ព័ត៌មានជាតិ

ប្រជាពលរដ្ឋក្នុងស្រុកគាស់ក្រឡ ប្រទះឃើញគ្រាប់យុទ្ធភណ្ឌមិនទាន់ផ្ទុះជាច្រើនប្រភេទនៅដីស្រែ

បានផុស

៤ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

លោក ប៉ាង ហៀង អធិការនគរបាល នៃអធិការដ្ធានស្រុកគាស់ក្រឡ បានឲ្យដឹងថា ក្រោយពីមានសេចក្តីរាយការណ៍ ពីប្រជាពលរដ្ឋរស់នៅក្នុងឃុំចំនួន២ គឺឃុំព្រះផុស និងឃុំគាស់ក្រឡ ថាពួកគាត់បានប្រទះឃើញគ្រាប់យុទ្ធភណ្ឌជាច្រើនគ្រាប់នៅថ្ងៃទី៣១ ខែធ្នូនេះ នៅនឹងដីស្រែរបស់ពួកគាត់។ភ្លាមៗនោះ លោកបានឲ្យកម្លាំងជំនាញ រួមសហការជាមួយមន្ត្រីស៊ីម៉ាក់ប្រចាំមូលដ្ឋានទៅពិនិត្យនិងប្រមូលទុកតាមបច្ចេកទេសត្រឹមត្រូវ ដើម្បីប្រគល់ឲ្យអង្គភាពជំនាញកំទេចចោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា គ្រាប់យុទ្ធភណ្ឌមិនទាន់ផ្ទុះដែលប្រជាពលរដ្ឋប្រទះឃើញក្នុងដីស្រែចំការរបស់ពួកគាត់ទាំងពីរឃុំខាងលើមានចំនួនសរុប៤៤គ្រាប់។ ក្នុងនោះឃុំព្រះផុស៤២គ្រាប់ មានប្រភេទគ្រាប់80mmចំនួន១៤គ្រាប់,គ្រាប់ប្រភេទ60mm២៨គ្រាប់ និងឃុំគាស់ក្រឡ ០២គ្រាប់ មានគ្រាប់បែកដៃ០១គ្រាប់និងគ្រាប់ឡុងឆ័រ០១គ្រាប់ ដែលគ្រាប់ទាំងនេះនៅមានគុណភាពនៅឡើយ។