ព័ត៌មានជាតិ

ព្រះវិហារកាតូលិកមួយនៅខេត្តបាត់ដំបង មានប្រវត្តិជាង ២៣០ ឆ្នាំ

បានផុស

២ years មុន

នៅ

ថ្ងៃសៅរ៍ ១៥ តុលា ២០២២

ដោយ

ព្រះវិហារកាតូលិកមួយកន្លែងឬហៅថា ( ពេទ្យយាយជី) គិតមកដល់ពេលបច្ចុប្បន្ននេះមានអាយុកាលប្រមាណ ២៣២ឆ្នាំ ដោយបង្កើតឡើងតាំងពីឆ្នាំ១៨៤៨ មកម៉្លេះ។ ព្រះវិហារកាតូលិកនេះ មានទីតាំងស្ថិតនៅ ភូមិរំចេក១ សង្កាត់ រតនៈ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ទីរទេសចរណ៍ខេត្តបាត់ដំបងបានឲ្យដឹងថា ព្រះវិហារកាតូលិកបាត់ដំបង ឬគេហៅថាពេទ្យយាយជី នៅក្នុងឆ្នាំ ១៩០៥ ព្រះវិហារមួយនេះក៏ត្រូវបានក្រុមប្រូវីដង់ ចាប់ផ្ដើមបង្កើតមន្ទីរពេទ្យព្រមទាំងកន្លែងថែរក្សាក្មេងកំព្រា ឬ(មន្ទីរពេទ្យសម្រាប់កុមារកំព្រា) ហើយក្រោយៗមកទៀត មានអ្នកស្គាល់ច្រើនថាជាមន្ទីរពេទ្យព្យាបាលអ្នកជំងឺ ដូច្នេះក៏មានមនុស្សមកព្យាបាលនៅទីនេះជាបន្តបន្ទាប់។

ប៉ុន្តែ ទោះបីបែបនេះក្ដី ព្រះវិហារមួយនេះ ក៏ធ្លាប់បានបំផ្លាញនៅក្នុងសម័យសង្គ្រាម នឹងបានក្លាយជាព្រះវិហារកំព្រាកណ្ដោចកណ្ដែងអស់រយៈពេលជាយូរឆ្នាំ។ លុះមកដល់ដើមឆ្នាំ ២០០៤ រចនាសម្ព័ន្ធរបស់ព្រះសហគមន៍ បានចាប់ផ្ដើមសារជាថ្មី ដោយភាពយឺតៗឡើងវិញ រហូតមកដល់ពេលបច្ចុប្បន្ននេះ។

យ៉ាងណាមិញ ព្រះវិហារកាតូលិក(ពេទ្យយាយជី) ក៏បានក្លាយជាទៅជាមជ្ឈមណ្ឌលសាសនាដ៏ទាក់ទាញនៅក្នុងខេត្តបាត់ដំបង ដែលមានទីកន្លែងសក្ដានុពលជាច្រើនមួយចំនួនដូចជា ទីសក្ការបូជា កន្លែងហាត់កីឡា ទីតាំងរៀបចំពិធីសាសនា សំណង់អគារស្ថាបត្យកម្ម សេវាកម្ម កន្លែងស្នាក់នៅ សាលារៀន មណ្ឌលសុខភាព ហាងកាហ្វេ ហាងលក់វត្ថុអនុស្សាវរីយ៍ មណ្ឌលស្វាគមន៍ជន ពិការ សកម្មភាព បណ្ដុះបណ្ដាល អប់រំ សប្បុរសធម៌ ផងដែរ។

ជាមួយគ្នានេះ ទោះបីជាព្រះវិហារកាតូលិកនេះមានរយៈពេលយូរឆ្នាំក៏ពិតមែន ប៉ុន្តែសភាពហាក់នៅមានភាពល្អប្រសើរ ព្រមទាំងឃើញមានការកកើតឡើងនៅសំណង់ថ្មីៗផ្សេងៗជាច្រើនបន្ថែមទៀត។

ខេត្តបាត់ដំបងមិនត្រឹមតែមានកន្លែងព្រះវិហារនេះទេ ក៏នៅមានគោលដៅទេសចរណ៍ជាច្រើនទៀតដល់ ១១១ កន្លែងផងដែរ។ នេះបើតាមមន្ទីរទេសចរណ៍ខេត្តបាត់ដំបង៕