ព័ត៌មានជាតិ
ពលរដ្ឋរងគ្រោះដោយទឹកជំនន់ ១,៥០០ គ្រួសារ ទទួលអំណោយសម្តេចតេជោ ហ៊ុន សែន
ប្រជាពលរដ្ឋរងគ្រោះដោយទឹកជំនន់ ចំនួន ១,៥០០គ្រួសារ មកពីឃុំចំនួន៥ ក្នុងស្រុកឯកភ្នំ បានទទួលអំណោយដ៏ថ្លៃថ្លាពីសំណាក់សម្តេចតេជោ ហ៊ុន សែន តាមរយះលោក សុខ លូ អភិបាលខេត្តបាត់ ដំបង និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្តបាត់ដំបង ។
លោក សុខ លូ បាននាំយកប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលសម្តេចទាំងទ្វេរតែង តែគិតគូរអំពីសុខទុក្ខប្រជាពលរដ្ឋគ្រប់ពេលវេលា បើទោះបីជាសម្ដេចមិនបានអញ្ជើញជួបសំណេះសំណាលដោយផ្ទាល់ក្ដី សម្ដេចតែងតែបានធ្វើការណែនាំដល់រដ្ឋបាលខេត្តក្នុងការចុះពិនិត្យស្វែងរកប្រជាពលរដ្ឋដែលកំពុងជួបប្រទះបញ្ហានានាដូចជាគ្រោះទឹកជំនន់ដើម្បីធ្វើការចែកជូនអំណោយដល់ប្រជាពលរដ្ឋដែលរងគ្រោះនោះដោះស្រាយជីវិភាពឱ្យបានទាន់ពេលវេលាបើទោះអំណោយនោះមិនបានតាមតម្រូវការក៏ដោយចុះក៏បានដោះស្រាយបានមួយរយះផងដែរ។

លោក សុខ លូ បានបញ្ជាក់ដែរថា ការចែកអំណោយសង្រ្គោះជាបឋមនាពេលនេះ គឺមិនបានចែកបានគ្រប់គ្នាទេ គឺចែកជូន ចំពោះប្រជាពលរដ្ឋដែលខ្វះខាតខ្លាំងជាងគេ ហើយថ្ងៃទៅមុខទៀតក៏នឹងបន្តចែកជាបន្តបន្ទាប់ទៀត លោកសូមឲ្យបងប្អូន មានការអធ្យាស្រ័យផងដែរ ។
ក្រៅពីនេះលោកអភិបាលខេត្តក៏បានធ្វើការផ្ដាំផ្ញើដល់ប្រជាពលរដ្ឋណាដែលមិនទាន់ធ្វើការចាក់វ៉ាក់សាំងកូវីដ-១៩ដូសជំរុញ សូមប្រញាប់ទទួលការចាក់វ៉ាក់សាំងដូសជំរុញនេះឱ្យបានគ្រប់ៗគ្នា ព្រោះថាជំងឺកូវីដ-១៩នៅក្នុងប្រទេសកម្ពុជានេះមិនទាន់ ផុតរលត់ទាំងស្រុងនោះទេគឺនៅតែបន្តយាយីប្រជាពលរដ្ឋគ្រប់ពេលវេលា។ទន្ទឹមគ្នានេះដែរលោកក៏សូមឲ្យបងប្អូនត្រូវបន្តចូលរួមគោរពច្បាប់ចរាចរណ៍ទាំងអស់គ្នាដើម្បីកាត់បន្ថយអត្រាគ្រោះថ្នាក់ចរាចរណ៍.កាត់បន្ថយការស្លាប់និងពិការភាពដោយសារគ្រោះថ្នាក់ចរាចរណ៍ណាមួយដែលកើតឡើងដោយគ្មានការប្រុងប្រយ័ត្ននិងធ្វេសប្រហែស។

នៅក្នុងឱកាសទទួលអំណោយដ៏ថ្លៃថ្លារបស់សម្តេចតេជោនេះដែរ.បងប្អូនប្រជាពលរដ្ឋក៏បានថ្លែងអំណរគុណចំពោះសម្តេចតេជោ ហ៊ុន សែន ដែលបានយកចិត្តទុកដាក់ខ្ពស់ដល់ពួកគាត់ដែលកំពុងជួបផលលំបាកដោយគ្រោះធម្មជាតិ ដោយពួកគាត់បា នបញ្ជាក់ដូចៗគ្នាថា “កូនចៅទាំងអស់មិនអាចដើរចេញពីការដឹកនាំរបស់សម្តេចនោះទេ” ។
ដោយឡែកអំណោយដែលនាំយកមកចែកជូនប្រជាពលរដ្ឋទាំង១,៥០០គ្រួសារជាបឋមនាពេលនេះក្នុងមួយគ្រួសារទទួលបាន អង្ករ ២៥គីឡូក្រាម មីជាតិ ១កេស ទឹកសុទ្ធ ១កេស ត្រីខ ១យួរ ទឹកត្រី ១យួរ ទឹកស៊ីអីវ ១យួរ និងសាប៊ូមួយដុំផង ៕
អត្ថបទ៖ សៅ សារិទ្ធ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ