ស្ថានទូត​អាមេរិក​ប្រចាំ​​អ៊ុយក្រែន ​ជំរុញ​ពលរដ្ឋ​របស់ខ្លួន ​ឲ្យ​ចាក​ចេញ​ពី​ប្រទេសនេះ ជាបន្ទាន់

នៅថ្ងៃចន្ទទី១០ខែកញ្ញា ស្ថានទូតអាមេរិកប្រចាំប្រទេសអ៊ុយក្រែន បានជំរុញឲ្យពលរដ្ឋរបស់ខ្លួន ត្រូវចាកចេញពីប្រទេសអ៊ុយក្រែនជាបន្ទាន់ ដោយមធ្យោបាយធ្វើដំណើរតាមផ្លូវគោក នៅពេលណាមានសុវត្ថិភាព។

សេចក្តីថ្លែងការណ៍របស់ស្ថានទូត បានឲ្យដឹងថា “ការវាយប្រហារជាបន្តរបស់រុស្ស៊ីនៅអ៊ុយក្រែន បានបង្កការគំរាមកំហែងដោយផ្ទាល់ដល់ជនស៊ីវិល និងហេដ្ឋារចនាសម្ព័ន្ធស៊ីវិល។ ស្ថានទូត​សូម​ជំរុញឲ្យ​ពលរដ្ឋ​អាមេរិក ជ្រកកោន​នៅ​​កន្លែងសុវត្ថិភាព ហើយ​ចាក​ចេញ​ពីប្រទេស​អ៊ុយក្រែន​ឥឡូវ​នេះ ដោយ​ប្រើ​ជម្រើស​មធ្យោបាយ​ធ្វើ​ដំណើរ​តាម​ផ្លូវគោក​ឯកជន ​ពេល​មាន​សុវត្ថិភាព​”។

គួរបញ្ជាក់ថា ទីក្រុងជាច្រើនរបស់អ៊ុយក្រែន បានរងការវាយប្រហារនៅថ្ងៃនេះដោយកងកម្លាំងរុស្ស៊ី ដោយចាប់ផ្តើមដំបូងក្នុងទីក្រុង កៀវ៕

ប្រែសម្រួល៖ Vann Vann

ប្រភព៖ Euro Weekly News

ចុចអាន៖ ទីក្រុងនានាទូទាំងប្រទេសអ៊ុយក្រែន កំពុងរងការវាយប្រហារដោយមីស៊ីល យ៉ាងសន្ធឹក