ព័ត៌មានជាតិ
ទិវាទេសចរណ៍ពិភពលោក ២០២២ ដើររើសសំរាមនៅក្រុងកែបមានអ្នកចូលរួមជាង១ពាន់
រដ្ឋបាលខេត្តកែបបានរៀបចំទិវាទេសចរណ៍ពិភពលោក ឆ្នាំ២០២២ ក្រោមប្រធានបទ ការគិតគូរឡើងវិញពីទេសចរណ៍ ដែលមានមនុស្សចូលរួមចំនួន ១.៣០០នាក់ ការប្រារព្ធទិវាដ៏សំខាន់នេះ ខេត្តកែបបានរៀបចំឲ្យមានការដើររើសសំរាមនៅគោលដៅសំខាន់ៗក្នុងក្រុងកែប ក្នុងន័យបង្ហាញសារទៅមហាជន ឲ្យចេះស្រឡាញ់បរិស្ថាន និងរក្សាអនាម័យ។ កាលពីថ្ងៃទី១៧ ខែតុលា ឆ្នាំ២០២២ នេះលោក សោម ពិសិដ្ឋ អភិបាលខេត្តកែប បានបញ្ជាក់ពីចំណាក់ក្នុងទិវាទេសចរណ៍ពិភពលោកបានធ្វើឡើង នៅមុខសាលាខេត្តកែប។

លោកសោម ពិសិដ្ឋ អភិបាលខេត្តមានប្រសាសន៍ថា ទិវាទេសចរណ៍ពិភពលោក ជាព្រឹត្តិការណ៍ដ៏សំខាន់សម្រាប់ជំរុញភាគីពាក់ព័ន្ធនានារួមមាន ផ្នែកសាធារណៈ ផ្នែកឯកជន ដៃគូអភិវឌ្ឍន៍ អង្គការ ប្រជាពលរដ្ឋ និងអ្នកទេសចរ ឲ្យកាន់តែយល់ច្បាស់ពីតួនាទី និងអត្ថប្រយោជន៍នៃវិស័យទេសចរណ៍ ក្នុងការអភិវឌ្ឍសេដ្ឋកិច្ច សង្គម និងបរិស្ថាន។

លោកនាយករដ្ឋបាលខេត្តកែបបានបញ្ជាក់ថា បានប្រារព្ធព្រឹត្តិការណ៍នេះឡើង ក្រៅពីគោលបំណងចូលរួមទិវាទេសចរណ៍ពិភពលោកនេះ ព្រឹត្តិការណ៍នេះជាសារដាស់តឿនដល់បងប្អូនប្រជាពលរដ្ឋទាំងអស់ អោយចេះស្រឡាញ់បរិស្ថាន និងរួមគ្នាដើម្បីសម្អាតអនាម័យ នៅជុំវិញទីក្រុងកែប និងតំបន់ទេសចរណ៍នានាផងដែរ។

លោក សោម ចិន្តា ប្រធានមន្ទីរទេសចរណ៍ បានបញ្ជាក់ឲ្យដឹងថា ក្នុងកំណើនភ្ញៀវទេសចរមកកម្សាន្តក្នុងខេត្តកែបកាន់តែកើនឡើង គួរផ្ដល់លើសារៈសំខាន់នៃភាពស្អាត នៃទីក្រុង ទីប្រជុំជនសំដៅឲ្យមានការចូលរួម ធ្វើឲ្យបរិស្ថានស្អាតប្រកបដោយអនាម័យ សណ្ដាប់របៀបរៀបរយធានាបាននូវសុខសុវត្ថិភាពពេញលេញ ពិសេសការផ្ដល់សេវាកម្មទេសចរណ៍បានល្អប្រសើរ៕
ដោយ ៖ សឹង រ៉ាត់



-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់