អគ្គនាយកដ្ឋាន​អត្តសញ្ញាណកម្ម​អំពាវឲ្យពលរដ្ឋ​ទៅបំពេញបែបបទ​បន្តសុពលភាពប្ដូរយក​អត្តសញ្ញាណប័ណ្ណថ្មី

អគ្គនាយកដ្ឋាន​អត្តសញ្ញាណកម្ម​នៅថ្ងៃទី ២១ ខែតុលានេះ​បានអំពាវឲ្យប្រជាពលរដ្ឋ​ដែលមានអត្តសញ្ញាណប័ណ្ណសញ្ជាតិខ្មែរគំរូថ្មីអស់សុពលភាព ឬសុពលភាពនៅតិចជាង ៩០ ថ្ងៃ សូមទៅបំពេញបែបបទប្ដូរយកអត្តសញ្ញាណប័ណ្ណនៅតាមប៉ុស្ដិ៍នគរបាលរដ្ឋបាលឃុំ សង្កាត់ ឬអធិការដ្ឋាននគរបាលក្រុង ស្រុក ខណ្ឌ ឬច្រកចេញចូលតែ១ ក្រុងស្រុកខណ្ឌ​ឬស្នងការ​ដ្ឋាន​នគរបាល រាជធានីខេត្ត នៃលំនៅឋានរបស់ខ្លួន។

ទីតាំងផ្សេងទៀត គឺនៅនាយកដ្ឋាន​អត្តសញ្ញាណប័ណ្ណសញ្ជាតិខ្មែរ (សង្កាត់និរោធ ខណ្ឌច្បារអំពៅ រាជធានីភ្នំពេញ) និងទីស្នាក់ការផ្ដល់​អត្តសញ្ញាណប័ណ្ណសញ្ជាតិខ្មែរ ​នៅផ្សារ Aeon II។

​អគ្គនាយកដ្ឋាន​អត្តសញ្ញាណកម្ម​ បញ្ជាក់ថា ​ការទៅបំពេញបែបបទប្ដូរយក​អត្តសញ្ញាណប័ណ្ណថ្មី ​ដើម្បីធានសិទ្ធិក្នុងការទទួលសេវាផ្សេងៗ និងត្រៀមសម្រាប់ការបោះឆ្នោត​តំណាងរាស្ត្រ ឆ្នាំ ២០២៣​៕