ព័ត៌មានជាតិ
កម្ពុជាបើកសន្និសីទស្តីពីការវិនិយោគលើការបណ្តុះបណ្តាលឆ្មបជាធនធានមនុស្សស្នូលសម្រាប់ថែទាំសុខភាពស្ត្រីនិងទារក
សាកលវិទ្យាល័យវិទ្យាសាស្ត្រសុខាភិបាលនៅព្រឹកថ្ងៃទី២៧ ខែតុលា ឆ្នាំ២០២២នេះ បានរៀបចំសន្និសីទអន្តរជាតិស្ដីពីការវិនិយោគលើការបណ្តុះបណ្តាលឆ្មបដែលជាធនធានមនុស្សសុខាភិបាលស្នូលសម្រាប់ថែទាំសុខភាពស្ត្រីនិងទារកនៅសណ្ឋាគារភ្នំពេញក្រោមអធិបតីភាពលោកសាស្ត្រាចារ្យម៉ម ប៊ុនហេង រដ្ឋមន្ត្រីក្រសួងសុខាភិបាល។
សន្និសីទនេះ ក៏មានការចូលរួមពីភ្ញៀវជាតិនិងអន្តរជាតិមកពីប្រទេសប្រទេសក្រិច ប្រទេសដាណាម៉ាក ប្រទេសវៀតណាមនិងនិស្សិតកម្ពុជា សរុបចំនួន១០៥នាក់។
លោកសាស្ត្រចារ្យសាផុនវឌ្ឍនៈ សាកលវិទ្យាធិការនៃសាកលវិទ្យាល័យវិទ្យាសាស្ត្រសុខាភិបាលបានមានប្រសាសន៍ថា សន្និសីទអន្តរជាតិនេះធ្វើឡើងក្នុងគោលបំណងបង្កើតជាវេទិកាពិភាក្សាអំពីទិសដៅនិងបញ្ហាប្រឈមអំពីសុខភាពមាតានិងទារកក្នុងប្រទេសវៀតណាមនិងនៅកម្ពុជាតួនាទីឆ្មបនិងភាពចាំបាច់លើការបណ្ដុះបណ្ដាលផ្នែកឆ្មបដោយមានការពិភាក្សាអំពីសារសំខាន់និងការចូលរួមពីភាគីពាក់ព័ន្ធដើម្បីនិរន្តរភាពនៃគម្រោង SafeMa។
លោកសាស្ត្រាចារ្យបានបន្តថា គម្រោង SafeMaនេះមានរយៈពេល៣ ឆ្នាំនឹងទទួលបានការឧបត្ថម្ភពីកម្មវិធីរបស់សភាអឺរ៉ុបព្រមទាំងដៃគូចូលរួមចំនួន៨ស្ថាប័នដែលមានសាកលវិទ្យាវិទ្យាសាស្ត្រសុខាភិបាលនិងសាកវិទ្យាល័យអន្តរជាតិនៅប្រទេសកម្ពុជា សាកលវិទ្យាល័យ៣នៅប្រទេសវៀតណាមនិងសាកលវិទ្យាល័យនិងស្ថាប័នចំនួន៣នៅអឺរ៉ុប។
លោកសាស្ត្រាចារ្យបានបន្តទៀតថា តាមរយៈគម្រោងនេះកម្មវិធីសិក្សាមួយស្ដីពីការអនុវត្តជំនាញបង្កើតគុណវុឌ្ឍិ៍ឆ្មបនិងមណ្ឌលសម្រាប់ឧត្ដមភាព ត្រូវបានរៀបចំនិងអនុវត្តនៅតាមបណ្ដាសាកលវិទ្យាល័យជាសមាជិកគម្រោងក្នុងប្រទេសវៀតណាមនិងប្រទេសកម្ពុជាសម្រាប់ការបណ្ដុះបណ្ដាលបន្តដល់ឆ្មបដែលកំពុងបម្រើការងារដើម្បីបង្កើនចំណេះដឹងនិងពង្រីកសមត្ថភាពការអនុវត្តជំនាញឆ្មបឲ្យកាន់តែប្រសើរឡើង។
លោកសាស្ត្រាចារ្យបានបន្ថែមថា កម្មវិធីនេះមាន៨ម៉ូឌុល ដោយបែងចែកជា២វគ្គដោយមានទាំងការបង្រៀនទ្រឹស្ដីអនុវត្តត្រាប់និងកម្មវិធីសិក្សានៅមន្ទីរពេទ្យផងដែរ។ និស្សិតដែលបានបញ្ចប់វគ្គទី១ទើបអាចបន្តទៅសិក្សានៅវគ្គទី២បានហើយតាមរយៈគម្រោងនេះសាកលវិទ្យាល័យវិទ្យាសាស្ត្រសុខាភិបាលបានបណ្តុះបណ្តាលឆ្មបដែលកំពុងបម្រើការងារនៅតាមបណ្ដារាជធានីខេត្តបានចំនួន៤២ នាក់សម្រាប់វគ្គទី១និងមានសិក្ខាកាមចំនួន៤១នាក់បានបន្តទៅវគ្គទី ២នឹងបញ្ចប់ការសិក្សាដោយជោគជ័យ។
លោកសាស្ត្រាចារ្យបានបញ្ជាក់ថា ការអនុវត្តគម្រោងនេះជាផ្នែកមួយនៃគោលដៅយុទ្ធសាស្ត្ររបស់សាកលវិទ្យាល័យវិទ្យាសាស្ត្រសុខាភិបាលក្នុងការពង្រឹងនិងពង្រីកគុណភាពនិងវិសាលភាពនៃការបណ្តុះបណ្តាលប្រកបដោយគុណភាពខ្ពស់។ក្នុងរយៈពេលជិត១០ឆ្នាំកន្លងមកនេះ ក្រោមការណែនាំរបស់លោកសាស្ត្រាចារ្យម៉មប៊ុន ហេង រដ្ឋមន្ត្រីក្រសួងសុខាភិបាលនិងជាប្រធានក្រុមប្រឹក្សាភិបាលនៃសាកលវិទ្យាល័យវិទ្យាសាស្ត្រសុខាភិបាលបានខិតខំកែលម្អកម្មវិធីសិក្សាវិធីសាស្ត្របង្រៀនវិធីសាស្ត្រវាយតម្លៃព្រមទាំងបំពាក់សម្ភារៈឧបករណ៍បង្ហាញត្រាប់សមស្របដើម្បីឲ្យការបណ្តុះបណ្តាលរបស់យើងផ្អែកលើសមត្ថភាពនិងអន្តរជាតិជីវៈ។
លោកសាស្ត្រាចារ្យបានចាត់ទុកជំនួយឧបត្ថម្ភពីសហគមន៍អឺរ៉ុបលើគម្រោងSafeMaនេះ ពិតជាចលករយ៉ាងសំខាន់សម្រាប់ការសម្រេចបានគោលដៅរបស់សាកលវិទ្យាល័យវិទ្យាសាស្ត្រសុខាភិបាល។
លោកសាស្ត្រាចារ្យម៉ម ប៊ុនហេង រដ្ឋមន្ត្រីក្រសួងសុខាភិបាលនិងជាប្រធានក្រុមប្រឹក្សាភិបាលនៃសាកលវិទ្យាល័យវិទ្យាសាស្ត្រសុខាភិបាលបានមានប្រសាសន៍ថា ស្របតាមតួនាទីដ៏សំខាន់របស់ឆ្មបក្រសួងសុខាភិបាលបានខិតខំពង្រឹងសមត្ថភាពឆ្មបមានទាំងការរៀបចំបណ្ដុះបណ្ដាលមុនពេលបម្រើការងារនិងការបណ្ដុះបណ្ដាលក្នុងពេលបម្រើការងារសំដៅធ្វើយ៉ាងណាឱ្យឆ្មបរបស់យើងមានសមត្ថភាពវិជ្ជាជីវៈខ្ពស់ដើម្បីផ្ដល់សេវាជូនប្រជាពលរដ្ឋប្រកបដោយជំនឿទុកចិត្ត។
លោករដ្ឋមន្ត្រីបានបន្តថា ដោយឡែកគម្រោងសេះស្មាដែលបានគាំទ្រថវិកាដោយសហគមន៍តាមរយៈកម្មវិធីSafeMaនេះពិតជាបានចូលរួមចំណែកយ៉ាងសំខាន់ក្នុងការពង្រឹងសមត្ថភាពរបស់ឆ្មបផងដែរនិងបានជួយគ្រឹះស្ថានឧត្តមសិក្សាទាំងឯកជននិងរដ្ឋជាច្រើននៅក្នុងប្រទេសកម្ពុជា។
នៅក្នុងឱកាសនោះ លោករដ្ឋមន្ត្រីបានកោតសរសើរដល់សាកលវិទ្យាល័យវិទ្យាសាស្ត្រសុខាភិបាលជាស្ថាប័នដែលបានរៀបចំឱ្យមានសន្និសីទនេះឡើងដើម្បីផ្សព្វផ្សាយដល់សាធារណជននៅប្រទេសកម្ពុជាក៏ដូចជាក្នុងតំបន់អាស៊ីអាគ្នេយ៍អំពីតួនាទីដ៏សំខាន់របស់ឆ្មបនិងតម្រូវការចាំបាច់សម្រាប់ការវិនិយោគលើការបណ្ដុះបណ្ដាលជំនាញឆ្មប៕
ដោយ ៖ សំអឿន
លោក ហេង សួរ ចូលរួមពិធីសូត្រមន្ត ចម្រើនព្រះបរិត្ដ បុណ្យកាន់បិណ្ឌ នៅវត្តទួលទំពូង ក្នុងខណ្ឌចំការមន រាជធានីភ្នំពេញ
លោក គង់ វិសាល៖ បវរកញ្ញាពិភពលោក ជាការប្រកួតដ៏ពិសេស បង្ហាញពីភាពប៉ិនប្រសប់របស់ស្ត្រី
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
មនុស្សស្រីមានប្រជ្រុយ៥កន្លែងលើរាងកាយ គេចាត់ទុកថានាំលុយ ពូកែគ្រប់គ្រងទ្រព្យ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៨ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២១ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan