ព័ត៌មានជាតិ
លោកស្រីបណ្ឌិត ជា សិរី ៖ កម្ពុជា នឹងពង្រីកសេវាទូទាត់ឆ្លងកាត់ព្រំដែនទៅកាន់ឡាវ និងវៀតណាម
លោកស្រីបណ្ឌិត ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិ នៃកម្ពុជាបានមានប្រសាសន៍ថា ធនាគារជាតិ បាននិងកំពុងពិភាក្សាជាមួយភាគីឡាវ និងវៀតណាម ដើម្បីចុះអនុស្សរណៈ នៃការយោគយល់ជាមួយគ្នា ស្ដីពីការពង្រីកសេវាទូទាត់ឆ្លងដែន ដើម្បីជួយសម្រួលដល់ប្រជាពលរដ្ឋក្នុងការទូទាត់ប្រាក់ពេលធ្វើដំណើរទៅកាន់ប្រទេសទាំងពីរកាន់តែមានភាពងាយស្រួលថែមទៀត ខណៈបច្ចុប្បន្នយើងធ្វើជាមួយប្រទេសថៃរួចហើយ។
ថ្លែងប្រាប់អ្នកសារព័ត៌មានក្រោយពិធីចុះហត្ថលេខាលើអនុស្សរណៈ នៃការយោគយល់គ្នា រវាងគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងធនាគារជាតិ នៃកម្ពុជា ស្ដីពី“កិច្ចសហប្រតិបត្តិការក្នុងការប្រើប្រាស់តំណភ្ជាប់សម្រាប់ស្វែងរកមើលព័ត៌មានចាក់វ៉ាក់សាំងកូវីដ-១៩ របស់សាមីបុគ្គលតាមរយៈប្រព័ន្ធបាគង ”កាលពីព្រឹកថ្ងៃទី ២១ តុលា លោកស្រីបានបន្តថា ការទូទាត់នេះធ្វើឡើងតាមរយៈការប្រើប្រាស់ QR Code ហើយប្រជាពលរដ្ឋអាចទូទាត់បានជាប្រាក់រៀលប៉ុណ្ណោះសម្រាប់ចំណាយទៅលើទិញទំនិញ ឬទូទាត់ចំណាយនានាដូចជា សេវាព្យាបាលសុខភាពជាដើម តាមរយៈប្រព័ន្ធបាគង។
លោកស្រីបានបន្តទៀតថា «ជាធម្មតានៅពេលដែលយើងធ្វើដំណើរទៅក្រៅប្រទេស យើងត្រូវមានប័ណ្ណឥណពន្ធសម្រាប់ទូទាត់ប្រាក់នៅទូទាំងពិភពលោក បើមិនមានប័ណ្ណនេះទេ ត្រូវកាន់លុយតែម្ដង ដែលអាចប្រឈមនឹងសុវត្ថិភាព ឬមានការលំបាកក្នុងការចាយវាយ ឬទូទាត់ទៅលើទំនិញផ្សេងៗ។ អីចឹង ដើម្បីជួយសម្រួលដល់ភ្ញៀវទេសចរគេមកលេងស្រុកយើង ឬប្រជាពលរដ្ឋយើងទៅលេងនៅស្រុកគេ ហើយយើងអត់ចង់ប្រើប័ណ្ណឥណទាន ឬកាន់ប្រាក់ផ្ទាល់ យើងប្រើប្រព័ន្ធបាគងដោយយើងផ្សារភ្ជាប់ជាមួយប្រទេសដៃគូដូចជា នៅថៃ យើងមិនចាំបាច់ប្រើកាត ឬប្រើលុយទេហើយក៏មិនចាំបាច់ដូរលុយដែរ គឺទូទាត់តាម QR Code ធម្មតា តែត្រូវប្រើប្រាស់ប្រាក់រៀល ដើម្បីឲ្យប្រជាពលរដ្ឋយើងបានដឹងពីសារសំខាន់ នៃប្រាក់រៀលអាចទូទាត់បាននៅក្រៅប្រទេស»។
លោកស្រីសង្ឃឹមថា នឹងមានប្រជាពលរដ្ឋបើកគណនីជាប្រាក់រៀលបានកាន់តែច្រើន ដើម្បីអាចធ្វើការទូទាត់នៅក្រៅប្រទេសបាន ពិសេសប្រទេសដែលជាដៃគូរបស់ធនាគារជាតិ។
លោកស្រីបណ្ឌិត ជា សិរី បានបន្ថែមទៀតថា «បច្ចុប្បន្ននេះ យើងមានការពេញចិត្តយ៉ាងខ្លាំងចំពោះការវិវត្តន៍ នៃការប្រើប្រាស់ប្រព័ន្ធបាគង ដោយសារថា ដំបូងយើងប្រើប្រព័ន្ធនេះដើម្បីធ្វើការទូទាត់តែនៅក្នុងប្រទេសទេ គឺអ្នកដែលប្រើអេបធនាគារផ្សេងគ្នាអាចទូទាត់តាមប្រព័ន្ធនេះបាន តែឥឡូវនេះយើងបានវិវត្តន៍អាចប្តូរប្រាក់ពីដុល្លារទៅខ្មែរ និងពីខ្មែរទៅដុល្លារ ព្រោះថាក្នុងប្រព័ន្ធបាគង មានគណនីប្រាក់រៀល និងគណនីដុល្លារ»។
លោកស្រីបានបញ្ជាក់ថា ក្រៅពីនេះ តាមរយៈប្រព័ន្ធបាគង យើងបានអភិវឌ្ឍន៍ចំណុចរបត់ថ្មីមួយទៀតគឺ KHQR ដែលជាស្តង់ដារទូទាត់តែមួយសម្រាប់ប្រជាពលរដ្ឋដែលមានគណនីធនាគារផ្សេងៗគ្នា។
លោកស្រីបានពន្យល់ថា ការបង្កើតKHQRនេះ ដោយសារកន្លងមកសង្កេតឃើញមានការដាក់បញ្ជរផ្លាកQR Code នៅតាមបណ្ដាហាងច្រើន នាំឲ្យមានការពិបាក។ ដូចនេះ ដើម្បីជួយសម្រួលលើការងារនេះ ទើបយើងបានបង្កើតKHQRនេះឡើង ដើម្បីឲ្យម្ចាស់ហាង ឬកន្លែងលក់ដូរ ផ្សារទំនើបផ្សេងៗ អាចដាក់តែបញ្ជរKHQRនេះ គឺអាចទូទាត់បានគ្រប់ធនាគារ ឲ្យតែធនាគារនោះជាសមាជិក ឬជាសមាជិករបស់បាគង អាចធ្វើការទូទាត់ប្រាក់បានទាំងអស់។
លោកស្រីបានបញ្ជាក់ថា បច្ចុប្បន្ននេះមានប្រជាពលរដ្ឋប្រមាណ ៨ លាននាក់ កំពុងប្រើប្រាស់ប្រព័ន្ធបាគង ទាំងប្រយោល និងផ្ទាល់។ ក្នុងនោះមានប្រជាពលរដ្ឋប្រមាណ ៥០ ម៉ឺននាក់ បានដោនឡូតប្រើប្រាស់ប្រព័ន្ធបាគងផ្ទាល់ និងក្រៅពីនេះ ប្រើតាមរយៈប្រព័ន្ធធនាគារផ្សេងៗ៕
អត្ថបទ ៖ សំអឿន
ស្ដេចហ្ស៊កដានី បដិសេធផែនការលោក ត្រាំ ដែលចង់គ្រប់គ្រងតំបន់ហ្គាហ្សា
អួយស្ទ័រសមុទ្រខ្មែរស្រស់ៗនៅខេត្តកំពត លក់មួយគ្រាប់តម្លៃពី ៣០០ ទៅ ៧០០ រៀលតាមតូចតាមធំ
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
ឥណ្ឌូណេស៊ីជំរុញការប្រើប្រាស់ថាមពលកកើតឡើងវិញ ក្នុងផែនការថ្មី
នារីភ្នំពេញក្រោន ជាក្រុមកម្ពុជាដំបូងទៅលេង AFC Women’s Champions League
មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅហ្គាតេម៉ាឡា
ត្រាំ ទារឲ្យអ៊ុយក្រែន សងប្រាក់ ៥០០ពាន់លានដុល្លារ មកវិញ
ស្លាប់៤នាក់ និងបាត់ខ្លួន៣នាក់ក្នុងហេតុការណ៍ក្រឡាប់ទូកដោយសារខ្យល់ខ្លាំងនិងរលកធំៗនៅឥណ្ឌូណេស៊ី
លោក ដូណាល់ ត្រាំ គំរាមកាត់ជំនួយអេហ្ស៊ីប និងហ្ស៊កដានី បើពួកគេមិនព្រមទទួលយកជនជាតិប៉ាឡេស្ទីន
ត្រឹម២០ថ្ងៃសោះ លោកត្រាំចេញបទបញ្ជាប្រតិបត្តិលើសប្រធានាធិបតីមុនៗ «ហៅមិនឮ»
-
សន្តិសុខសង្គម២ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត