Connect with us

ព័ត៌មានជាតិ

ពិព័រណ៍ឧត្តមសិក្សាលើកទី៣ ទទួលបានការចាប់អារម្មណ៍គួរឲ្យកត់សម្គាល់ពីសិស្សានុសិស្ស

បានផុស

នៅ

កាលពីថ្ងៃទី១៥ និងទី១៦ ខែតុលា ឆ្នាំ២០២២កន្លងទៅ កម្មវិធីពិព័រណ៍ឧត្តមសិក្សាត្រូវបានប្រារព្ធឡើងរយៈពេល២ថ្ងៃ នៅផ្សារទំនើប អូឡាំព្យា។ កម្មវិធីនេះ ធ្វើឡើងដើម្បីជួយណែនាំ ត្រួសត្រាយផ្លូវ ដល់សិស្សដែលត្រៀមនឹងបញ្ចប់ការសិក្សា នៅថ្នាក់វិទ្យាល័យ បានត្រៀមខ្លួនទទួលនូវព័ត៌មានផ្សេងៗសម្រាប់ថ្នាក់ឧត្តមសិក្សារបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការពិព័រណ៍ឧត្តមសិក្សានេះ គឺមានដូចជាការតាំងនូវសៀវភៅផ្សេងៗ ដំណឹងអាហារូបករណ៍ និងការណែនាំពីគន្លឹះមួយចំនួន ជុំវិញនឹងព័ត៌មាននៅសាកលវិទ្យាល័យ ក៏ដូចជាការត្រៀមខ្លួន និងការចាត់ចែងពេលវេលាខ្លួនឯងសម្រាប់រយៈពេលបម្រើការងារកំលុងពេលសិក្សាថ្នាក់ឧត្តមសិក្សាផងដែរ។ ទន្ទឹមនោះ ក៏មាននូវវាគ្មិនកត្តិយសជាច្រើន ដែលជាអ្នកល្បីល្បាញ និងមានបទពិសោធក្នុងវិស័យសិក្សាច្រើន ចូលរួមចែករំលែក ក៏ដូចជាផ្តល់នូវដំបូន្មានផ្សេងៗសម្រាប់សិស្សានុសិស្សទៀតផង។

ក្នុងនោះ វាគ្មិនកត្តិយស កញ្ញា រីន សិទ្ធិនារី ដែលជាស្ថាបនិកនៃគេហទំព័រ ចម្លាស់ និងជាអតីតសិស្សនិទេ្ទស A បានចែករំលែក និងណែនាំដល់អ្នកសិក្សាដែលមានគម្រោងចង់បន្តថ្នាក់ឧត្តមសិក្សា ឲ្យមានការត្រៀមខ្លួន និងមានគោលដៅជាមុន ដើម្បីកំណត់បានថាខ្លួនស្រលាញ់អ្វី និងជ្រើសរើសមុខជំនាញអ្វីសម្រាប់ថ្នាក់សាកលវិទ្យាល័យ។ មួយវិញទៀត គួរស្តាប់ការណែនាំរបស់ឳពុកម្តាយខ្លះ កំលុងពេលរើសមុខជំនាញសិក្សា ចៀសវាងជ្រើសខុសពីសមត្ថភាពរបស់ខ្លួន។

កញ្ញា សិទ្ធិនារី ក៏បានបញ្ជាក់បន្ថែមថា កំលុងពេលសិក្សា សិស្សានុសិស្សគួរឆ្លៀតពេលស្វែងរកការងារហាត់ការ ឬ ធ្វើការងារណាដែលជួយដល់មុខជំនាញរបស់ខ្លួន ដើម្បីអាចយកបទពិសោធនេះ ទៅប្រើការនៅពេលខ្លួនរៀនចប់ ចៀសវាងការធ្វើការខុសជំនាញរបស់ខ្លួន។ កំលុងពេលនេះ មិនគួរគិតពីប្រាក់ខែជាធំឡើយ អ្វីដែលសំខាន់នោះ គឺការបែងចែកពេលវេលារៀនសូត្រ និងបម្រើការងារឲ្យបានល្អ និងការចូលរួមការងារសង្គមឲ្យបានច្រើន ដើម្បីយកបទពិសោធទាំងនោះ ទៅបម្រើការងារនាពេលអនាគត។ នេះបើតាមការលើកឡើងរបស់កញ្ញា សិទ្ធិនារី។

ចំណែក អ្នកឧកញ៉ា គួច ម៉េងលី ស្ថាបនិកនៃសាលាអន្តរជាតិ AIS ក៏បានលើកឡើងថា កត្តាដែលធ្វើឲ្យអ្នកសិក្សាមានភាពជោគជ័យ គឺមិនមែនផ្តើមចេញពីអ្នកដែលមកពីក្រុមគ្រួសារអ្នកមានទ្រព្យស្តុកស្តម្ភឡើយ។ ក៏ប៉ុន្តែ គឺផ្តើមចេញពីក្រុមគ្រួសារ ដែលមានការលើកទឹកចិត្ត ជំរុញ ណែនាំ និងគាំទ្រនូវអ្វីដែលកូនកំពុងតែធ្វើ ពោលគឺ មិនស្តីបន្ទោស ឬ ដាក់សម្ពោធដល់អ្នកសិក្សាឡើយ។ ឳពុកម្តាយ រួមចំណែកដ៏សំខាន់ ក្នុងការគាំទ្រ នូវអ្វីដែលជាការសម្រេចចិត្តរបស់កូន។

អ្នកឧកញ៉ា គួច ម៉េងលី បានបញ្ជាក់បន្ថែមថា ការចូលរួមពីឳពុកម្តាយ ចំពោះកូនៗ គឺសំខាន់ខ្លាំងណាស់ ដើម្បីឲ្យការសិក្សារបស់ពួកគេទទួលបានភាពជោគជ័យ និងរលូនល្អ ទាល់តែមានការចូលរួមលើកទឹកចិត្ត ពីក្រុមគ្រួសារ ព្រោះគ្រួសារ គឺជាបុគ្គលទីមួយដែលគេអាចពឹងពាក់បាននៅពេលជួបនូវបញ្ហាផ្សេងៗ។

គួររំលឹកថា រយៈពេល២ថ្ងៃនៃការពិព័រណ៍ឧត្តមសិក្សាលើកទី៣នេះ គេសង្កេតឃើញថា មានការចូលរួមច្រើនពីអ្នកសិក្សាមួយចំនួន ជាពិសេស គឺសិស្សានុសិស្ស ដែលពួកគេមានត្រៀមនឹងបញ្ចប់ការសិក្សាថ្នាក់វិទ្យាល័យ។ យ៉ាងណាមិញ ក៏មានសិស្សានុសិស្សជាច្រើនបានលើកឡើងជាសំណួរចំពោះវាគ្មិនកត្តិយស នូវអ្វីដែលជាកង្វល់ និងអាចជាឧបសគ្គកំលុងពេលសិក្សា នៅថ្នាក់ឧត្តមសិក្សាផងដែរ។ ទាំងនេះបញ្ជាក់ថា ពួកគេបានយកចិត្តទុកដាក់ និងស្វែងរកជំនួយដើម្បីប្រឹក្សាយោបល់ជុំវិញនឹងការសិក្សារបស់ពួកគេដូចគ្នា៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៤ នាទីutes មុន

ហ្សេលេនស្គី ជំរុញឲ្យ ត្រាំ បង្កើនការដាក់ទណ្ឌកម្មលើប្រទេសរុស្ស៊ី

ព័ត៌មានជាតិ៨ នាទីutes មុន

កម្មវិធីតស់ៗលេងទឹកនៃព្រឹត្តិការណ៍អង្គរសង្ក្រាន្ត ត្រៀមពាងទឹកជាច្រើន សម្រាប់ផ្ដល់ការត្រជាក់ត្រជុំដល់អ្នកទេសចរ

ព័ត៌មានជាតិ១៥ នាទីutes មុន

រដ្ឋបាលរាជធានី កំពុងរៀបចំសង្ក្រាន្តវត្តភ្នំ និងតុបតែងលម្អសោភ័ណភាព តាមទីកន្លែងសាធារណៈសំខាន់ៗ ក្នុងរាជធានី

ព័ត៌មានជាតិ១៨ នាទីutes មុន

ផ្លូវ​ប្រប​មាត់​ទន្លេ​ភូមិសាស្ត្រស្រុកព្រែកប្រសព្វ ក្រាលកៅស៊ូ សម្រេចបានប្រមាណ ៥៥%

ព័ត៌មានជាតិ១៩ នាទីutes មុន

ស្នាដៃគំនូរ«ពណ៌នៃដួងព្រលឹងខ្មែរ»របស់វិចិត្រករ នូ សារី នឹងដាក់បង្ហាញនៅប្រទេសបារាំង

ព័ត៌មានជាតិ២៣ ម៉ោង មុន

ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ

ព័ត៌មានអន្ដរជាតិ២៣ ម៉ោង មុន

​និស្សិត​ពេទ្យ​​​ដ៏ស្រស់ស្អាត​ជិត​ទទួល​សញ្ញាបត្រ​ ស្លាប់​​ជាមួ​យសមាជិកគ្រួសារ​​ក្នុងអគារ​​​រលំ​​ដោយ​រញ្ជួយដី​

ព័ត៌មានអន្ដរជាតិ២៣ ម៉ោង មុន

ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ

រដ្ឋមន្ត្រីការពារជាតិ
សន្តិសុខសង្គម៨ ម៉ោង មុន

រដ្ឋមន្ត្រីការពារជាតិ ណែនាំឲ្យបង្កើតក្រុមប្រឹក្សាវិន័យដើម្បីពិនិត្យរាល់ទង្វើរបស់បុគ្គលឈ្មោះ​ ឈាវ មុន្នីន

ព័ត៌មានអន្ដរជាតិ៨ ម៉ោង មុន

អ្នកជំនាញព្រមានថា ថៃ ប្រឈមកើតរញ្ជួយដីថែមទៀត តែមិនដឹងពេលណានិងកន្លែងណា

Sokha Hotels

ព័ត៌មានពេញនិយម