ព័ត៌មានជាតិ
មន្ត្រីមន្ទីរសាធារណការខេត្តស្ទឹងត្រែង រៀបចំសណ្ដាប់ធ្នាប់តាមចំណុចផ្លូវខ្វែងដែលតែងបង្កគ្រោះថ្នាក់ចរាចរណ៍ញឹកញាប់
ចំណុចផ្លូវខ្វែងដែលមានកន្លែងលក់ដូរគ្មានសណ្ដាប់ធ្នាប់ បិទបាំងផ្លូវឆ្លងកាត់ ពិបាកមើលផ្លូវ បង្កគ្រោះថ្នាក់ចរាចរណ៍ញឹកញាប់ ត្រូវបានមន្ត្រីមន្ទីរសាធារណការ និងដឹកជញ្ជូនខេត្តស្ទឹងត្រែង ចុះរៀបចំសណ្ដាប់ធ្នាប់ លើកកម្ពស់សោភណភាពបរិស្ថានក្នុងទីក្រុងឲ្យល្អប្រសើរ។
ការរស់នៅរបស់ប្រជាពលរដ្ឋ បង្ហាញពីការចូលរួមគោរពច្បាប់ទម្លាប់បានល្អ និងធ្វើឲ្យតាមតំបន់និមួយៗ ទទួលបានការលើកសរសើរពីភ្ញៀវទេសចរផងដែរ។
លោក គង់ សុធា អនុប្រធានមន្ទីរសាធារណការ និងដឹកជញ្ជូនខេត្ត បញ្ជាក់ថា ផ្លូវខ្វែងនេះស្ថិតក្នុងសង្កាត់ព្រះបាទ ក្រុងស្ទឹងត្រែង ត្រូវបានមន្ត្រីមន្ទីរសាធារណការ ស្នើសុំឲ្យបងប្អូនអ្នកប្រកបរបរអាជីវកម្មតាមដងផ្លូវ ចូលរួមជាមួយមន្ត្រីជំនាញ អនុវត្តរៀបចំសណ្ដាប់ធ្នាប់តាមដងផ្លូវ។
លោកបន្ថែមថា ទីតាំងអាជីវកម្ម ត្រូវបង្ខិតចូលតាមអាជ្ញាធរក្រុងបានកំណត់ ដើម្បីរួមគ្នាការពារ និងលើកកម្ពស់សុវត្ថិភាព ព្រោះចំណុចផ្លូវខ្វែងនិមួយៗ កន្លងមកមានរថយន្តតូច-ធំ បង្កគ្រោះថ្នាក់ចរាចរណ៍ បណ្ដាលឲ្យមនុស្សស្លាប់ និងរបួសផងដែរ។
លោកបន្តថា ការងារសណ្ដាប់ធ្នាប់សាធារណៈ ជាកាតព្វកិច្ចរបស់ជនគ្រប់រូប ព្រោះវាពាក់ព័ន្ធ និងតម្រូវឲ្យប្រជាពលរដ្ឋយើងម្នាក់ៗ ត្រូវមានឧត្ដមគតិរួមគ្នាគិត រួមគ្នាធ្វើ និងជួយរៀបចំទីតាំងតំបន់រស់នៅនិមួយៗ ព្រមទាំងកន្លែងលក់ដូរឲ្យមានសោភណភាពស្អាតផងដែរ។
លោក ភ័គ្រ ចិត្រា អាជីវករលក់ចំណីអាហារនៅចំណុចផ្លូវបំបែកជាបួនក្នុងសង្កាត់ព្រះបាទ បានទទួលយកការណែនាំនេះ ព្រោះជាផ្នែកមួយផ្តល់សុខសុវត្ថិភាពសម្រាប់ការរស់នៅ ហើយមុខរបរអាជីវកម្មរបស់ខ្លួន ក៏មានភាពរីកចម្រើនប្រចាំថ្ងៃ។
លោកទទួលស្គាល់ថា ការចុះមករៀបចំសណ្ដាប់ធ្នាប់នេះពិតជាមានបំណងល្អ បញ្ចៀសគ្រោះថ្នាក់ផ្សេងៗ ដែលកើតមានឡើងដោយយថាហេតុណាមួយ ព្រោះនៅតាមចំណុចផ្លូវបំបែកនេះ កើតមានគ្រោះថ្នាក់ចរាចរណ៍ជាច្រើនលើកច្រើនសាមកហើយ ដោយសារតែការបាំងផ្លូវពិបាកមើល ហើយរថយន្ត ម៉ូតូ បើកបរគ្មានការអធ្យាស្រ័យគ្នា។
សូមបញ្ជាក់ថា ការចុះរៀបចំសណ្ដាប់ធ្នាប់សាធារណៈនេះ បានធ្វើឡើងនៅចំណុចផ្លូវខ្វែងធំៗដូចជា ចំណុចជិតស្ពានមេគង្គ , ចំណុចផ្លូវជាតិលេខ ៩ ចូលក្រុងស្ទឹងត្រែង និងតាមចំណុចផ្សេងៗទៀត ដែលបងប្អូនអាជីវករបានលក់ដូរបង្កផលប៉ះពាល់សណ្ដាប់ធ្នាប់សាធារណៈ៕
អត្ថបទ ៖ ងិន លីម
លក្ខខណ្ឌការងារសមរម្យ និងស្ថិរភាពនយោបាយនៅកម្ពុជា ជាកត្តា នៃកំណើននាំចេញសម្លៀកបំពាក់ ស្បែកជើង និងផលិតផលធ្វើដំណើរ ក្នុងឆ្នាំ ២០២៤
ស្ត្រីម្នាក់ដេកក្នុងអង្រឹងក្រោមដើមឈើក្រោយផ្ទះ ត្រូវហ្វូងឃ្មុំទិចបណ្តាលឱ្យស្លាប់ភ្លាមៗនៅខេត្តមណ្ឌលគិរី
អតិផរណាអាមេរិកបន្តឡើងសន្សឹមៗជាថ្មី បង្កការបារម្ភថានឹងកាន់តែធ្ងន់ធ្ងរក្រោមអាណត្តិ ត្រាំ
តើករណីបែបណាខ្លះដែលក្រសួងមហាផ្ទៃអាចធ្វើមោឃភាពលិខិតឆ្លងដែនធម្មតា?
ខេត្តចំនួន១៥ ក្នុងប្រទេសកម្ពុជា ទទួលបានជ័យលាភីជាខេត្តបញ្ចប់ការបន្ទោបង់ពាសវាលពាសកាល
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
មេដាយអូឡាំពិក២០២៤ជាង១០០គ្រឿងត្រូវបានបញ្ជូនមកវិញ ក្រោយជួបបញ្ហាច្រែះ
Update៖ សមត្ថកិច្ចគ្រប់គ្រងករណីអគ្គិភ័យនៅសង្កាត់កន្ទោកបានទាំងស្រុង
ស្ត្រីបារាំងវ័យ៥៣ ឆ្នាំ លែងលះស្វាមីសេដ្ឋីមករៀបការ Brad Pitt ក្លែងក្លាយ ចុងក្រោយចាញ់បោកលុយអស់៨៥ម៉ឺនដុល្លារ
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៧ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៥ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ២ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៦ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ