ព័ត៌មានជាតិ

ឧកញ្ញ៉ា ម៉ុង ឬទ្ធី បញ្ជាឲ្យម្ចាស់អាខោនហ្វេសប៊ុកចំនួន២លប់រូបលោក ចេញជាបន្ទាន់ ករណីយករូបលោកដើម្បីផ្សព្វផ្សាយលក់ដំណាំហូបផ្លែ

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

លោកឧកញ្ញ៉ា ម៉ុង ឬទ្ធី បានប្រកាសឲ្យម្ចាស់អាខោនហ្វេសប៊ុកចំនួន២ដែលបានយករូបលោក និងភរិយាទៅដាក់ដើម្បីធ្វើការផ្សព្វផ្សាយលក់ដំណាំហូបផ្លែ២ប្រភេទ ដែលលោកឧកញ្ញ៉ាបានបញ្ជាក់ថា គឺជាការបោកប្រាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងហ្វេសប៊ុកផេករបស់លោកឧកញ្ញ៉ា ម៉ុង ឬទ្ធី បានសរសេរកាលពីថ្ងៃទី២៦ ខែតុលា ឆ្នាំ២០២២នេះថា សូមប្រីយមិត្តកុំជឿអោយសោះ ទន្លាប់នេះខ្ញុំបះនៅកាលីហ្វ័រញ៉ាទេ ខ្ញុំដាំ១០ឆ្នាំនៅស្រុកយើងហើយអត់មានផ្លែទេ។ ស្វាយណាំដកម៉ៃនេះ ដាំនៅចំការខ្ញុំ នៅក្នុងតំបន់រមណីយដ្ឋានអភិវឌ្ឍន៍កសិទេសចរណ៍ ម៉ុង ឫទ្ធី សែនជ័យ ទៅមើលសិនទៅ Free ។

ជាមួយគ្នានេះដែរ លោកឧកញ្ញ៉ា ម៉ុង ឬទ្ធី ក៏បានបញ្ចាឲ្យម្ចាស់អាខោនហ្វេសប៊ុកចំនួន២ ដែលឈ្មោះ Ah Ya និងឈ្មោះ Veng Sokkea ដែលបានយករូបលោក និងភរិយា ទៅដាក់ភ្ជាប់ជាមួយរូបដើមរុក្ខជាតិជាដំណាំហូបផ្លែដើម្បីធ្វើការផ្សព្វផ្សាយលក់បោកប្រាស់អតិថិជន។ លោកឧកញ្ញ៉ា បានសង្កត់ធ្ងន់ថា អ្នកទាំងពីរត្រូវតែលប់រូបខ្ញុំចេញពី facebook របស់ខ្លួន ដើម្បីកុំអោយមានរឿងវែងឆ្ងាយ សូមប្រីយមិត្តយើងកុំចាញ់ការបោកប្រាស់នេះអោយសោះ។

សូមបញ្ជាក់ថា លោកឧកញ្ញ៉ា ម៉ុង ឬទ្ធី គឺជាអ្នកជំនួញមួយរូបនៅក្នុងប្រទេសកម្ពុជា ដែលផ្ដោតលើកសិកម្ម ហើយបច្ចុប្បន្ន លោកឧកញ្ញ៉ា ម៉ុង ឬទ្ធី មានក្រុមហ៊ុនជាច្រើននៅក្នុងនៅដៃតាមបណ្ដាខេត្តមួយចំនួន ជាពិសេសនៅខេត្តព្រះសីហនុ៕

អត្ថបទ៖ សុខុម