ព័ត៌មានជាតិ
ខេត្តព្រះសីហនុ ណែនាំឱ្យកែលំអសោភ័ណភាពទីក្រុងឱ្យបានស្អាត ដើម្បីត្រៀមរៀបចំពិធីបុណ្យសមុទ្រលើកទី៩
ខេត្តព្រះសីហនុបានណែនាំឱ្យមានការចូលរួមរៀបចំសណ្តាប់ធ្នាប់សាធារណៈ និងកែលំអសោភ័ណភាព អនាម័យបរិស្ថានដើម្បីត្រៀមរៀបចំពិធីបុណ្យសមុទ្រលើកទី៩ ជុំទី៣ ឆ្នាំ២០២២ និងមហាសន្និបាតក្លឹបឆ្នេរសមុទ្រដែលស្អាតបំផុតលើពិភពលោក ដែលនឹងប្រព្រឹត្តទៅចាប់ពីថ្ងៃទី០៩ ដល់ថ្ងៃទី១៤ ខែធ្នូ ឆ្នាំ២០២២។
នៅក្នុងសេចក្តីណនាំមួយចុះថ្ងៃទី១០តុលា ឆ្នាំ២០២២ លោក គួច ចំរើន អភិបាលខេត្តព្រះសីហនុ បានមានប្រសាសន៍ថា ក្នុងគោលបំណងដើម្បីចូលរួមរៀបចំសណ្តាប់ធ្នាប់របៀបរៀបរយសាធារណៈ និងជម្រុញការកែលំអសោភ័ណភាព និងអនាម័យបរិស្ថានជាពិសេសដើម្បីលើកកម្ពស់កិត្យានុភាពខេត្តព្រះសីហនុ ដែលត្រូវបានរាជរដ្ឋាភិបាលកំណត់ជាតំបន់សេដ្ឋកិច្ចពិសេសគំរូពហុបំណង និងជាតារារះនាទិសនិរតី។
លោកអភិបាលខេត្តបានបន្តថា ដូចនេះដើម្បីចូលរួមអបអរសាទរ និងគាំទ្រដល់ព្រឹត្តិការណ៍ដ៏មានសារៈសំខាន់ទាំងពីរនេះ
ប្រព្រឹត្តទៅប្រកបដោយកិត្តិយស និងទទួលបានជោគជ័យតាមការផែនការរដ្ឋបាលក្រុង ស្រុកទាំងអស់ ត្រូវចុះផ្សព្វផ្សាយ និងបំផុសប្រជាពលរដ្ឋគ្រប់លំនៅដ្ឋានម្ចាស់ដីឡូត៍ ឱ្យសំអាតអនាម័យបរិស្ថាននៅមុខទីតាំង និងលំនៅដ្ឋានរបស់ខ្លួនឱ្យបានស្អាតជាប្រចាំ។ ចំណែកប្រធានមន្ទីរ អង្គភាពជុំវិញខេត្ត ព្រមទាំងម្ចាស់សណ្ឋាគារ ផ្ទះសំណាក់ ភោជនីយដ្ឋាន រង្គសាល ក្រុមហ៊ុន រោងចក្រ សហគ្រាសៈ ធនាគារឯកជន គ្រឹះស្ថានមីក្រូហិរញ្ញវត្ថុឯកជន គ្រឹះស្ថានសិក្សា និងបងប្អូនប្រជាពលរដ្ឋ ត្រូវរៀបចំសំអាតអនាម័យបរិស្ថាន តុបតែងលំអប់ភ្លឺភ្លើងពណ៍ និងស្នើបើកភ្លើងបំភ្លឺពីមុខផ្ទះ ទីស្នាក់ការក្រុមហ៊ុន អគារសាធារណៈ អគារឯកជន និងតាមទីតាំងអាជីវកម្មឆ្នេរខ្សាច់កម្សាន្តឱ្យបានព្រមៗគ្នាចាប់ពីពេលនេះតទៅ
រដ្ឋបាលក្រុង ស្រុក ព្រមទាំងសមត្ថកិច្ចពាក់ព័ន្ធ ម្ចាស់អាជីវកម្មតាមឆ្នេរ ក្រុមហ៊ុនប្រមូលសំរាម KSWM និងប្រជាពលរដ្ឋ ត្រូវចូលរួមសម្អាត និងថែទាំផ្ទេរឱ្យបានល្អ និងមានសោភ័ណភាព។ រីឯមន្ទីរទេសចរណ៍ និងមន្ទីរព័ត៌មានខេត្ត
ត្រូវផ្សព្វផ្សាយឱ្យបានទូលំទូលាយអំពីពិធីបុណ្យសមុទ្រ និងមហាសន្និបាតឆ្នេសមុទ្រដែលស្ពានបំផុតលើពិភពលោកដល់មហាជន ប្រជាជន និងអ្នកយកព័ត៌ពីអត្ថន័យខ្លឹមសារ និងសកម្មភាពនៃព្រឹត្តិការណ៍ទាំងពីរខាងលើ។
អាជ្ញាធរក្រុង ស្រុក ព្រមទាំងកងកម្លាំងប្រដាប់អាវុធគ្រប់ប្រភេទត្រូវសហការការពារក្សាសន្តិសុខ សុវត្ថិភាព របៀបរៀបរយសាធារណៈសណ្ដាប់ធ្នាប់សង្គម ចរាចរណ៍ ដើម្បីធានាបាននូវសុវត្ថិភាព ជូនភ្ញៀវជាតិ អន្តរជាតិមហាជននិងប្រជាពលរដ្ឋ ដែលអញ្ជើញចូលរួមកម្សាន្តសប្បាយប្រកបដោយសុខដុមនីយកម្ម៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៧ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ