ព័ត៌មានជាតិ
អត្តសញ្ញាណប័ណ្ណអស់សុពលភាព ៩០ ថ្ងៃ បាត់ ឬខូច ត្រូវទៅបំពេញបែបបទធ្វើថ្មី
កាលពីព្រឹកថ្ងៃទី ៣១ ខែតុលា ឆ្នាំ ២០២២ មន្ត្រីនគរបាលធ្វើអត្តសញ្ញាណប័ណ្ណសញ្ជាតិខ្មែរ នៅស្នងការដ្ឋាននគរបាលខេត្តបន្ទាយមានជ័យ បានប្រាប់អ្នកយកព័ត៌មានឲ្យដឹងថា ប្រជាជនរស់នៅក្នុងខេត្តបន្ទាយមានជ័យណាមានអត្តសញ្ញាណប័ណ្ណសញ្ជាតិខ្មែរអស់សុពលភាពសល់រយៈពេល ៩០ ថ្ងៃ ត្រូវយកអត្តសញ្ញាណប័ណ្ណនោះទៅឲ្យមន្ត្រីនគរបាលធ្វើអត្តសញ្ញាណប័ណ្ណសញ្ជាតិខ្មែរ ពិនិត្យ នៅស្នងការ។ បើមន្ត្រីនគរបាលពិនិត្យឃើញសុពលភាពនៅសល់រយៈពេល ៩០ ថ្ងៃ អាចធ្វើថ្មីបានហើយ។

ចំណែកអត្តសញ្ញាណប័ណ្ណបាត់ ឬខូច ត្រូវទៅដាក់ពាក្យសុំបញ្ជាក់ពីការបាត់ខូចនៅប៉ុស្តិ៍នគរបាលរដ្ឋបាលដែលខ្លួនរស់នៅ។ បញ្ជាក់រួចរាល់ហើយ អាចយកមកធ្វើថ្មីនៅស្នងការបានហើយ។
ចំពោះយុវជន និងយុវនារីណាមានអាយុចាប់ពី ១៨ ឆ្នាំឡើង ត្រូវយកឯកសារមកបំពេញបែបបទធ្វើអត្តសញ្ញាណប័ណ្ណសញ្ជាតិខ្មែរថ្មី នៅស្នងការនគរបាលខេត្ត និងអធិការដ្ឋាននគរបាលខេត្តបន្ទាយមានជ័យក៏បាន ដើម្បីយកទៅចុះឈ្មោះបោះឆ្នោតជាតិ នាថ្ងៃទី ២៣ ខែកក្កដា ឆ្នាំ ២០២៣ ខាងមុខនេះ។ ចំណែកអ្នកមិនទាន់មានអត្តសញ្ញាណប័ណ្ណសញ្ជាតិខ្មែរ សូមសាមីខ្លួនធ្វើការទំនាក់ទំនងមកខាង ឃុំ សង្កាត់ ទូទាំងខេត្ត។ ក្នុងនោះ ត្រូវយកឯកសារមកធ្វើអត្តសញ្ញាណប័ណ្ណសញ្ជាតិខ្មែរថ្មី រួមមាន សៀវភៅគ្រួសារ អត្តសញ្ញាណប័ណ្ណហ្វូតូ សំបុត្រកំណើត និងសំបុត្របញ្ជាក់អាពាហ៍ពិពាហ៍ជាដើម។

មន្ត្រីនគរបាលធ្វើអត្តសញ្ញាណប័ណ្ណសញ្ជាតិខ្មែរ នៅស្នងការដ្ឋាននគរបាលខេត្តបន្ទាយមានជ័យ បានបន្តទៀតថា អត្តសញ្ញាណប័ណ្ណសញ្ជាតិខ្មែរគំរូថ្មីនេះ មានសារប្រយោជន៍ណាស់ចំពោះ ប្រជាពលរដ្ឋនៅទូទាំងខេត្តបន្ទាយមានជ័យ ដើម្បីយកទៅប្រើប្រាស់ក្នុងជីវភាពប្រចាំថ្ងៃ ធ្វើជាឯកសារផ្សេងៗ ពិសេសចូលរួមការបោះឆ្នោតឆ្នាំ ២០២៣ ខាងមុខនេះ ផងដែរ។

មន្ត្រីនគរបាលអំពាវនាវដល់ប្រជាពលរដ្ឋដែលមានអត្តសញ្ញាណប័ណ្ណសញ្ជាតិខ្មែរ ផុតសុពលភាព ឬមុនផុតសុពលភាពរយៈពេល ៩០ ថ្ងៃ ,ពលរដ្ឋបាត់ ឬខូចអត្តសញ្ញាណប័ណ្ណសញ្ជាតិខ្មែរ និងអ្នកដែលគ្រប់អាយុ ១៨ ឆ្នាំឡើង ត្រូវរូតរះទៅធ្វើឲ្យបានឆាប់មុនថ្ងៃបោះឆ្នោតជាតិ នៅថ្ងៃទី ២៣ ខែកក្កដា ឆ្នាំ ២០២៣ ខាងមុខ ចូលមកដល់។

ប្រជាពលរដ្ឋណាមានបញ្ហារឿងអត្តសញ្ញាណប័ណ្ណសញ្ជាតិខ្មែរ សូមទំនាក់ទំនងជាមួយអាជ្ញាធរពាក់ព័ន្ធដែលនៅជិតបំផុត ដើម្បីមកបំពេញបែបបទធ្វើអត្តសញ្ញាណប័ណ្ណសញ្ជាតិខ្មែរថ្មីផងដែរ៕
អត្ថបទ ៖ វ៉ាន់ ណាង



-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ