ព័ត៌មានជាតិ

ស្រូវបង្កើនរដូវក្នុងខេត្តកំពង់ឆ្នាំង ២០៣ ហិកតា ត្រូវទឹកទន្លេជន់លិចនៅស្រុកចំនួន ៤ និងឃុំ ៧

បានផុស

២ years មុន

នៅ

ថ្ងៃចន្ទ ១០ តុលា ២០២២

ដោយ

លោក ងិន ហ៊ុន កាលពីព្រឹកថ្ងៃទី ១០ ខែតុលា ឆ្នាំ ២០២២ បានឲ្យដឹងថា តាមរបាយការណ៍បូកសរុបរបស់មន្ទីរកសិកម្មខេត្ត គិតចាប់ពីថ្ងៃទី ០៤ តុលា ដល់ទី ០៨ តុលា ទឹកជំនន់ទន្លេ លិចដំណាំស្រូវសរុបចំនួន ២០៣ ហិកតា ជាប្រភេទស្រូវបង្កើនរដូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានបន្តថា ក្នុងនោះរួមមាន ៖

១-នៅក្នុងស្រុកបរិបូណ៌ ចំនួន ៤៩ ហិកតា (ឃុំពន្លៃ ០៨ ហិកតា ឃុំផ្សារ ១៩ ហិកតា និងឃុំខុនរ៉ង ២២ ហិកតា)។

២-នៅក្នុងស្រុកជលគីរី ចំនួន ៣០ ហិកតា (ឃុំព្រៃគ្រី ៣០ ហិកតា ភូមិពារ និងភូមិតាកាន់)។

៣-នៅក្នុងស្រុកកំពង់ត្រឡាច ចំនួន ៧៧ ហិកតា (ឃុំសែប ៦៧ ហិកតា និងឃុំតាជេស ១០ ហិកតា) ។

៤-នៅក្នុងស្រុករលាប្អៀរ ចំនួន ៤៧ ហិកតា (ឃុំគោកបន្ទាយ ៤៧ ហិកតា ភូមិកងមាស ២៩ ហិកតានិងភូមិចុងឈើត្រាច ១៨ ហិកតា)។

លោកប្រធានមន្ទីរកសិកម្មខេត្ត បានបញ្ជាក់ឲ្យដឹងទៀតថា ការលិចលង់ស្រូវបង្កើនរដូវចំនួន ២០៣ ហិកតា ខាងលើនេះ ទើបតែ ៥ ថ្ងៃ មិនទាន់ឲ្យស្រូវរលួយខូចខាតនោះឡើយ។ ប្រសិនបើស្រូវខាងលើនេះលិចទឹកយូរថ្ងៃ ពី ១ ខែ ទៅ ២ ខែនោះ ទើបស្រូវរលួយខូច។

សូមបញ្ជាក់ថា រូបភាពស្រូវក្នុងស្រែលិចដោយសារទឹកជំនន់ខាងលើនេះ អ្នកយកព័ត៌មានយើងបានថតរូបភាពនៅចំណុចភូមិស្ពករាជ្យ ឃុំអណ្ដូងស្នាយ និងភូមិបាញ់ឆ្គោល , ភូមិជ្រៃបាក់ ក្នុងឃុំជ្រៃបាក់ ក្នុងស្រុករលាប្អៀរ តាមបណ្ដោយផ្លូវជាតិលេខ ៥៕

អត្ថបទ ៖ ឈៀងថារិទ្ធ