Connect with us

ព័ត៌មានជាតិ

មុនក្លាយជាថ្នាក់ដឹកនាំជាន់ខ្ពស់ សម្ដេច ស ខេង និងឥស្សរជន ៣រូបទៀត ធ្លាប់ធ្វើជាអ្នកកាសែត

បានផុស

នៅ

បើតាមការប្រកាសរបស់សម្ដេចក្រឡាហោម ស ខេង នាពេលកន្លងទៅ គឺមុនក្លាយជាឥស្សរជនជាន់ខ្ពស់របស់កម្ពុជានៅ ពេលនេះ សម្ដេចក្រឡាហោម ធ្លាប់ធ្វើជាអ្នកសារព័ត៌មានមួយរូប ដែលធ្លាប់សរសេរអត្ថបទព័ត៌មានឲ្យកាសែតពន្លឺបូព៌ា នាសម័យសង្គ្រាមនៅកម្ពុជា។ ប៉ុន្តែ រហូតមកទល់ពេលបច្ចុប្បន្ននេះ សម្ដេចក្រឡាហោម ស ខេង គឺជាឥស្សរជនជាន់ខ្ពស់របស់កម្ពុជា ដែលកំពុងកាន់តំណែងជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជា ព្រមទាំងមានតួនាទីសំខាន់ៗជាច្រើនទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅអំពីសម្ដេចក្រឡាហោម ស ខេង ក៏មានឥស្សរជនចំនួន ៣រូបផ្សេងទៀតផងដែរ ដែលធ្លាប់ធ្វើជាអ្នកសារព័ត៌មាន មុនពេលក្លាយជាមេដឹកនាំនៅតាមក្រសួង ស្ថាប័នរដ្ឋ។ ឥស្សរជនទាំង ៣រូបនោះ រួមមាន៖

១/ លោក ប្រាក់ សុខុន

លោក ប្រាក់ សុខុន ជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ។ មុនមកកាន់តំណែងជារដ្ឋមន្ត្រីក្រសួងការបរទេសនេះ លោក ប្រាក់ សុខុន ធ្លាប់ធ្វើជារដ្ឋមន្ត្រីក្រសួងប្រៃសណីយ៍ និងទូរគមនាគមន៍។ក្រៅពីមុខងារជាមន្រ្តី​ស៊ីវិល លោកឧបនាយករដ្ឋមន្ត្រី ក៏ជាមន្ត្រីជាន់ខ្ពស់មួយរូបដែលធ្លាប់​បម្រើការងារសំខាន់ៗជាច្រើននៅ​ក្នុង​ជួរ​​កងទ័ព និង​ផ្នែក​សារព័ត៌មាន ផងដែរ។ នៅឆ្នាំ១៩៧៩ ដល់ឆ្នាំ១៩៨៦ លោក ធ្វើជាប្រធាន​ផ្នែក​និពន្ធ​កាសែត​កងទ័ព ហើយនៅឆ្នាំ១៩៨៦ ដល់ឆ្នាំ១៩៩២ ជានិពន្ធ​នាយក​រង​កាសែត​កងទ័ព ខណៈនៅឆ្នាំ១៩៨៩ លោក ប្រាក់ សុខុន បានចេញទៅសិក្សានៅទីក្រុង ​ប៊ុយដាប៉ែស​ ប្រទេស​ហុងគ្រី ដោយទទួលបានវិញ្ញាបនបត្រផ្នែក​សារព័ត៌មាន​។

២/ លោកស្រី ឃួន សុដារី

លោកស្រី ឃួន សុដារី គឺជា​​អនុ​ប្រធានទី២ រដ្ឋសភាជាតិ និងជាសមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា។ លោក​ស្រី ជា​ស្រ្តី​ទី​១ ​ដែល​កាន់​តំណែង​ជា​អនុ​ប្រធានរដ្ឋសភា បន្ទាប់​ពីលោកស្រី ជាប់ជាសមាជិករដ្ឋ សភា ហើយមានតួនាទីជាប្រធានគណៈកម្មការសិទិ្ធមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា- ព្រឹទ្ធសភានៃរដ្ឋសភា។ លោកស្រី ឃួន សុដារី គឺជាអតីតនិស្សិតកម្ពុជា ដែលបានទៅសិក្សានៅប្រទេសហុងគ្រី អំឡុងឆ្នាំ ១៩៨០ ដោយទទួលបានសញ្ញបត្រសារព័ត៌មាននៃវិទ្យាស្ថានអន្តរជាតិសារព័ត៌មាន ហើយនៅឆ្នាំ១៩៨៧ លោកស្រី ក្លាយជានិពន្ធនាយកសារព័ត៌មានប្រជាជន។  

៣/ លោក ខៀវ កាញារីទ្ធ

មុនពេលក្លាយជារដ្ឋមន្ត្រីក្រសួងព័ត៌មាន នៅឆ្នាំ២០០៤ រហូតដល់បច្ចុប្បន្ននេះ លោក ខៀវ កាញារីទ្ធ គឺជាអតីតអ្នកសារព័ត៌មានមួយរូប តាមរយៈតួនាទីជានិពន្ធនាយកកាសែតកម្ពុជា នៅឆ្នាំ១៩៧៩ ដល់ឆ្នាំ១៩៩០។ លោក ខៀវ កាញារីទ្ធ ក៏ធ្លាប់ធ្វើជាទីប្រឹក្សានាយករដ្ឋមន្រ្តី នៅឆ្នាំ១៩៩១ ដល់ឆ្នាំ១៩៩៣ និងជារដ្ឋលេខាធិការក្រសួងព័ត៌មាន នៅឆ្នាំ១៩៩៣ ដល់ឆ្នាំ២០០៤៕

ដោយ៖ ធឿន វ៉ាន់សុង  

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

ក្រសួង​បរិស្ថាន​ ចាត់​មន្ត្រី​ជំនាញ​ចុះ​ពិនិត្យ​​បន្ទាន់ ខណៈមានវិដេអូទឹក​កខ្វក់​ហូរចូល​ទន្លេ​ក្បែរ​ស្ថានីយ​ទឹកស្អាតជ្រោយចង្វារ

ព័ត៌មានជាតិ៥ ម៉ោង មុន

សមាគម​ទី​ភ្នាក់ងារ​ជ្រើសរើសពលករកម្ពុជា បោះឆ្នោត​ជ្រើសរើស​ក្រុម​ប្រឹក្សាភិបាលថ្មី សម្រាប់អាណត្តិទី៦

សេដ្ឋកិច្ច៦ ម៉ោង មុន

រដ្ឋមន្ត្រីពាណិជ្ជកម្មបដិសេធ កម្ពុជាដាក់ពន្ធអាមេរិក ៩៧%

សន្តិសុខសង្គម៧ ម៉ោង មុន

តុលាការ​សម្រេច​ឃុំ​ខ្លួន​ជនជាតិ​កាមេរ៉ូន​ម្នាក់ ​ជំរិត​ទារ​ប្រាក់​ពី​ស្រ្តីជនជាតិឡាវ​ជិត​២០​ម៉ឺន​ដុល្លារ

ព័ត៌មានជាតិ៨ ម៉ោង មុន

អាជ្ញាធរជាតិ​គ្រឿងញៀន និង​សមាគម​សិល្បករ​ខ្មែរ​រួម​គ្នា​ពង្រីក​ការ​ផ្សព្វផ្សាយ​អប់រំ​ពី​គ្រឿងញៀន

ខ្យល់កន្ត្រាក់
ព័ត៌មានជាតិ២១ ម៉ោង មុន

កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា

ព័ត៌មានអន្ដរជាតិ១៩ ម៉ោង មុន

សភាពាណិជ្ជកម្មអាមេរិកនៅកម្ពុជា ស្នើឱ្យ​ដោះស្រាយបញ្ហា​ពន្ធអាមេរិកថ្មី ​ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»

ព័ត៌មានជាតិ១៧ ម៉ោង មុន

អាមេរិកថាកម្ពុជាយកពន្ធខ្លួន ៩៧ ភាគរយ​ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ

ព័ត៌មានអន្ដរជាតិ២១ ម៉ោង មុន

ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង

សេដ្ឋកិច្ច១៣ ម៉ោង មុន

រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ

Sokha Hotels

ព័ត៌មានពេញនិយម