ព័ត៌មានជាតិ

ក្រុមហ៊ុន Century 21 Zillion Holding សម្រេចបេសកកម្មទ្រង់ទ្រាយធំរបស់ខ្លួន ឆ្នាំ២០២០

បានផុស

៤ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

ក្រុមហ៊ុនអចលនទ្រព្យ Century 21 Zillion Holding បានបញ្ជាក់ពីការទទួលបានចំណែកទីផ្សារកាន់តែធំនៅឆ្នាំនេះ ស្របពេលសម្រេចបេសកកម្មជាយុទ្ធសាស្ត្រនា ឆ្នាំ២០២០ នេះដោយជោគជ័យ ទាក់ទងនឹងការជ្រើសរើស និងបណ្តុះបណ្តាលអ្នកឯកទេសដីធ្លីប្រចាំតំបន់ ៣៨០០ នាក់នៅទូទាំងប្រទេស (១៤ ខណ្ឌ និង ២៤ ខេត្ត)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុទ្ធនាការនេះ ត្រូវបានផ្តួចផ្តើមឡើង ដើម្បីផ្តល់ឱកាសការងារកាន់តែប្រសើរដល់អ្នកស្រលាញ់អាជីពក្នុងវិស័យអចលនទ្រព្យ ជាពិសេសបង្កើតឱកាសការងារដល់និស្សិតទើបបញ្ចប់ការសិក្សា។ ផ្តើមចេញដំបូងពីការរៀបចំវគ្គបណ្ដុះបណ្ដាលនៅភ្នំពេញកាលពីឆ្នាំខែ កុម្ភៈ ឆ្នាំ ២០២០ ក្រុមហ៊ុន Century 21 Zillion Holding បានបន្តរៀបចំវគ្គបណ្តុះបណ្តាលដូចគ្នានេះ ជាបន្តបន្ទាប់ទៅតាមបណ្តាខេត្តនានា ហើយគិតមកត្រឹមខែធ្នូ ឆ្នាំ២០២០ ក្រុមហ៊ុនបានសម្រេចការរៀបចំវគ្គបណ្តុះបណ្តាលជុំទី១ បានទូទាំងប្រទេស (១៤ ខណ្ឌនៅភ្នំពេញ និង ២៤ តាមបណ្តាខេត្ត) នៅប្រទេសកម្ពុជា។

វគ្គបណ្តុះបណ្តាលនេះ បានទទួលការចូលរួមដោយផ្ទាល់ពីអ្នកចាប់អារម្មណ៍អាជីពក្នុងវិស័យអចលទ្រព្យរាប់ពាន់នាក់ ហើយគិតមកទល់ពេលនេះ មានអ្នកចុះឈ្មោះក្លាយខ្លួនជាអ្នកឯកទេសដីធ្លីជាមួយក្រុមហ៊ុនរាប់រយនាក់ហើយ ក្នុងចំណោមចំនួនសរុប ៣៨០០ នាក់។

បន្ទាប់ពីការសម្រេចបានជុំទី១ ដោយជោគជ័យ ក្រុមហ៊ុន Century 21 Zillion Holding នឹងបន្តរៀបចំយុទ្ធនាការយុទ្ធសាស្ត្រសំខាន់ៗផ្សេងទៀតនៅឆ្នាំ ២០២១ នេះក្នុងគោលដៅបង្កើនធនធានមនុស្សក្នុងវិស័យអចលនទ្រព្យ និងធ្វើឲ្យអាជីវកម្មក្នុងវិស័យនេះកាន់តែល្អប្រសើរ៕

អត្ថបទពាណិជ្ជកម្ម