ព័ត៌មានជាតិ
អង្គការ A21 ប្រារព្ធពិធីបញ្ឈប់អំពើជួញដូរមនុស្សឆ្ពោះទៅមុខដើម្បីបញ្ចប់ការជួញដូរមនុស្ស
កាលពីព្រឹកថ្ងៃទី ១៦ ខែតុលា ឆ្នាំ ២០២២ អង្គការ A21 បានប្រារព្ធពិធីបញ្ឈប់អំពើជួញដូរមនុស្សឆ្ពោះទៅមុខដើម្បីបញ្ចប់ការជួញដូរមនុស្ស សហការជាមួយគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សនៅកម្ពុជា និងរដ្ឋបាលខេត្តសៀមរាប ក្នុងគោលបំណងលុបបំបាត់ការជួញដូរមនុស្ស។
ការប្រារព្ធពិធីខាងលើ ក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មាធិការជាតិ ប្រយុទ្ធប្រឆាំងអំពើជួញដូរមនុស្ស លោកស្រី យូ សុភា អភិបាលរងខេត្តសៀមរាប និងអង្គភាព ស្ថាប័ន អង្គការក្រៅរាជរដ្ឋាភិបាល ពាក់ព័ន្ធជុំវិញខេត្តជាច្រើននាក់ បានចូលរួមផងដែរ នៅបរិវេណសួនច្បារមហាសណ្ឋាគារ ក្នុងក្រុងសៀមរាប។
លោកស្រី យូ សុភា អភិបាលរងខេត្តសៀមរាប និងជាអនុប្រធានអចិន្ត្រៃយ៍គ.ខ.ប.ជ បានសំដែងសេចក្ដីស្វាគមន៍ដល់អង្គពិធី និងធ្វើសេចក្ដីរាយការណ៍អំពីស្ថានភាពការអនុវត្ត លទ្ធផលសម្រេចបាននាពេលកន្លងមក អំពីកិច្ចការងារប្រយុទ្ធប្រឆាំងអំពើជួញដូរមនុស្ស គ.ខ.ប.ជ និងរបាយការណ៍ការងាររបស់រដ្ឋបាលខេត្តរួចមក និងបានលើកឡើងអំពីអ្វីដែលនៅតែជាការព្រួយបារម្ភនោះគឺ ការធ្វើទេសន្តរប្រវេសក៍ដោយប្រថុយប្រថានរបស់ពលករ ដែលមិនមានការធានាផ្នែកផ្លូវច្បាប់ និងមិនមានការគ្រប់គ្រងច្បាស់លាស់ ដែលនាំឲ្យប្រឈមនឹងហានិភ័យដោយអំពើកេងប្រវ័ញ្ច និងជួញដូរមនុស្ស។
ជាមួយគ្នានោះ លោកជំទាវ ជូ ប៊ុនអេង មានប្រសាសន៍ថា យើងប្រារព្ធពិធីបញ្ឈប់អំពើជួញដូរមនុស្សឆ្ពោះទៅមុខដើម្បីបញ្ចប់ការជួញដូរមនុស្សនេះ គឺធ្វើឡើងក្នុងគោលបំណងស្វែងយល់អំពីស្ថានភាព និងទំនោរ នៃទេសន្តរប្រវេសក៍បច្ចុប្បន្ន ដើម្បីរិះរកវិធានការក្នុងការលុបបំបាត់ការធ្វើទេសន្តរប្រវេសក៍មិនប្រក្រតី គឺការជួញដូរមនុស្សខុសច្បាប់ និងរាល់ទម្រង់ នៃអំពើកេងប្រវ័ញ្ចក្នុងវដ្តនៃទេសន្តរប្រវេសក៍ និងលើកកម្ពស់ទេសន្តរប្រវេសក៍ដោយសុវត្ថិភាពឲ្យមានរៀបរយ និងស្របច្បាប់ យើងត្រូវកំណត់រកបញ្ហារួម និងផ្លាស់ប្ដូរមេរៀនបទពិសោធន៍ល្អៗ ក្នុងការដោះស្រាយបញ្ហាទាំងនោះ តាមរយៈការពង្រឹងកិច្ចសហការក្នុងការឆ្លើយតបទៅនឹងការងារបង្ការទប់ស្កាត់ ការអនុវត្តច្បាប់ និងកិច្ចការពារជនរងគ្រោះ នៅក្នុងប្រទេសរបស់យើងឲ្យបានល្អប្រសើរថែមទៀត។
លោកជំទាវ មានប្រសាសន៍បន្ថែមទៀតថា ការងារទាំងនេះ គឺដើម្បីធ្វើជាយុទ្ធនាការ បំផុសការយល់ដឹងអំពីព្រឹត្តិការណ៍ និងស្ថានភាពដែលពាក់ព័ន្ធនឹងអំពើជួញដូរមនុស្ស ដែលកើតមាននៅក្នុងពិភពលោក និងក្នុងព្រះរាជាណាចក្រកម្ពុជា និងធ្វើការដាស់តឿនក្រើនរំលឹកអំពីភាពរងគ្រោះរបស់ប្រជាជនកម្ពុជា និងល្បិចកលថ្មីៗ នៃជនល្មើស ព្រមទាំងធ្វើការផ្សព្វផ្សាយអំពីការប្ដេជ្ញាចិត្ត និងកិច្ចខិតខំប្រឹងប្រែងរបស់រាជរដ្ឋាភិបាល និងដៃគូពាក់ព័ន្ធជាតិ និងអន្តរជាតិ ក្នុងការប្រយុទ្ធប្រឆាំងអំពើជួញដូរមនុស្សគ្រប់រូបភាព៕
អត្ថបទ ៖ គឿន វេត
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ