ព័ត៌មានជាតិ
លោកវេជ្ជបណ្ឌិត ម៉ម ប៊ុនហេង អញ្ជើញចុះពិនិត្យមណ្ឌលចត្តាឡីស័កក្នុងស្រុកព្រំដែនកម្ពុជា-ថៃ នាខេត្តបាត់ដំបង
បន្ទាប់ពីដំណើរបេសកកម្មយ៉ាងបន្ទាន់មួយនៅព្រឹកថ្ងៃទី១ ខែមករា ឆ្នាំ២០២១ក្នុងខេត្តបន្ទាយមានជ័យដើម្បីពិនិត្យលើស្ថានភាពវិវឌ្ឍនៃជំងឺកូវីត១៩បន្ទាប់ពីរកឃើញវិជ្ជមានមេរោគកូវីត១៩លើពលករខ្មែរដែលទើបត្រឡប់ពីប្រទេសថៃ នៅថ្ងៃដដែលនារសៀលថ្ងៃទី១ ខែមករា ឆ្នាំ២០២១លោកវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលបានដឹកនាំក្រុមប្រតិភូក្រសួង បានបន្តចុះត្រួតពិនិត្យមើលការរៀបចំដំណើរការក្នុងមណ្ឌលចត្តាឡីស័កនៅតាមបណ្តាស្រុក ក្នុងខេត្តបាត់ដំបងដែលមានព្រំប្រទល់ជាប់នឹងប្រទេសថៃផងដែរ ដើម្បីឆ្លើយតបលើដំណើរការសេវាសុខាភិបាលនៃមណ្ឌលចត្តាឡីស័កកម្រឹត១ និងកម្រឹត២ក្នុងខេត្តបាត់ដំបង។
ក្នុងដំណើរបេសសកម្មជាបន្ទាន់របស់លោករដ្ឋមន្ត្រីនិងប្រតិភូនេះ ធ្វើឡើងបន្ទប់ពីរកឃើញវិជ្ជមានមេរោគកូវីដ១៩ លើពលករខ្មែរចំណាកស្រុកដែលទើបវិលត្រឡប់មកពីប្រទេសថៃចូលទឹកដីខេត្តបាត់ដំបង នៃប្រទេសកម្ពុជាវិញនៅតាមមណ្ឌលចត្តាឡីស័កក្នុងខេត្តបាត់ដំបងនិងតាមបណ្តាខេត្តមួយចំនួនដែលមានព្រំប្រទល់ជាប់នឹងប្រទេសថៃ។
ក្នុងដំណើរបេសកកម្មចុះពិនិត្យតាមទីតាំងចត្តាឡីស័ករបស់រដ្ឋមន្ត្រីក្រសួងសុខាភិបាលនេះដែរលោក ងួន រតនៈ អភិបាលនៃគណៈអភិបាលខេត្តបាត់ដំបងនិងមន្ត្រីពាក់ពាន់ជាច្រើនក៏បានអញ្ជើញចុះអមដំណើរផងដែរ។
ជាមួយគ្នានេះដែរ លោករដ្ឋមន្ត្រីក៏បានបញ្ជូនក្រុមគ្រូពេទ្យជំនាញមួយចំនួនមកពីមន្ទីរពេទ្យខ្មែរសូវៀត និងក្រុមRRIមកជួយតាមមណ្ឌលចត្តាឡីស័ក ដើម្បីជួយអន្តរាគមន៍ពិនិត្យព្យាបាលអ្នកជំងឺកូវីដ១៩ ដល់ពលករដែលកំពុងប្រឈមនិងជំងឺកូវីដ១៩ផងដែរ។
លោក ងួន រតនះ អភិបាលខេត្ត កន្លងមកក៏បានចុះពង្រឹងសមត្ថកិច្ចតាមបន្ទាត់ព្រំដែនផងដែរក្រោយពីរយៈពេលថ្មីៗនេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជាក៏បានដាក់បទបញ្ជាឲ្យអាជ្ញាធរខេត្តជាប់ព្រំដែនថៃត្រូវគ្រប់គ្រងលំហូរពលករខ្មែរ ដែលវិលត្រឡប់ពីប្រទេសថៃ ត្រូវពិនិត្យទៅលើសុខភាពឲ្យបានគ្រប់គ្នានឹងហ្មត់ចត់បំផុត រួមជាមួយការធ្វើតេស្តសំណាក និងត្រូវធ្វើចត្តាឡីស័កឲ្យគ្រប់១៤ថ្ងៃទៅតាមគោលការណ៍ជាចាំបាច់ដើម្បីការពារការឆ្លងរាលដាលនៅក្នុងប្រទេសកម្ពុជា។
មន្ត្រីនៃមន្ទីរពេទ្យខេត្តបានអោយដឹងដែរថា គិតត្រឹមថ្ងៃទី០១ខែមករា ឆ្នាំ២០២១ពលករមកពីប្រទេសថៃចូលតាមច្រកព្រំដែនខេត្ត និងក្រៅខេត្តទាំងអស់សរុប១៥៦៨នាក់បានយកសំណាកសរុប១២៣៨នាក់ ហើយបានទទួលលទ្ធផលអវិជ្ជាមានចំនួន១០៣៥នាក់ និងលទ្ធផលវិជ្ជាមានចំនួន៤នាក់ផងដែរ៕
អត្ថបទ ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ