ព័ត៌មានជាតិ

កម្ពុជាមានច្រកទ្វារព្រំដែន ៨២ កន្លែង សម្រាប់ធ្វើពាណិជ្ជកម្មឆ្លងប្រទេស

បានផុស

២ years មុន

នៅ

ថ្ងៃសុក្រ ១៤ តុលា ២០២២

ដោយ

លោក ខៀវ សុភ័គ អ្នកនាំពាក្យនិងរដ្ឋលេខាធិការក្រសួងមហាផ្ទៃបានឲ្យដឹងថា កម្ពុជាមានច្រកព្រំដែនសរុបចំនួន ៨២ កន្លែងសម្រាប់ធ្វើទំនាក់ទំនងនិងធ្វើពាណិជ្ជកម្មឆ្លងប្រទេស។

លោកខៀវ សុភ័គ បានបញ្ជាក់ក្នុងសន្និសីទនៅព្រឹកនេះថា ច្រកព្រំដែនទាំង ៨២ កន្លែង ក្នុងនោះមានកំពង់ផែសមុទ្រចំនួន ១០ កន្លែង តំបន់ព្រំដែនចំនួន ២៦ កន្លែង ព្រំដែនទ្វេភាគីចំនួន ១៤ កន្លែង កំពង់ផែអន្តរជាតិចំនួន ៣ កន្លែងអាកាសយានដ្ឋានអន្តរជាតិចំនួន ៣ កន្លែង និងព្រំដែនអន្តរជាតិចំនួន ២៦ កន្លែង។

ក្នុងឆ្នាំ ២០២១ ក្រសួងមហាផ្ទៃ បានបើកឲ្យដំណើរការច្រកទ្វារព្រំដែនអន្តរជាតិម៉ឺនជ័យ-តឺនណាមក្នុងកម្រិតថ្នាក់ខេត្តជាប់ព្រំដែនកម្ពុជា-វៀតណាម។

រាជរដ្ឋាភិបាលកម្ពុជា គ្រោងបើកច្រកទ្វារព្រំដែនអន្តរជាតិថ្មីមួយទៀតស្ទឹងបត់-បានណងអៀន ជំនួសច្រកទ្វារអន្តរជាតិ ប៉ោយប៉ែត។ ការបើកច្រកទ្វារព្រំដែនអន្តរជាតិស្ទឹងបត់-បានណងអៀន ដើម្បីសម្រួលដល់ការធ្វើពាណិជ្ជកម្មឆ្លងកាត់ព្រំដែនរវាងកម្ពុជា-ថៃ និងជំរុញលើកកម្ពស់ប្រព័ន្ធភស្តុភារកម្មនៅកម្ពុជា ខណៈច្រកទ្វារប៉ោយប៉ែតមានការកកស្ទះខ្លាំង៕