ព័ត៌មានជាតិ

កុំឲ្យកកស្ទះ ប្រើបច្ចេកវិទ្យាស្កេនស្លាកលេខរថយន្ត ផ្លូវល្បឿនលឿនទៅខេត្តព្រះសីហនុ

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

រដ្ឋមន្រ្តីក្រសួងសាធារណការនិងដឹកជញ្ជូនបានឲ្យដឹងថា ក្រសួងកំពុងសិក្សាក្នុងការប្រើប្រាស់បច្ចេកវិទ្យាដែលអាចស្កេនលើស្លាកលេខរថយន្ត ពេលធ្វើដំណើរលើផ្លូវល្បឿនលឿនទៅខេត្តព្រះសីហនុ ដោយមិនបាច់ឈប់បង់លុយនាំឲ្យកកស្ទះខាតពេលដូចមុនទៀតទេ។

លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបង្ហើបការប្រឹងប្រែងរបស់ក្រសួង ដើម្បីសម្រួលនីតិវិធីកាន់តែងាយស្រួល ដោយសារកន្លងទៅកើតមានការកកស្ទះនៅពេលរថយន្តច្រើនធ្វើដំណើរព្រមគ្នានៅបញ្ជរបង់លុយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“ពេលរថយន្តឆ្លងកាត់ កាមេរ៉ានឹងចាប់ស្កេនលេខរថយន្តហើយឆែកដឹងមានលុយឬអត់លុយចឹងទេមិនបាច់ឈប់ចាំបង់លុយទៀតទេ”។

លោកថា តាមរយៈបច្ចេកវិទ្យានេះ រាល់រថយន្តដែលធ្វើដំណើរឆ្លងកាត់កន្លែងបង់លុយអាចស្កេនលើស្លាករថយន្ត ដោយនឹងកាត់យកទឹកប្រាក់ដោយស្វ័យប្រវត្តិ។

ការប្រើប្រាស់ផ្លូវល្បឿនលឿនទៅខេត្តព្រះសីហនុ បច្ចុប្បន្នអ្នកប្រើប្រាស់អាចទិញកាតអេឡិចត្រូនិក ETC ដោយមិនចាំបាច់ឈប់ពេលដល់កន្លែងបញ្ជរបង់ប្រាក់។ ពេលចាកចេញនៅកន្លែងប្ដូរទិស ម៉ាស៊ីននៅតាមបញ្ជរបង់ប្រាក់នឹងគិតតម្លៃធ្វើដំណើរដោយស្វ័យប្រវត្តិ។

ក្នុងករណីគ្មានកាតអេឡិចត្រូនិក ETC បុគ្គលិកនៅតាមច្រកចូលនឹងផ្តល់កាត ១ ឱ្យម្ចាស់យានយន្ត។ ពេលធ្វើដំណើរចាកចេញច្រកណាមួយ បុគ្គលិកនៅតាមបញ្ជរនឹងយកកាតនោះទៅឆូតតាមកុំព្យូទ័រ និងបង្ហាញពីតម្លៃត្រូវទូទាត់។

អ្នកធ្វើដំណើរអាចទិញកាតអេឡិចត្រូនិក ETC នៅតាមធនាគារដៃគូរបស់ក្រុមហ៊ុនសាងសង់៕