ព័ត៌មានជាតិ

ប្រទះឃើញរថយន្តស៊ើបមួយគ្រឿង ប្លុងចោលជិតសាលារៀន នៅក្នុងស្រុកសាមគ្គីមានជ័យ

បានផុស

៤ years មុន

នៅ

ថ្ងៃសៅរ៍ ២ មករា ២០២១

ដោយ

កំពង់ឆ្នាំង ៖ ប្រជាពលរដ្ឋបានប្រទះឃើញរថយន្តស៊ើបមួយគ្រឿង ត្រូវបានគេយកមកប្លុងចោល បង្កឲ្យមាន ការភ្ញាក់ផ្អើលនៅថ្ងៃទី០១ ខែមករា ឆ្នាំ ២០២១ ត្រង់ចំណុចដីឡូត៍មួយកន្លែង ដែលគ្មានមនុស្សនៅ ស្ថិតនៅក្នុង ភូមិក្តុលអភិវឌ្ឍន៍ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលប៉ុស្តិ៍មូលដ្ឋានបានឲ្យដឹងថា រថយន្តដែលត្រូវគេយកមកទុកចោល នេះ ម៉ាក ស៊ើប (SURF) ពណ៌កណ្ដុរ ប្រមេះ គ្មានស្លាកលេខ នោះទេដោយនៅ ក្នុងរថយន្តឃើញមានឯកសារ និងរូបថត ដែលគេបានទុកចោលក្នុង រថយន្តរបស់ឈ្មោះ ស្រេង ស្រ៊ុន និង ហៅខ្លា៣ ជាមន្ត្រីនគរបាល មានឋានៈអនុសេនីយ៍ត្រី ជា នាយរងផ្នែកពិនិត្យវិភាគកន្លែងកើតហេតុ នៃអធិការដ្ឋាន នគរបាលស្រុកពញាឮ ខេត្តកណ្តាល ដែលបានចូលនិវត្តន៍ មានស្រុកកំណើតនៅភូមិបឹងកណ្តាល ឃុំខ្ពបអាទាវ ស្រុកលើកដែក ខេត្តកណ្តាល។

លោកអធិការនគរបាលស្រុកសាមគ្គីមានជ័យ បានឲ្យដឹងទៀតថា គេមិនបានដឹងថា ជន ខាងលើនេះ ជិះរថយន្ត យកមកប្លុងចោល ឬយ៉ាងណានោះទេ។

រថយន្តនេះ ត្រូវបានសមត្ថកិច្ច សហការជាមួយប៉ុស្តិ៍រដ្ឋបាល ឃុំស្វាយជុក និង ប្រជាការពារនាំយក រថយន្ត ខាងលើនេះមករក្សាទុកនៅ អធិការដ្ឋាននគរបាលស្រុកសាមគ្គីមានជ័យ ដើម្បីធ្វើការស្រាវជ្រាវរកមូលហេតុ ឲ្យបានច្បាស់លាស់នៅករណីនេះ៕
ដោយ ៖ ឈៀង ថារិទ្ធ