ព័ត៌មានជាតិ
អាជ្ញាធរកាយផ្លូវកៅស៊ូនៅរង្វង់មូលគល់ស្ពានព្រែកសំរោង ដាក់ជំនួសបេតុងឆ្អឹងដែក
ភ្នំពេញ ៖ ដោយសារផ្លូវក្រាលកៅស៊ូស្ថិតនៅរង្វង់មូលគល់ស្ពានព្រែកសំរោងប៉ែកខាងកើត ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញរងការខូចខាតស្ទើរទាំងស្រុងមកនោះ ត្រូវបានអាជ្ញាធរសម្រេចឈូសកៅស៊ូចេញដោយចាក់ក្រាលបេតុងឆ្អឹងដែកជំនួសវិញ។

យោងតាមប្រភពពីលោក គុយ គឹមហ៊ាង ប្រធានការិយាល័យសាធារណការសាលាខណ្ឌច្បារអំពៅបានឲ្យដឹងថា នៅថ្ងៃទី១២ខែតុលានេះ អាជ្ញាធរខណ្ឌច្បារអំពៅបានចុះរៀបចំសម្របសម្រួលចរាចរណ៍នៅរង្វង់មូលគល់ស្ពានព្រែកសំរោងត្រើយខាងកើតក្នុងភូមិសាស្ត្រខណ្ឌច្បារអំពៅដើម្បីឲ្យគ្រឿងចក្រឈូសឆាយកៅស៊ូលើផ្លូវចាស់ដើម្បីចាក់ក្រាលបេតុងឆ្អឹងដែកជំនួសវិញបន្ទាប់ពីផ្លូវចាក់ក្រាលកៅស៊ូបានរងការខូចខាតស្ទើទាំងស្រុងមកនោះ។

លោក គុយ គឹមហ៊ាង បានបញ្ជាក់ទៀតថា បច្ចុប្បន្ននេះនៅរង្វង់មូលគល់ស្ពានព្រែកសំរោងបានរងការខូចខាតដោយសារតែរថយន្តធុនធំធ្វើដំណើរឆ្លងកាត់ ថែមទាំងជាផ្លូវកោងងាយនឹងខូចកៅស៊ូដូច្នេះហើយទើបសម្រេចឈូសផ្លូវចាក់ក្រាលកៅស៊ូចេញដោយរៀបចំគ្រឹះឲ្យរឹងមាំដាក់ជំនួសបេតុងឆ្អឹងដែកទើបអាចទទួល ទម្រពីរថយន្តធុនធំបាន។ ហើយការជួសជុលនេះគឺអាចចំណាយជាង១ខែទើបធ្វើឲ្យបេតុងរឹងប្រើការបាន។ ដូច្នេះសំណូមពរដល់អ្នកធ្វើដំណើរឆ្លងកាត់ស្ពានព្រែកសំរោងចេញពីទឹកដីខណ្ឌច្បារអំពៅរាជធានីភ្នំពេញឆ្ពោះទៅក្រុងតាខ្មៅខេត្តកណ្តាលមានការយោគយល់ខណៈដែលការដ្ឋានជួសជុលផ្លូវកំពុងដំណើរការសាងសង់ដែលអាចកកស្ទះចរាចរណ៍នោះ៕
ដោយ ៖ នរា




-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ