ព័ត៌មានជាតិ
រដ្ឋមន្ត្រីសុខាភិបាល ជំរុញពលរដ្ឋចល័ត និងមានរបរចូលព្រៃ ត្រូវប្រយ័ត្នខ្ពស់ចំពោះជំងឺគ្រុនចាញ់
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានជំរុញដល់ប្រជាពលរដ្ឋចល័ត និងអ្នកមានរបរទាក់ទងនឹងចេញចូលព្រៃ ត្រូវមានការប្រុងប្រយ័ត្នខ្ពស់ចំពោះជំងឺគ្រុនចាញ់ ដោយបានណែនាំធ្វើតេស្តភ្លាមៗ ក្រោយត្រឡប់ពីព្រៃ ឲ្យទាន់ពេលវេលា ដើម្បីទទួលបានការព្យាបាលត្រឹមត្រូវ ប្រសិនមានឆ្លងជំងឺគ្រុនចាញ់។
ថ្លែងក្នុងពិធីសំណេះសំណាលជាមួយប្រជាពលរដ្ឋ ក្រុមការងារប្រចាំការគោលដៅនៅប៉ុស្តិ៍ច្រកចេញចូលព្រៃឧទ្យានុរក្សព្រៃឈើ អ្នកស្ម័គ្រចិត្តប្រយុទ្ធប្រឆាំងជំងឺគ្រុនចាញ់ ស្ថិតក្នុងភូមិវាល ឃុំសំរោង ស្រុកភ្នំក្រវាញ ខេត្តពោធិ៍សាត់ កាលពីថ្ងៃទី ០៨ តុលា លោករដ្ឋមន្ត្រី បានណែនាំដល់ប្រជាពលរដ្ឋ ត្រូវបង្ការខ្លួនកុំឲ្យកើតជំងឺគ្រុនចាញ់តាមរយៈការប្រើប្រាស់មុងអង្រឹងជ្រលក់ថ្នាំពេលចូលទៅសម្រាកក្នុងព្រៃ ឬថ្នាំលាបស្បែក និងលេបថ្នាំបង្ការមុនពេលចូលព្រៃផងដែរ។
ជាមួយគ្នានេះដែរ លោករដ្ឋមន្ត្រី ក៏បានណែនាំដល់បុគ្គលិក និងមន្ត្រីផ្តល់សេវា ត្រូវចុះជួបប្រជាជនចំណុចផ្ទាល់ និងផ្តល់ការអប់រំសុខភាព ដើម្បីឲ្យមានការផ្លាស់ប្ដូរឥរិយាបថក្នុងការបង្ការជំងឺគ្រុនចាញ់ ធ្វើតេស្តឈាម និងព្យាបាលភ្លាមៗ និងត្រូវកំណត់ឲ្យបាននូវចំនួនប្រជាជនប្រឈម (ប្រជាពលរដ្ឋចល័ត និងអ្នកមានរបរទាក់ទងទៅនឹងព្រៃ) ក្នុងតំបន់គ្រប់គ្រង ដើម្បីធ្វើបទអន្តរាគមន៍បានគ្រប់ៗគ្នា និងមានប្រសិទ្ធភាពខ្ពស់។
លោករដ្ឋមន្ត្រី បានជំរុញដល់មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ មន្ទីរសុខាភិបាលខេត្ត និងអង្គការដៃគូពាក់ព័ន្ធទាំងអស់ ពិនិត្យមើលរួមគ្នាលើវឌ្ឍនភាពការងារ កត្តាប្រឈមហានិភ័យ និងកាលានុវឌ្ឍភាពដែលទាក់ទងទៅនឹងការអនុវត្តគម្រោង CMEP2 ដើម្បីពិភាក្សារួមគ្នារកដំណោះស្រាយលើទំហំសកម្មភាពអនុវត្តឆ្លើយតបនាពេលបច្ចុប្បន្ន និងពង្រីកការអនុវត្តឲ្យសមស្របនូវភូមិសាស្ត្រកំពុងប្រឈមឲ្យបានជោគជ័យ ទៅតាមសូចនាករកំណត់ក្នុងយុទ្ធសាស្ត្រសម្រាប់ការលុបបំបាត់ជំងឺគ្រុនចាញ់ ដើម្បីឈានលុបបំបាត់គ្រុនចាញ់ឲ្យខាងតែបាននៅឆ្នាំ ២០២៥។
ក្នុងឱកាសនោះដែរ លោករដ្ឋមន្ត្រី ម៉ម ប៊ុនហេង ក៏បានចែកមុងជ្រលក់ថ្នាំ និងកញ្ចប់ចូលព្រៃដល់ប្រជាជន កម្មករចម្ការ អ្នកចូលព្រៃ ដល់ទីកន្លែងដែលជាតំបន់ប្រឈមនឹងការចម្លងជំងឺគ្រុនចាញ់ខ្ពស់ក្នុងភូមិសាស្ត្រឃុំចំនួន ៤ ក្នុងស្រុកភ្នំក្រវាញ ខេត្តពោធិ៍សាត់ រួមមាន ឃុំសំរោង ឃុំរកាត ឃុំព្រងិល និងឃុំសន្ទ្រែ ដែលប្រឈមនឹងជំងឺគ្រុនចាញ់ច្រើនជាងគេ៕
អត្ថបទ ៖ សំអឿន
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ