ព័ត៌មានជាតិ
ឆ្នាំនេះបណ្ដែតប្រទីបត្រូវផ្អាក តែការប្រណាំងទូក សំពះព្រះខែ អកអំបុក និងស្តង់ពិព័រណ៍ទូទៅនៅតែបន្តធ្វើ
ទឹកជំនន់មិនទាន់ស្រកអស់ មិនអំណោយផល ឆ្នាំនេះបណ្ដែតការតាំងប្រទីបត្រូវផ្អាក តែការប្រណាំងទូក និងសំពះព្រះខែ អកអំបុក និងការដាក់ស្តង់ពិព័រណ៍ទូទៅ ភូមិ ១ ផលិតផល ១ នៅតែបន្តធ្វើដដែល។ នេះបើតាមកិច្ចប្រជុំពិភាក្សាបន្ទាន់មួយ កាលពីព្រឹកថ្ងៃទី ១៧ ខែតុលា ឆ្នាំ ២០២២។
កិច្ចប្រជុំខាងលើមានការចូលរួមដោយ លោក អ៊ុំ រាត្រី អភិបាលខេត្តបន្ទាយមានជ័យ អភិបាលរងខេត្តទាំង ១០ អភិបាលក្រុង ស្រុក និងប្រធានមន្ទីរ អង្គភាពស្ថាប័នទាំង ៣ មានកម្លាំងអាវុធហត្ថ ស្នងការនគរបាលខេត្ត កម្លាំងយោធា មេឃុំ ចៅសង្កាត់ និងមន្ត្រីពាក់ព័ន្ធជាច្រើននាក់។
ក្នុងកិច្ចប្រជុំនោះ លោក អ៊ុំ រាត្រី មានប្រសាសន៍ថា ក្នុងឱកាសអបអរសាទរ ព្រះរាជពិធីបុណ្យ ប្រណាំងទូក បណ្ដែតប្រទីប សំពះព្រះខែ អកអំបុក និងមានស្តង់ពិព័រណ៍ទូទៅ ភូមិ ១ ផលិតផល ១
បានលើកពេលទៅ ថ្ងៃទី ២៩ និង ៣០ ខែតុលា ឆ្នាំ ២០២២ វិញ ជាពិធីបុណ្យសំពះព្រះខែ អកអំបុក ធ្វើនៅតាមដងស្ទឹងសិរីសោភ័ណ។
លុះនៅថ្ងៃទី ៤ និង ៥ ខែវិច្ឆិកា ឆ្នាំ ២០២២ ធ្វើការប្រណាំងទូក និងការដាក់ស្តង់ពិព័រណ៍ទូទៅ ភូមិ ១ ផលិតផល ១ នៅខាងក្រោយសាកលវិទ្យាល័យមានជ័យដដែល។
លោក អ៊ុំ រាត្រី បានបញ្ជាក់ឲ្យដឹងបន្តទៀតថា ឆ្នាំនេះមានទូកចូលរួមប្រណាំងចំនួន ២៦ ទូក។ ក្នុងនោះ ទូកអុំ ចែវ ខ្នាតធំ មាន ២០ ទូក និងទូកកិត្តិយសចំណុះ ៥ នាក់ ចំនួន ៤ ទូក និងចំណុះ ៣ នាក់ ចំនួន ២ ទូក។
សូមរំលឹកថា កម្មវិធីរៀបចំការប្រណាំងទូក បណ្ដែតប្រទីប និងសំពះព្រះខែ អកអំបុក និងស្តង់ពិព័រណ៍ទូទៅ ភូមិ ១ ផលិតផល ១ នៅថ្នាក់ខេត្ត រាជធានី ថ្នាក់ជាតិ បានផ្អាក ៣ ឆ្នាំកន្លងមក ដោយសារវិបត្តិសកល នៃការរីករាលដាលជំងឺកូវីដ-១៩។ ប៉ុន្តែឆ្នាំ ២០២២ នេះ ស្ថានភាពជំងឺកូវីដ-១៩ បានធូរស្រាល រាជរដ្ឋាភិបាល ក៏សម្រេចណែនាំឲ្យថ្នាក់ខេត្តរៀបចំឡើងវិញឲ្យបាន។
ក្នុងនោះ រដ្ឋបាលខេត្តបន្ទាយមានជ័យ បានណែនាំពីការត្រៀមរៀបចំទូក និងគណៈកម្មការគ្រប់គ្រងទូក ដើម្បីចូលរួមព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ឆ្នាំ ២០២២ រួចម្តងហើយ ប៉ុន្តែលើកពេលព្រះរាជពិធីវិញ ដោយសារជំនន់មិនទាន់ស្រកពីទីធ្លាសាកលវិទ្យាល័យជាតិមានជ័យ ដែលជាទីតាំងវេទិកាប្រារព្ធពិធី និងទស្សនា ក៏ដូចជាព្រឹត្តិការណ៍នានា។
លោកបានបន្ថែមថា មុនពេលពិធីប្រណាំង គ្រប់ស្រុក ក្រុង មន្ទីរ អង្គភាព បានត្រួតពិនិត្យ ជួសជុល កែលំអ តុបតែងទូកនិមួយៗ និងរៀបចំគណៈកម្មការគ្រប់គ្រងទូក ប្រវត្តិទូក រួចអស់ហើយផងដែរ៕
អត្ថបទ ៖ វ៉ាន់ ណាង
តុលាការរុស្ស៊ី កាត់ទោសដាក់គុកទាហានស៊ីឈ្នួលម្នាក់ ពេញមួយជីវិត
មាស សុខសោភា ប្រាប់គន្លឹះប្រើខ្យល់ដង្ហើមបរិសុទ្ធ ទទួលបានសុខភាពល្អ
Ahreum អតីតក្រុម T-ara ប្តឹងឧទ្ធរណ៍តបវិញ ក្រោយតុលាការកាត់ទោស៨ ខែ និងព្យួរ២ឆ្នាំ
លោក អ៊ុន សិទ្ធា សង្ឃឹមអាចសម្រេចបំណងក្នុងវិស័យសសិល្ប:ឱ្យបានគ្រប់ទម្រង់
ការផ្ទៀងផ្ទាត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ គ្រោងបញ្ចប់នៅខែមេសា
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
អ្នកគាំទ្រតារាចម្រៀងរ៉េប G-Devith និង វណ្ណដា ផ្ទុះការផ្លែផ្កាឌឺដងដាក់គ្នាព្រោះតែរឿងនេះ
ដុតទៀនធូបសែនចូលឆ្នាំចិន ចាក់សោរទុកចោលក្លាយជាអគ្គិភ័យឆេះផ្អើលអ្នកជិតខាង
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
-
ចរាចរណ៍៣ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៣ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ១ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម២ ថ្ងៃ agoអគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន
-
ព័ត៌មានជាតិ៨ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»