ព័ត៌មានជាតិ

រថយន្តហាយឡិនឌ័រ បោះពួយលឿនទៅបុកម៉ូតូបណ្តាលឲ្យស្លាប់មនុស្សម្នាក់នៅស្រុកពួក

បានផុស

៤ years មុន

នៅ

ថ្ងៃចន្ទ ៤ មករា ២០២១

ដោយ

សមត្ថកិច្ចបានឲ្យដឹងថា រថយន្តហាយឡិនឌ័រមួយគ្រឿងបើកបរក្នុងល្បឿនលឿនជ្រុលទៅបុកម៉ូតូដែលកំពុងបត់ឆ្វេងដោយខ្វះការប្រុងប្រយ័ត្ន បណ្តាលឲ្យស្លាប់មនុស្សម្នាក់នៅនឹងកន្លែង។

ហេតុការណ៍គ្រោះថ្នាក់នេះ បានកើតឡើងនៅវេលាម៉ោង១៤និង៥០នាទី ថ្ងៃទី៣ ខែមករា ឆ្នាំ២០២១ លើផ្លូវជាតិលេខ៦ ភូមិគោកថ្មី ឃុំពួក ស្រុកពួក ខេត្តសៀមរាប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ទេព ពុំសែន អធិការនគរបាលស្រុកពួក បានឲ្យដឹងថា ករណីគ្រោះថ្នាក់ចរាចរណ៍ដែលបង្កឡើងដោយរថយន្តម៉ាកហាយឡិនឌ័រ ពណ៍ ស ពាក់ស្លាកលេខបាត់ដំបង2B.3606

បើកបរដោយជនមិនស្គាល់អត្តសញ្ញាណ(រត់គេចខ្លួន) បើកបរទិសដៅពីកើតទៅលិចបានបុកម៉ូតូម៉ាក វ៉េវ ផលិតឆ្នាំ២០០១ ពណ៌ក្រហម ពាក់ស្លាកលេខស្វាយរៀង1A.1484 បើកបរដោយឈ្មោះ ម៉ៅ វ៉ាត ភេទ ប្រុសអាយុ៧៦ឆ្នាំ នៅភូមិគោកថ្មី ឃុំពួក ស្រុកពួក ខេត្តសៀមរាម។ បើកបរទិសដៅពីកើតទៅលិច។

លោកបន្ថែមថា ករណីនេះមូលហេតុបណ្តាលមកពីអ្នកបើកម៉ូតូបត់ឆ្វេងមិនប្រយ័ត្ន ហើយអ្នកបើកបររថយន្តបើកបរក្នុងល្បឿនលឿនខ្វះការប្រុងប្រយ័ត្នដូចគ្នា។

លោកបញ្ជាក់ថា ក្រោយពេលកើតហេតុកម្លាំងនគរបាលជំនាញនៃស្រុកពួក បានចុះដល់កន្លែងកើតហេតុដើម្បីវាស់វែង យកកវត្ថុតាងពាក់ព័ន្ធទៅរក្សាទុកនៅអធិការដ្ឋាននគរបាលស្រុកដើម្បីបន្តនិតិវិធី។ ចំណែកសពជនរងគ្រោះត្រូវបានប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី៕

អត្ថបទ ៖ កុសល

Related Topics:គ្រោះថ្នាក់ចរាចរណ៍