ព័ត៌មានជាតិ
លោក ស៊ុន ចាន់ថុល ប្រតិកម្មចំពោះទង្វើអសីលធម៌មួយចំនួនរបស់អ្នកប្រើប្រាស់ផ្លូវល្បឿនលឿន
ចាប់តាំងពីការដាក់ដំណើរការសាកល្បងផ្លូវល្បឿនលឿន ភ្នំពេញ-ព្រះសីហនុ សង្កេតឃើញថា មានអ្នកបើកបរមួយចំនួន បើកបរដោយអសីលធម៌ ដោយឡានធុនធំខ្លះ មិនត្រឹមតែប្រើប្រាស់គន្លងឆ្វេងដែលជាគន្លងសម្រាប់អ្នកវ៉ាជែង និងអ្នកបើកបរក្នុងល្បឿនលឿនប៉ុណ្ណោះទេ ថែមទាំងមិនជៀសឲ្យអ្នកចង់វ៉ាជែងទៀតផង។ នេះជាការលើកឡើងរបស់លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងសន្និសីទ សារព័ត៌មាន ស្តីពីលទ្ធផលរយៈពេល ៥ឆ្នាំ របស់ក្រសួងសាធារណការ នៅព្រឹកថ្ងៃទី២៧ តុលា ឆ្នាំ២០២២ នេះ។
![](https://www.kampucheathmey.com/wp-content/uploads/2022/10/ដដ-2-1024x614.jpg)
លោក សួន ចាន់ថុល បានលើកឡើងពីក្តីព្រួយបារម្ភ ខណៈដែលអ្នកបើកបរលើផ្លូវល្បឿនលឿនមួយចំនួន មិនគោរពសិទ្ធិ អាទិភាពរបស់អ្នកបើកបរដទៃទៀត ដោយក្នុងរយៈពេលនៃការដំណើរការសាកល្បងផ្លូវល្បឿនលឿនភ្នំពេញ-ព្រះសីហនុ ជាង ៣សប្តាហ៍នេះ ឃើញថា មានអ្នកមួយចំនួនបើកបរដោយអសីលធម៌ និងមិនគោរពច្បាប់នៃការប្រើប្រាស់ផ្លូវល្បឿនលឿន។
![](https://www.kampucheathmey.com/wp-content/uploads/2022/10/ដថដ-1-1024x614.jpg)
ជាការអំពាវនាវម្តងហើយម្តងទៀត លោករដ្ឋមន្ត្រីក្រសួងសាធារណការ និងដឹកជញ្ជូន បានស្នើឲ្យអ្នកបើកបរគ្រប់រូប យល់ឲ្យកាន់តែច្បាស់ពីការប្រើប្រាស់គន្លងផ្លូវនេះ។ លោកបន្ថែមថា ល្បឿនកំណត់លើការបើកបរលើផ្លូវល្បឿនលឿន យឺតបំផុតគឺ ៦០គីឡូម៉ែត្រ/១ម៉ោង ដោយអ្នកបើកបរត្រូវប្រកាន់ភ្ជាប់គន្លងស្តាំ ហើយល្បឿនលឿនបំផុតត្រឹម ១២០គីឡូម៉ែត្រ/១ម៉ោង អ្នកបើកបរក្នុងល្បឿនលឿន ឬសម្រាប់ការវ៉ាជែង ទើបអាចប្រើប្រាស់គន្លងខាងឆ្វេងបាន។
គួររំលឹកថា ផ្លូវល្បឿនលឿនត្រូវបានបែងចែកជា ៣ គន្លងទៅ និង ៣ គន្លងមក ដែលក្នុងនោះរួមមាន៖
+ គន្លងផ្លូវសម្រាប់ចរាចរណ៍ធម្មតា
- អ្នកបើកបរយានយន្តគ្រប់ប្រភេទ ត្រូវបើកបរតាមគន្លងផ្លូវខាងស្ដាំ នៃផ្លូវល្បឿនលឿនដែលជាគន្លងផ្លូវ សម្រាប់ចរាចរណ៍ធម្មតា។
+ គន្លងផ្លូវសម្រាប់ជែង
- ក្នុងករណីសុំជែង អ្នកបើកបរយានយន្ត ត្រូវឱ្យសញ្ញាប្ដូរទិសខាងឆ្វេងយ៉ាងតិច ៥វិនាទី ហើយត្រូវងាកទៅគន្លងផ្លូវខាងឆ្វេងនៃផ្លូវល្បឿនលឿន ដែលជាគន្លងផ្លូវសម្រាប់ជែង។
- នៅពេលជែងផុត អ្នកបើកបរត្រូវឱ្យសញ្ញាប្ដូរទិសខាងស្ដាំដើម្បីងាកចូលគន្លងផ្លូវសម្រាប់ចរាចរណ៍ធម្មតាវិញ។
*ក្នុងករណីចរាចរណ៍មមាញឹក អ្នកបើកបរយានយន្តអាចប្រើប្រាស់គន្លងផ្លូវទាំង ២ បាន។ ដោយឡែករថយន្តធុនធ្ងន់ ត្រូវប្រកាន់យកគន្លងផ្លូវសម្រាប់ចរាចរណ៍ធម្មតាដដែល។ ក្នុងករណីនេះ យានយន្តនៅតាមគន្លងផ្លូវណាមួយបើកបរលឿនជាង មិនចាត់ទុកជាការជែងឡើយ ហើយយានយន្តដែលស្ថិតនៅក្រោយគេ ត្រូវប្រើភ្លើងសញ្ញាអាសន្នជាដំណឹង។
+ គន្លងផ្លូវសម្រាប់ឈប់បន្ទាន់ គឺជាគន្លងផ្លូវសម្រាប់ឈប់ ក្នុងករណីយានយន្តខូច ឬមានបញ្ហាផ្សេងៗប៉ុណ្ណោះ៕
![](https://www.kampucheathmey.com/wp-content/uploads/2022/10/បបប.jpg)
អត្ថបទដោយ ៖ សុធាវី
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម១ ថ្ងៃ ago
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង