ព័ត៌មានជាតិ

អគារទំនើបហ្វឹកហាត់បាញ់គ្រាប់ពិតចំណាយទឹកប្រាក់ជាង ៦០ម៉ឺនដុល្លារ ដាក់ឲ្យប្រើប្រាស់ផ្លូវការ

បានផុស

២ years មុន

នៅ

ថ្ងៃពុធ ១៩ តុលា ២០២២

ដោយ

អគារទំនើបហ្វឹកហាត់បាញ់គ្រាប់ពិតអាវុធខ្លី ដែលស្ថិតនៅស្រុកកៀនស្វាយ ខេត្តកណ្តាល បានដាក់ឲ្យប្រើប្រាស់ជាផ្លូវការ ក្រោយចំណាយទឹកប្រាក់សាងសង់អស់ជាង ៦០ម៉ឺនដុល្លារសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង ផល្លី ប្រធានបណ្ឌិត្យសភានគរបាលកម្ពុជាបានគូសបញ្ជាក់ថា អគារនេះមានលក្ខណៈទំនើបស្របតាមស្តង់ដារអន្តរជាតិ ដែលអាចហ្វឹកហាត់បាញ់គ្រាប់ពិតបាន ១០នាក់ក្នុងមួយលើក ព្រមទាំងមានប្រព័ន្ធការពារក្បាលគ្រាប់ និងសំឡេងចេញក្រៅផងដែរ។

សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចាត់ទុកសមិទ្ធផលថ្មីនេះ នឹងអាចបំពេញតម្រូវការបណ្ដុះបណ្ដាលកងកម្លាំងនគរបាលជាតិ ឱ្យកាន់តែមានគុណភាព និងមានសមត្ថភាពវិជ្ជាជីវៈច្បាស់លាស់ សម្រាប់ចេញទៅបម្រើប្រទេសជាតិ ប្រជាជន បន្ថែមលើមូលដ្ឋាននៃការបណ្ដុះបណ្ដាលផ្សេងទៀតដែលមាននៅបណ្ឌិត្យសភានគរបាលកម្ពុជា។

ទន្ទឹមគ្នានឹងវឌ្ឍនភាពនៅបណ្ឌិត្យសភានគរបាលកម្ពុជានេះដែរ សម្ដេចក្រឡាហោម ក៏កត់សម្គាល់ចំពោះភាពរីកចម្រើននៃសាលានគរបាលជាតិតាមបណ្ដាភូមិភាគនានា ក្រោយពេលសម្ដេចបានចុះទៅដល់សាលាទាំងនោះដែលកំពុងមានការអភិវឌ្ឍ ទាំងការសិក្សារៀនសូត្រ ការកសាងហេដ្ឋារចនាសម្ព័ន្ធថ្មីៗ ដូចជាអគារសិក្សា អគារស្នាក់នៅ ដោយមានការចូលរួមគាំទ្រនិងឧបត្ថម្ភពីអាជ្ញាធរខេត្តពាក់ព័ន្ធ៕

ដោយ៖ ថារី