ព័ត៌មានជាតិ

សម្ដេចក្រឡាហោម ស ខេង៖ «ក្រសួងមហាផ្ទៃ ធានាសន្តិសុខការបោះឆ្នោតឱ្យបានល្អប្រសើរ»

បានផុស

២ years មុន

នៅ

ថ្ងៃពុធ ២ វិច្ឆិកា ២០២២

ដោយ

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីនៃក្រសួងមហាផ្ទៃបានអះអាងថា តួនាទីសំខាន់តែមួយគត់របស់ក្រសួងមហាផ្ទៃ គឺធ្វើយ៉ាងណាខិតខំធានាថែរក្សាសន្តិសុខនៃការបោះឆ្នោតខាងមុខនេះឱ្យបានល្អប្រសើរ បង្កលក្ខណៈ និងលក្ខខណ្ឌសមស្រប។ សម្ដេចបានគូសបញ្ជាក់បែបនេះ ក្នុងឱកាសអនុញ្ញាតឱ្យឯកអគ្គរដ្ឋទូតសាធារណរដ្ឋបារាំង ប្រចាំកម្ពុជា ជួបពិភាក្សាការងារកាលពីថ្ងៃទី០១ ខែវិច្ឆិកា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបពិភាក្សាការងារនោះ លោក Jacques PELLET ឯកអគ្គ រដ្ឋទូតសាធារណរដ្ឋបារាំងប្រចាំកម្ពុជា បានបង្ហាញពីបំណងស្វែងយល់អំពីការត្រៀមលក្ខណៈរបស់កម្ពុជា ក្នុងដំណើរការឆ្ពោះទៅកាន់ការបោះឆ្នោតជាតិឆ្នាំ២០២៣ ខាងមុខ។ លោកឯកអគ្គរដ្ឋទូតសាធារណរដ្ឋបារាំង ក៏មានគោលបំណងពិនិត្យមើលលទ្ធភាព និងឱកាសបង្កើតនូវកិច្ចសហប្រតិបត្តិការរវាងភាគីទាំងពីរ ទៅលើកិច្ចការងារនេះផងដែរ។

ស្របនឹងការលើកឡើងរបស់លោកឯកអគ្គរដ្ឋទូតសាធារណរដ្ឋបារាំង ជាការឆ្លើយតម សម្ដេចក្រឡាហោម បានមានប្រសាសន៍ថា ជារួមការត្រៀមលក្ខណៈសម្រាប់ការបោះឆ្នោតជាតិឆ្នាំ២០២៣ ខាងមុខ ពុំមានបញ្ហាចោទអ្វីនោះទេ ព្រោះដោយហេតុថា កម្ពុជាធ្លាប់បានដំណើរការបោះឆ្នោតជាច្រើនលើករួចមកហើយ ពិសេសការបោះឆ្នោតឃុំ សង្កាត់ ដែលកន្លងទៅកាលពីពេលថ្មីៗនេះ៕