ព័ត៌មានជាតិ
អភិបាលខេត្តកំពង់ចាមដាក់ផែនការឲ្យពន្លឿនសាងសាង់វិមានឯករាជ្យក្នុងរយៈពេល ១៥ ថ្ងៃទៀត
អភិបាលខេត្តកំពង់ចាមលោក អ៊ុន ចាន់ដា នៅថ្ងៃទី ១៩ ខែតុលានេះបានដាក់នូវផែនការឲ្យអ្នកទទួលការសាងសង់គម្រោងវិមានឯករាជ្យឲ្យរួចរាល់ក្នុងរយៈពេល ១៥ ថ្ងៃទៀត ខណៈគិតមកដល់ពេលនេះ គម្រោងសម្រេចលទ្ធផលសាងសង់បានប្រមាណ ៩០% ហើយ នោះ។

អភិបាលខេត្តរូបនេះបញ្ជាក់ថា វិមានឯករាជ្យត្រូវតែសាងសង់ឲ្យរួចរាល់ទាំងប្រព័ន្ធទឹក ភ្លើង ក្នុងរយៈពេល ១៥ថ្ងៃ ទៀត ដោយរាប់ចាប់ពីថ្ងៃនេះទៅដល់ត្រឹមថ្ងៃទី០៤ ខែវិច្ឆិកា ខាងមុខ។ ក្រៅពីនោះយើងទុកពេលវេលា ៥ថ្ងៃ សម្រាប់ធ្វើការសម្អាត ដើម្បីត្រៀមសម្ពោធនាឱកាស នៃការប្រារព្ធបុណ្យឯករាជ្យជាតិ ០៩ វិច្ឆិកា ឆ្នាំ២០២២ នាពេលខាងមុខ ជាមួយគ្នាតែម្ដង។
សូមរំលឹកផងដែរថា វិមានឯករាជ្យខេត្តកំពង់ចាម ស្ថិតនៅក្នុងភូមិទី ៦ សង្កាត់វាលវង់ ក្រុងកំពង់ចាម បានចាប់ដំណើការសាងសង់ កាលពីថ្ងៃទី០៦ ខែធ្នូ ឆ្នាំ២០២១។

លោក អ៊ុន ចាន់ដា អភិបាលខេត្តកំពង់ចាម បញ្ជាក់ឲ្យដឹងថា ការរៀបចំសាងសង់វិមានឯករាជ្យនេះឡើង ដើម្បី ជាកន្លែងប្រារព្ធពិធីរំលឹក ខួបអនុស្សាវរីយ៍បុណ្យឯករាជ្យជាតិ និងជាការរំលេចនូវស្នាដៃជាប្រវត្តិសាស្រ្ត នៃការអបអរសាទរបុណ្យឯករាជ្យជាតិ ក្រោមព្រះរាជបូជនីយកិច្ច ពីសំណាក់ព្រះបរមរតនកោដ្ឋ បានទាមទារឯករាជ្យ ពីអាណានិគមបារាំង និងបន្សល់ទុកស្នាដៃជាប្រវត្តិសាស្រ្ត ដល់ប្រជាពលរដ្ឋរបស់យើង និងកូនចៅជំនាន់ក្រោយ។
ម្យ៉ាងទៀត ការកសាងសំណង់ មួយនេះ ក៏ជាការ ចូលរួមចំណែក លើកកម្ពស់សោភ័ណ្ឌភាព ក្នុងក្រុងកំពង់ចាម ផងដែរ ដើម្បី ផ្ដល់ការទាក់ទាញភ្ញៀវទេសចរណ៍ជាតិ និងអន្តរជាតិ នៅពេលដែលមកទស្សនាកំសាន្ត នៅទឹកដីខេត្តកំពង់ចាម ជាពិសេស ពួកគាត់អាចមកទស្សនាវិមានឯករាជ្យ ដែលមានលម្អ ទៅដោយសួនច្បារ និងភ្លើងពណ៌ ដែលជាការលើកកម្ពស់សោភ័ណ្ឌភាព ក្នុងក្រុងកំពង់ចាម នឹងសម្រាប់ឈានទៅប្រកួតប្រជែងទីក្រុងស្អាតនាពេលខាងមុខផងដែរ៕


អត្ថបទ៖ ឡេក ចាន់ពេជ្រ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ