ព្រះមហាក្សត្រ និងសម្តេចម៉ែព្រះរាជទាន​ព្រះរាជអំណោយជូនគ្រួសារសពនិងអ្នកនៅរស់ក្នុងឧបទ្ទវហេតុលិចទូកដ

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរបានរាជទានព្រះរាជអំណោយជូនដល់គ្រួសារសពទាំង១១គ្រួសារ និងអ្នកនៅរស់រានមានជីវិតចំនួន០៤នាក់ ក្នុងឧបទ្ទវហេតុលិចទូកដ ស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល។

ការព្រះរាជទានព្រះរាជអំណោយនេះធ្វើឡើងកាលពីរសៀលថ្ងៃទី១៥តុលាឆ្នាំ២០២២តាមរយៈលោក គុយ សុផល ឧត្តមប្រឹក្សាផ្ទាល់ព្រះមហាក្សត្រ និងជា ទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង។

ព្រះរាជអំណោយជួនដល់គ្រួសារសពទាំង១១គ្រួសារ និងអ្នកនៅរស់រានមានជីវិតចំនួន០៤នាក់ មានដូចខាងក្រោម៖

១-ព្រះរាជអំណោយសម្រាប់គ្រួសារសព ក្នុង០១គ្រួសារទទួលបាន៖

-អង្ករ១០០គ.ក្រ

-ឃីត១កញ្ចប់(មុង០១, ភួយ០១, ក្រមា១, កន្ទេល១ និងក្រណាត់ស​៨ម៉ែត្រ

-ត្រីខ ៤០កំប៉ុង

-មី៦កេសតូច

-ថវិកា៨០០,០០០រៀល​។​

២-អ្នករស់រានមានជីវិតទទួលបានក្នុងម្នាក់ៗ៖

-អង្ករ១០០គ.ក្រ

-ឃីត១កញ្ចប់(មុង០១, ភួយ០១, ក្រមា១, កន្ទេល១ និងក្រណាត់ស​៨ម៉ែត្រ

-ត្រីខ ៤០កំប៉ុង

-មី៦កេសតូច

-ថវិកា៤០០,០០០រៀល​។

ក្នុងឧបទ្ទវហេតុលិចទូកដរ ស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល  សមត្ថកិច្ចបានស្រាវជ្រាវសង្គ្រោះជនរងគ្រោះដោយប្រើរយៈពេល​០២យប់ ០៣ ថ្ងៃ គិតចាប់ពីយប់ថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២២ ៕ សំអឿន