ព័ត៌មានជាតិ
លោក អុិត សំហេង អំពាវនាវពលករខ្មែរធ្វើការនៅថៃ កុំទាន់វិលត្រឡប់មកស្រុកកំណើត ចៀសវាងហានិភ័យ
លោកបណ្ឌិត អុិត សំហេង ប្រធានគណៈកម្មការផ្ដល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើ
ការនៅប្រទេសថៃ បានអំពាវនាវដល់បងប្អូនពលករខ្មែរនៅប្រទេសថៃ កុំទាន់វិលត្រឡប់មកស្រុកកំណើតវិញ ដើម្បីចៀសវាងហានិភ័យនានា។
លោកក៏បានស្នើដល់ពលករទាំងអស់ ឲ្យគោរពនូវអនុសាសន៍របស់សម្ដេចនាយករដ្ឋមន្ត្រី ដោយកុំប្រញាប់មកស្រុកវិញ ក្នុងដំណាក់កាលដែលអាជ្ញាធរថៃកំពុងដាក់បម្រាមហាមប្រជាជនថៃនិងជនបរទេសមិនឲ្យចល័តពីតំបន់មួយទៅតំបន់មួយនិងកំពុងដាក់វិធានការគ្រប់គ្រងនិងបង្ការការរីករាលដាលជំងឺកូវីដ១៩ដែលកំពុងកើតឡើងនៅបណ្ដាខេត្តមួយចំនួននៃប្រទេសថៃនោះឡើយ។
ការអំពាវនាវនេះបានធ្វើឡើងបន្ទាប់ពីមានពលករខ្មែរដែលឆ្លងដែនមកពីប្រទេសថៃចំនួន ១៤ នាក់ហើយ បានឆ្លងជំងឺកូវីដ១៩ដែលមាននៅខេត្តបាត់ដំបងនិងប៉ៃលិន។
រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈរូបនេះបានឲ្យដឹងនៅក្នុងសេចក្តីអំពាវនាវចំពោះបងប្អូនពលករកម្ពុជាដែលកំពុងស្នាក់នៅនិងធ្វើការនៅប្រទេសថៃដែលទើបទទួលបាននៅថ្ងៃនេះថា បងប្អូនពលករដែលមានបំណងវិលត្រឡប់មកស្រុកកំណើតវិញក្នុងដំណាក់កាលនេះគឺមានហានិភ័យខ្ពស់ទាំងផ្នែកសន្តិសុខ និងផ្នែកសុខភាព ដោយបងប្អូនអាចប្រឈមនឹងការឃាត់ខ្លួននិងរងការពិន័យរបស់អាជ្ញាធរថៃក្នុងពេលធ្វើដំណើរខុសនឹងបម្រាមរបស់អាជ្ញាធរថៃ។
លោករដ្ឋមន្ត្រីបន្តថា ទន្ទឹមនឹងនេះដើម្បីការពារសុខភាពរបស់បងប្អូននិងក្រុមគ្រួសាររបស់បងប្អូនក៏ដូចជាសុខភាពសាធារណៈ បងប្អូននឹងត្រូវក្រុមការងារចត្តាឡីស័កកម្ពុជានៅតាមព្រំដែនកម្ពុជាថៃយកសំណាកទៅពិនិត្យជំងឺកូវីដ១៩ នឹងដាក់ឲ្យធ្វើចត្តាឡីស័កនៅតាមបណ្ដាខេត្តជាប់ព្រំដែនថៃចំនួន១៤ថ្ងៃ ទោះបីជាបងប្អូនឆ្លងចូលមកប្រទេសកម្ពុជាតាមច្រកណាមួយក៏ដោយ។
លោក អុិត សំហេង បន្ថែមថា គណៈកម្មការផ្ដល់ភាពស្របច្បាប់ដល់ពលករកម្ពុជាដែលកំពុងស្នាក់នៅនិងធ្វើការនៅប្រទេសថៃបានធ្វើការជាប្រចាំជាមួយភាគីថៃជាប្រចាំ ហើយនាពេលខាងមុខនេះអាជ្ញាធរថៃមិនបានចាប់ឃាត់ខ្លួនឬពិន័យពលករបរទេសនិងនិយោជកណាមួយប្រសិនជាពលករបរទេសនិងនិយោជកនោះសហការអនុវត្តតាមបទបញ្ជានិងការណែនាំរបស់អាជ្ញាធរថៃ។
លោករដ្ឋមន្ត្រីបានបញ្ជាក់ថា ក្នុងពេលដ៏ខ្លីខាងមុខក្រសួងមហាផ្ទៃថៃនិងក្រសួងការងារថៃនឹងរួមគ្នាស្រង់ឈ្មោះពលករបរទេសនិងចេញប័ណ្ណពណ៌ស៊ីជម្ពូដល់ពលករបរទេសក្នុងនោះក៏មានបងប្អូនពលករកម្ពុជាយើងផងដែរ បើទោះបីជាបងប្អូនមានឬគ្មានឯកសារក៏ដោយ។ លោកបានណែនាំដល់បងប្អូនពលករដែលកំពុងស្នាក់នៅធ្វើការនៅប្រទេសថៃ
មេត្តារក្សាភាពនឹងន និងជឿទុកចិត្តលើសមត្ថភាពនិងលទ្ធភាពទប់ស្កាត់និងព្យាបាលជំងឺកូវីដ១៩ របស់អាជ្ញាធរថៃ៕
អត្ថបទ៖ សំអឿន
ចុចអាន៖ ទោះបីកូវីដ-១៩ មិនទាន់ស្ងប់ស្ងាត់ ប្រជាពលរដ្ឋនៅតែសម្រុកចេញទៅស្រុកកំណើតយ៉ាងកុះករក្នុងថ្ងៃឆ្លងឆ្នាំ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)