ព័ត៌មានជាតិ
បងប្អូនជនជាតិកាវ៉ែតនៅស្រុកសៀមប៉ាង រែកបន្លែត្រីសាច់ធម្មជាតិលក់ អំពាវនាវអតិថិជនជួយគាំទ្រ
បងប្អូនជនជាតិកាវ៉ែត រស់នៅភូមិ-ឃុំសន្តិភាព ស្រុកសៀមប៉ាង ខេត្តស្ទឹងត្រែង ពួកគាត់រែកបន្លែ ត្រី សាច់ លក់ តែពុំសូវមានអតិថិជនគាំទ្រជួយទិញយកទៅបរិភោគទេ។ ទោះបី បន្លែ ត្រី សាច់ ទាំងនេះ ជារបស់ធម្មជាតិ ដែលពួកគាត់រកបានពីព្រៃ ដាំដុះខ្លួនឯង យកមកលក់ក៏ដោយ។
លោកស្រី ប៉ៃ លៃ បានឲ្យដឹងថា ពួកគាត់សុំឲ្យបងប្អូនអតិថិជន ជួយទិញបន្លែផង គ្រាន់បានប្រាក់ជាថ្នូរនឹងការដោះដូរទិញស្ករ ប៊ីចេង ទឹកត្រី ទឹកស៊ីអ៊ីវ អំបិល សម្រាប់យកទៅផ្គត់ផ្គង់ជីវភាពទៅតាមគ្រួសារនិមួយៗ។ ព្រោះពួកគាត់ គ្មានមុខរបរអ្វីធំដុំ សម្រាប់ចិញ្ចឹមជីវិតនោះទេ។
លោកស្រីបន្តថា បច្ចុប្បន្នប្រជាពលរដ្ឋយើងនៅទីជនបទផ្លាស់ប្ដូរទម្លាប់ពីការពឹងផ្អែកលើផលអនុផលព្រៃឈើ មកដាំបន្លែតាមអាជ្ញាធរណែនាំ និងរែកបន្លែ ត្រី សាច់ ដែលពួកគាត់រកបាន យកមកលក់ គ្រាន់បានប្រាក់ចំណូលតិចតួចសម្រាប់ដោះដូរទិញសម្ភារៈផ្សេងៗ ចំណីអាហារ គ្រឿងបរិភោគឧបភោគ ប្រើប្រាស់ផ្គត់ផ្គង់នៅផ្ទះសម្បែងវិញ។
លោក ឡៃ ស៊ីវ៉ន ប្រធានការិយាល័យរដ្ឋបាលស្រុកសៀមប៉ាង បញ្ជាក់ថា បន្លែបង្ការ ត្រី សាច់ ដែលបងប្អូនជនជាតិកាវ៉ែត ក៏ដូចជាជនជាតិខ្មែរឡាវ រែកយកមកលក់តាមទីផ្សារនេះ ប្រជាពលរដ្ឋយើងតែងតែជួយទិញរបស់ពួកគាត់មិនដែលអាក់ខាននោះទេ។
លោកស្រី ថារី អាជីវករលក់បន្លែនៅស្រុកសៀមប៉ាង បញ្ជាក់ដែរថា បន្លែបងប្អូនជនជាតិយកមកលក់នេះ គេតែងនិយមបរិភោគ។ មិនដែលរើសអើងចំពោះបងប្អូនជនជាតិយើង ដែលយកបន្លែមកលក់នៅទីផ្សារនេះទេ។
លោកស្រីបន្ថែមថា ពួកគាត់តែងតែជួយប្រមូលទិញទាំងអស់សម្រាប់យកមកលក់បន្តផងដែរ ព្រោះជាបន្លែធម្មជាតិ មានអ្នកនិយមបរិភោគច្រើន។
លោក ដាក់ ដាវ ប្រជាពលរដ្ឋនៅឃុំសន្តិភាព ថា ការប្រកបរបរកសិកម្មនេះ បងប្អូនជនជាតិនៅតាមតំបន់ដាច់ស្រយាលក្នុងស្រុកសៀមប៉ាង បានខិតខំប្រឹងប្រែងដាំដុះដំណាំកសិកម្មបានច្រើន ដូចជា បន្លែគ្រប់ប្រភេទ ដើម្បីយកមកផ្គត់ផ្គង់ទីផ្សារ តែក៏មានបន្លែបង្ការមួយចំនួនបេះបានពីព្រៃមកដែរហើយការលក់ដូរតែងតែនៅសេសសល់ខ្លះៗ។
លោកបន្តថា ការដាំបន្លែបានច្រើន យើងបានទប់ទល់ជាមួយនឹងបន្លែនាំចូល ពីព្រោះស្រុកសៀមប៉ាង ជាស្រុកមួយស្ថិតនៅឆ្ងាយពីទីរួមខេត្ត ហើយបន្លែបង្ការក្នុងស្រុក មានប្រភពច្បាស់លាស់ ដែលបងប្អូនយើងដាំដុះក្នុងភូមិ។
សូមបញ្ជាក់ថា នៅស្រុកសៀមប៉ាង មានបងប្អូនជនជាតិដើមភាគតិចក្រវ៉ែតរស់នៅភូមិ-ឃុំសន្តិភាព ពីដើមឡើយ ពួកគាត់ច្រើនតែពឹងផ្អែកទៅលើផលអនុផលព្រៃឈើតែប៉ុណ្ណោះ។ បច្ចុប្បន្នពួកគាត់បានផ្លាស់ប្ដូរទម្លាប់ និងទទួលបានការណែនាំពីអាជ្ញាធរ ងាកមកដាំបន្លែលក់នៅទីផ្សារ ដើម្បីបានប្រាក់ចំណូលសម្រាប់បន្ថែមក្នុងការផ្គត់ផ្គង់ជីវភាពរស់នៅប្រចាំថ្ងៃ៕
អត្ថបទ ៖ ងិនលីម
អ្នកស្រុកតំបន់អង្គរ បន្ដធ្វើពិធីចាប់ត្រីរួមគ្នាតាមទំនៀមទម្លាប់ពីដូនតា សម្រាប់ប្រារព្ធពិធីឡើងមាឃ
ត្រាំ ទូរស័ព្ទទៅ ពូទីន សុំឲ្យបញ្ចប់សង្គ្រាមនៅ អ៊ុយក្រែន
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
ប្រធានតុលាការកំពូលព្រមានមិនយោគយល់មន្ត្រីតុលាការដែលពុករលួយ
ឡានក្រុងជ្រុលបុកផ្ទះពលរដ្ឋ សង្ស័យបើកបរក្នុងស្ថានភាពងងុយដេក
នគរបាលចរាចរណ៍ភ្នំពេញនឹងចាប់ផ្ដើមរឹតបន្ដឹងការអនុវត្តច្បាប់ពីថ្ងៃច័ន្ទទៅ
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៥ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៥ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ៣ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ៦ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម១ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
-
សន្តិសុខសង្គម៣ ថ្ងៃ agoរបួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍