Connect with us

ព័ត៌មានជាតិ

ពិធីប្រណាំងទូកខេត្តស្វាយរៀងទទួលបានភ្ញៀវទេសចរប្រមាណជាង ៤៤ម៉ឺននាក់

បានផុស

នៅ

(ស្វាយរៀង): នៅក្នុងរយៈពេល២ថ្ងៃ (២៩-៣០ ខែតុលា ឆ្នាំ២០២២) នៃពិធីប្រណាំងទូកខ្នាតអន្តរជាតិ និងទូកក្តារបី​សន្លឹកនៅទន្លេវ៉ៃគោ ក្រុងស្វាយរៀង មានប្រជាពលរដ្ឋមកលេងកម្សាន្តចំនួន ៤៤៥ ០០០នាក់។ នេះបើតាម​របាយ​ការណ៍របស់មន្ទីរទេសចរណ៍ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរដ្ឋបាលខេត្ត នៅក្នុងពិធីនេះ មានការដាក់ពង្រាយកងកម្លាំងចម្រុះដើម្បីរក្សាការពារសុវត្ថិភាពភ្ញៀវទេសចរ ដែលមកកម្សាន្តនៅក្នុងពិធីប្រណាំងទូកនេះ។

ដោយឡែក សម្រាប់ជ័យលាភីទូកដែលទទួលបានពានររង្វាន់ រួមមាន៖  ប្រភេទទូកខ្នាតអន្តរជាតិ ផែនទី១ ចំណាត់​ថ្នាក់លេខ១ បានទៅលើទូកឈ្មោះ រិទ្ធីសែនមានជ័យ  មកពីកងរាជអាវុធហត្ថខេត្តកំពង់ឆ្នាំង, ចំណាត់ថ្នាក់លេខ២ ទូកឈ្មោះ ពោធិ៍ធំតេជោសែនជ័យ  មកពីវត្តពោធិ៍ធំខេត្តព្រៃវែង,  ចំណាត់ថ្នាក់លេខ៣ ទូកឈ្មោះ  ព្រះវិហារសែន​ជ័យបារមីភ្នំត្បែង  មកពី កងរាជអាវុធហត្ថខេត្តព្រះវិហារ ។

ផែនទី២   ចំណាត់ថ្នាក់លេខ ១  ទូកឈ្មោះ អធិរាជឥន្រ្ទីសែនជ័យបារមីដូនពេញ  មកពីកងរាជអាវុធហត្ថរាជ​ធានីភ្នំពេញ, ចំណាត់ថ្នាក់លេខ ២ ទូកឈ្មោះ ព្រះខ័នរាជសែនជ័យ  មកពីកងរាជអាវុធហត្ថលើផ្ទៃប្រទេស, ចំណាត់ថ្នាក់លេខ ៣  ទូក ឈ្មោះ គ្រុឌមាសតេជោសែនជ័យ  មកពីកងរាជអាវុធហត្ថខេត្តសៀមរាប។

ប្រភេទទូកក្ដារបីសន្លឹកផ្នែកបុរស  ចំណាត់ថ្នាក់លេខ ១ទូក ឈ្មោះ យុវជនខេត្តបន្ទាយមានជ័យ  មកពីខេត្តបន្ទាយ​មានជ័យ  ,  ចំណាត់ថ្នាក់លេខ២  ទូកឈ្មោះ កងរាជអាវុធហត្ថរាជធានីភ្នំពេញ មកពីកងរាជអាវុធហត្ថរាជធានីភ្នំពេញ ,  ចំណាត់ថ្នាក់លេខ៣ ទូក ឈ្មោះ សាធារណៈការសែនជ័យបារមីព្រះវិស្ណុ មកពីមន្ទីរសាធារណៈ​ការដឹកជញ្ជូន​ខេត្តស្វាយរៀង ។

ផ្នែកនារី ចំណាត់ថ្នាក់លេខ១ ទូកឈ្មោះ កំពង់ស្ពានសែនជ័យបារមីទឹកវិល មកពីសាលាស្រុករមាសហែក ។

សូមបញ្ជាក់ថា ប្រភេទទូកខ្នាតអន្តរជាតិទាំងពីរផែន ចំណាត់ថ្នាក់លេខ១ ទទួលបានថវិកា ២០លានរៀល ចំណាត់ថ្នាក់លេខ២ ទទួលបានថវិកា ១៥លានរៀល ចំណាត់ថ្នាក់លេខ៣ ទទួលបានថវិកា១០លានរៀល ។ ប្រភេទទូកខ្នាតក្ដារបីសន្លឹក ចំណាត់ថ្នាក់លេខ១ ទទួលបានថវិកា ៥លានរៀល ចំណាត់ថ្នាក់លេខ២  ទទួលបានថវិកា៣លានរៀល និងចំណាត់ថ្នាខ៣  ទទួលបានថវិកា១លានរៀល ។ 

ដោយឡែក ទូកដែលចូលរួមប្រណាំងទាំងអស់ ទាំងទូកទទួលបានជ័យលាភី និងទូកដែល មិនទទួលបានជ័យលាភី ក៏ទទួលបានថវិកាឧបត្ថម្ភបន្ថែមមួយចំនួនទៀតផងដែរ៕ ដោយ:ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៤ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៦ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៧ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៩ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

Sokha Hotels

ព័ត៌មានពេញនិយម