ព័ត៌មានជាតិ

កម្លាំងចម្រុះចុះបង្ក្រាបបទល្មើសនេសាទក្នុងភូមិសាស្ត្រ ២ ឃុំ លើចំណុចជាច្រើនផ្សេងៗគ្នា

បានផុស

២ years មុន

នៅ

ថ្ងៃអង្គារ ១៨ តុលា ២០២២

ដោយ

កម្លាំងបញ្ជាការឯកភាពស្រុក ដឹកនាំដោយលោក ប៉ោក រ៉ា អភិបាលរង នៃគណៈអភិបាលស្រុកសង្កែ មានការចូលរួមពីលោក ជា រដ្ឋា ជលផលស្រុក និងសហគមន៍នេសាទចំនួនពីរឃុំ ដែលជាគោលដៅ បានចុះបង្ក្រាបបទល្មើសនេសាទ កាលពីព្រឹកថ្ងៃទី ១៧ ខែតុលា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីចុះអនុវត្តបានឲ្យដឹងថា ចំពោះបទល្មើសដែលកើតឡើងលើឃុំចំនួន ២ ខាងលើ តាមរយៈសេចក្ដីរាយការណ៍ពីប្រជាកសិករ រួមមាន ៖ ឃុំកំពង់ព្រះ និងឃុំរកា កម្លាំងបានចុះបង្ក្រាបលើ ៦ ទីតាំងផ្សេងៗគ្នា។ ក្នុងនោះ ឃុំកំពង់ព្រះ បង្ក្រាបបានចំនួន ៤ ករណី និងឃុំរកា ២ ករណី សរុប ៦ កណី។

ប្រភពដដែលបញ្ជាក់ថា ទីតាំងប្រព្រឹត្តបទល្មើសក្នុងឃុំកំពង់ព្រះ រួមមាន ៖ ចំណុចខាងកើតអាថ្ម ,សាច់មង ៥៥០ ម បង្គោល ១៨០ ដើម ,ឡុកចំនួន ២ ,ចំណុចក្រពើ ៦ សាច់មង ៧៥០ ម បង្គោល ១២០ ដើម ,ឡុកចំនួន ២ ,នៅចំណុចកើតបឹងកុល សាច់មង ៥០០ ម ,បង្គោល ១១០ ដើម ,ឡុកចំនួន ២, ចំណុចលិចវាលត្រកួន សាច់មង ១០០០ ម ,បង្គោល ២១០ ដើម ,ឡុក ចំនួន ២។

ក្នុងឃុំរកា ចំណុចអូរក្រញ៉ាញ់ បង្ក្រាបបានសាច់មង ៤០០ ម ,បង្គោល ១៥០ ដើម ,ឡុក ចំនួន ២, ចំណុចលិចឆេះដប សាច់មង ២៥០ ម ,បង្គោល ១១០ ដើម ,និងលែងត្រី ១៥០ គីឡូក្រាម។ ក្រោយបង្ក្រាប ឧបករណ៍ ដូចជា សាច់មង ត្រូវបានដុតបំផ្លាញចោលទាំងអស់ផងដែរ។

ប្រជាកសិករ និងមតិមហាជនថា ការចុះបង្ក្រាបគឺជាការល្អប្រសើរសម្រាប់ការអភិរក្សមច្ឆាជាតិ ពួកគាត់សាទរ។ តែពួកគាត់ថា ជាទូទៅអ្នកប្រព្រឹត្តមិនដែលត្រូវបានកម្លាំងសមត្ថកិច្ចកំណត់អត្តសញ្ញាណម្នាក់ណាឡើយ ដើម្បីយកមកអប់រំ ធ្វើកិច្ចសន្យា បញ្ឈប់សកម្មភាពតទៅទៀត បើមិនដូច្នោះ ការប្រព្រឹត្តនៅតែកើតឡើងដដែល៕

អត្ថបទ ៖ សៅ សារិទ្ធ