ព័ត៌មានជាតិ
រដ្ឋ ទទួលបានចំណូលជាង ៧៥ លានដុល្លារ ពីការផ្តល់សេវាតាមច្រកចេញចូលតែមួយ
រដ្ឋ ទទួលបានប្រាក់ចំណូលប្រមាណជាង ៧៥ លានដុល្លារអាមេរិក ពីការផ្តល់សេវាតាមអង្គភាពច្រកចេញចូលតែមួយរាជធានី-ខេត្ត នៅទូទាំងប្រទេស។
![](https://www.kampucheathmey.com/wp-content/uploads/2022/10/photo_2022-10-14_10-13-35-2-1024x485.jpg)
ក្នុងសន្និសីទសារព័ត៌មានស្ដីពី«សមិទ្ធផលសម្រេចបានរយៈពេល ៥ ឆ្នាំកន្លងមក របស់ក្រសួងមហាផ្ទៃ» កាលពីថ្ងៃទី ១៤ តុលា លោកសន្ដិបណ្ឌិត ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានឲ្យដឹងថា គិតចាប់ពីពេលដាក់ឲ្យដំណើរការ រហូតដល់ខែកក្កដា ឆ្នាំ ២០២២ អង្គភាពច្រកចេញចូលតែមួយរាជធានី-ខេត្ត នៅទូទាំងព្រះរាជាណាចក្រកម្ពុជា ផ្តល់សេវាបានចំនួន ២.១០០.៨៤៤ សេវា លើ ១៤ វិស័យ និងទទួលចំណូលសរុប ៣០៣.០៣៤.៨២៤.១០៩ រៀល។
![](https://www.kampucheathmey.com/wp-content/uploads/2022/10/6270d95f26a03-1024x538.jpg)
លោកបន្តថា ដោយឡែក ការិយាល័យច្រកចេញចូលតែមួយក្រុង ស្រុក ខណ្ឌ ៖ បច្ចុប្បន្នមានចំនួន ២០៤ ការិយាល័យ ក្នុងនោះ គិតពីឆ្នាំ ២០១៨ ដល់ ខែកក្កដា ឆ្នាំ ២០២២ ការិយាល័យទាំងនេះ ផ្តល់សេវាបាន ៧.៦៧០.៤៨៣ សេវា លើ ១៧ វិស័យ ទទួលចំណូលសរុប ៧៨.៩២២.៦៨៥.០៥៨ រៀល។
ជាមួយគ្នានេះដែរ ក្រសួងមហាផ្ទៃ ក៏បានពិនិត្យ និងផ្តល់អនុលោមភាពលើគម្រោងអភិវឌ្ឍន៍រាជធានី-ខេត្ត សរុបចំនួន ១.៨៨៦ គម្រោង ដែលភាគច្រើនជាគម្រោងជួសជុល-សាងសង់ហេដ្ឋារចនាសម្ព័ន្ធរូបវន្តដូចជា ផ្លូវថ្នល់ សួនច្បារសាធារណៈ អគាររដ្ឋបាល បណ្ដាញអគ្គិសនី គំនូសចរាចរណ៍ និងសំណង់សិល្បការនានា។
![](https://www.kampucheathmey.com/wp-content/uploads/2022/10/Single_Window2_medium.jpg)
លោកបន្ថែមទៀតថា ក្រោមការសម្របសម្រួលពីក្រសួងមហាផ្ទៃ និងលេខាធិការដ្ឋាន គ.ជ.អ.ប រដ្ឋបាលថ្នាក់ក្រោមជាតិ នៅទូទាំងប្រទេស បានអនុវត្តគម្រោងមូលនិធិក្រុង ស្រុក ចំនួន ២.៣៦១ គម្រោង និងគម្រោងមូលនិធិ ឃុំ សង្កាត់ ៩.៤៤៣ គម្រោង។
លើសពីនេះ ក្រោមក្របខ័ណ្ឌមូលនិធិទ្រទ្រង់ថវិកាឆ្នាំ ២០១៦-២០១៩ ពី ADB ក្រសួងមហាផ្ទៃ បានសម្របសម្រួល និងគាំទ្រការកសាងអគាររដ្ឋបាល និងអគារសាលប្រជុំសាលាស្រុកចំនួន ៧ និងអគាររដ្ឋបាលឃុំ សង្កាត់ ១២៥ ដោយចំណាយថវិកាសរុបអស់ ១០ លានដុល្លារ៕
អត្ថបទ ៖ សំអឿន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១០ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១០ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច