ព័ត៌មានជាតិ

តាមការបញ្ជាក់ពីក្រសួងមហាផ្ទៃ ឧកញ៉ាបច្ចុប្បន្នមានជាង ៧០០ នាក់

បានផុស

២ years មុន

នៅ

ថ្ងៃសុក្រ ១៤ តុលា ២០២២

ដោយ

Dy Bunnara

តាមមន្រ្តីក្រសួងមហាផ្ទៃបានបញ្ជាក់ថា មានឧកញ៉ាជាង ៧០០ នាក់ដែលទទួលបានគោរមងារប្រទានដោយព្រះមហាក្សត្រ។

លោក ខៀវ សុភ័គ អ្នកនាំពាក្យក្រសួងមហាផ្ទៃបានប្រាប់បណ្ដាញសារព័ត៌មានក្នុងសន្និសីទនៅព្រឹកនេះថា បើផ្អែកតាមតួលេខទទួលបានពីក្រសួងព្រះបរមរាជវាំង ឧកញ៉ាបច្ចុប្បន្នមានជាង ៧០០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីអ្នកនាំពាក្យក្រសួងមហាផ្ទៃបានបន្ថែមថា រាជរដ្ឋាភិបាលកំពុងរៀបចំលិខិតបទដ្ឋានគតិយុត្តិសម្រាប់គ្រប់គ្រងឧកញ៉ា ក្នុងគោលដៅធានាតម្លៃនៃគោរមងារដែលព្រះរាជប្រទានដោយព្រះមហាក្សត្រ។

យ៉ាងណាលោកខៀវ សុភ័គ មិនបានបញ្ជាក់ថា ច្បាប់នេះនឹងអាចបញ្ចប់នៅពេលណានោះទេ ដោយសារស្ថិតនៅក្នុងដំណាក់កាលរៀបចំនៅឡើយ។

បើតាមអនុក្រឹត្យថ្មីរបស់រដ្ឋាភិបាលកាលពីឆ្នាំ២០១៧ បុគ្គលដែលទទួលបានគោរមងារឧកញ៉ា ត្រូវចូលរួមអភិវឌ្ឍសង្គម ដោយផ្តល់ជាប្រាក់ឬសម្ភារៈដែលមានតម្លៃលើសពី ៥០ ម៉ឺនដុល្លារ៕