ណែនាំ​ឲ្យស្គាល់អភិបាល​ស្រុកទាំង ៥ នៅក្នុង​ខេត្តក្រចេះ

នៅឆ្នាំ ២០២២ រដ្ឋបាល​ខេត្តក្រចេះ​បាន​​ផ្លាស់ប្តូរ និង​សម្រួល​ភារកិច្ចមន្រ្តីថ្នាក់ដឹកនាំតាម​ស្រុក​មួយ​ចំនួន​ក្នុង​ខេត្ត។

កាលពី​ថ្ងៃទី៣១ ខែសីហា ឆ្នាំ២០២២ មានពិធី​ប្រកាស​ចូលមុខ​តំណែងអភិបាលស្រុក​ព្រែកប្រសព្វថ្មី។ ​អតីតអភិបាលស្រុកសំបូរ ​លោក សូម សារិត ត្រូវបាន​ផ្ទេរ​មក​ជាអភិបាលស្រុកព្រែកប្រសព្វ ជំនួសលោក ហង្ស ចាន់ឌី ដែល​ឡើង​ទៅកាន់តួនាទី​ជាអភិបាលរងខេត្តក្រចេះ។

នៅ​ស្រុកឆ្លូង​ លោកស្រី គង់ លឹមហូ អតីតអភិបាលរងស្រុកឆ្លូងបានឡើង​ជា​អភិបាល​ស្រុក​ឆ្លូងថ្មី​ជំនួសលោក ហេង សុផា ដែលទៅ​កាន់​តួនាទី​ជាអភិបាលរងខេត្តក្រចេះ។

ដោយឡែក​ស្រុកសំបូរ យោងតាមអនុក្រឹត្យលេខ៦៤៧ អនក្រ.តត របស់រាជរដ្ឋាភិបាល ចុះថ្ងៃទី១៦ ខែសីហា ឆ្នាំ​២០២២ បាន​សម្រេ​​ចតែងតាំង លោក គង់ មេត្តា ឋានន្តរស័ក្តិវរមន្ត្រី ថ្នាក់លេខ៤ ជាអភិបាលនៃគណ:អភិបាលស្រុកសំបូរ។

លោក សាម ណាល់ អតីតអភិបាលរងស្រុកចិត្របុរី បាន​​ឡើង​​ជាអភិបាលនៃគណៈអភិបាលស្រុកស្នួលខេត្តក្រចេះនៅ​ឆ្នាំ ២០២០។

លោក យិន វណ្ណៈ អតីតអភិបាលក្រុងក្រចេះ បានទៅកាន់តំណែង​​​ជាអភិបាល​ស្រុក​ចិត្រ​បុរី​នៅ​ឆ្នាំ ២០១៩៕

អត្ថបទ៖ វិធិន