹងជំងឺអេដស៍ បានបញ្ជាក់ថា តាមការប៉ាន់ប្រមាណតាមបែបវិទ្យាសាស្ត្រ ក្នុងឆ្នាំ ២០២២ នេះ នឹងមានអ្នកផ្ទុកមេរោគអេដស៍ប្រមាណជា ៧៤ ០០០ នាក់ ហើយគិតមកដល់ត្រីមាសទី ២ ឆ្នាំ ២០២២ នេះ មានអ្នកផ្ទុកមេរោគអេដស៍ប្រមាណជា ៦៣ ០០០ នាក់ បានមកទទួលសេវាថែទាំ និងព្យាបាលដោយឱសថប្រឆាំងនឹងមេរោគអេដស៍ (ARV) និងនៅសល់ប្រមាណជាង ១១ ០០០ នាក់ទៀត មិនទាន់ដឹងពីស្ថានភាពផ្ទុកមេរោគអេដស៍នៅឡើយទេ ហើយក្នុងចំណោមអ្នកផ្ទុកមេរោគអេដស៍ទាំងនោះ អាចជាអ្នកឆ្លងកាលពីឆ្នាំមុនៗ ឬទើបនឹងឆ្លងថ្មីក្នុងឆ្នាំនេះ៕
អត្ថបទ ៖ សំអឿន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?