ព័ត៌មានជាតិ

ឪពុកម្តាយធ្វើការនៅថៃ ផ្ញើកូនឲ្យនៅជាមួយអ៊ំ ក្មេងលង់ទឹកប្រឡាយស្លាប់

បានផុស

៤ years មុន

នៅ

ថ្ងៃសុក្រ ១ មករា ២០២១

ដោយ

ក្មេងស្រីម្នាក់ឪពុកម្តាយទៅធ្វើការនៅថៃ ផ្ញើកូនឲ្យនៅជាមួយអ៊ំប្រុស ក្មេងទៅលេងទឹកប្រឡាយលង់ស្លាប់ កាលពីល្ងាចថ្ងៃទី៣១ ខែធ្នូ ឆ្នាំ២០២០ នៅប្រឡាយខាងកើតភូមិភូមិ៥០ម៉ែត្រ ស្ថិត ក្នុងភូមិបង្រុះ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលមូលដ្ឋាន បានប្រាប់ឲ្យដឹងថា កុមារីរងគ្រោះឈ្មោះ អៀង ណារី អាយុ៦ឆ្នាំ ឪពុកឈ្មោះអោ សង្កូត អាយុ៣៩ឆ្នាំ និងម្តាយឈ្មោះ ទិត្យ ដា អាយុ៤១ឆ្នាំ មានទីលំនៅភូមិបង្រុះ សង្កាត់ភ្នៀត ក្រុងសិរីសោភ័ណ សព្វថ្ងៃ នៅធ្វើការឯប្រទេសថៃ ដោយផ្ញើកូនស្រីឲ្យនៅជាមួយអ៊ំស្រី ឈ្មោះ ប៉ិ អៀង អាយុ៤៨ឆ្នាំ នៅភូមិជាមួយគ្នាឲ្យជួយមើល។

នគរបាលបានឲ្យដឹងបន្តទៀតថា មុនពេលកើតហេតុនោះ អ៊ំស្រីមិនបានដឹងថា ក្មួយទៅលេងទឹកទេ ក្មេងរងគ្រោះនិងក្មេងស្រីម្នាក់ទៀត អាយុប្រហែលគ្នានៅក្នុងភូមិ បាននាំគ្នាទៅងូតទឹកប្រឡាយលេង នៅពេលនោះកុមារីឈ្មោះ អៀង ណារី បានលង់ទឹក ក្មេងស្រីដែលងូតជាមួយបានរត់ទៅប្រាប់មនុស្សចាស់នៅឯវាលស្រែឲ្យមកជួយ ពេលស្រង់យកមកប្រាប់អ៊ំស្រី ហើយបាននាំក្មេងរងគ្រោះទៅមណ្ឌលសុខភាព ដើម្បីសង្គ្រោះជីវិតតែជាអកុសលគ្រូពេទ្យបានប្រាប់ថា កុមារីរងគ្រោះបានបាត់បង់ជីវិតទៅហើយ សពក្មេងរងគ្រោះត្រូវបានរៀបចំធ្វើបុណ្យតាមប្រពៃណីនៅផ្ទះតែម្តង៕

អត្ថបទ៖ វ៉ាន់ ណាង

Related Topics:លង់ទឹក