ព័ត៌មានជាតិ
អាជ្ញាធររាជធានីនិងខណ្ឌមានជ័យ សន្យាស្តារប្រឡាយលូជាច្រើនខ្សែនៅក្នុងមូលដ្ឋាននារដូវប្រាំង
ភ្នំពេញ ៖ អាជ្ញាធររាជធានី និង ខណ្ឌមានជ័យបានសន្យាស្តារប្រឡាយលូជាច្រើននៅក្នុងមូលដ្ឋានរបស់ខ្លួននារដូវ ប្រាំងខាងមុខនេះ ដើម្បីបញ្ចៀសការជន់លិចដោយជំនន់ទឹកភ្លៀងនារដូវវស្សាឆ្នាំក្រោយៗទៀត។
អភិបាលខណ្ឌមានជ័យលោកកែវ ពេជ្រមុន្នី បានឲ្យដឹងថា រដ្ឋបាលខណ្ឌបានលើកផែនការរួចរាល់ហើយក្នុងការស្តារប្រឡាយ លូ មួយចំនួននៅក្នុងភូមិសាស្ត្រសង្កាត់ចាក់អង្រែលើ ចាក់អង្រែក្រោម បឹងទំពុនទី២ និងស្ទឹងមានជ័យ នាឆ្នាំ២០២១ ខាងមុខ ដើម្បីបើកផ្លូវមុខទឹកឱ្យកាន់តែធំ ដែលរំដោះការជន់លិចដោយជំនន់ទឹកភ្លៀងនារដូវវស្សាខាង មុខ ដើម្បីសម្រាលការលំបាក និងការខូចខាតទ្រព្យសម្បត្តិរបស់ប្រជាពលរដ្ឋ។
ការសន្យារបស់អភិបាលខណ្ឌមានជ័យ គឺបានឆ្លើយតបទៅនឹងសំណើរបស់ប្រជាពលរដ្ឋដែលបាន លើកឡើងពីក្តីកង្វល់របស់ខ្លួននៅក្នុងវេទិកាផ្សព្វផ្សាយ និងពិគ្រោះយោបល់ក្រុមប្រឹក្សារាជធានីភ្នំពេញ អាណត្តិទី៣នៅខណ្ឌមានជ័យនាព្រឹកថ្ងៃទី២៧ ខែតុលា ឆ្នាំ២០២០នេះ។
បងប្អូនប្រជាពលរដ្ឋបានលើកឡើងថា នៅក្នុងរដូវវស្សានេះពួកគាត់បានប្រឈមការលិចលង់ជាច្រើនដោយជំនន់ទឹកភ្លៀង ដោយពិបាកក្នុងការ រស់នៅ និងការធ្វើដំណើរជាដើម ដោយសារបញ្ហាស្ទះលូ។
លោកពេជ្រ កែវ មុន្នី បានលមានប្រសាសន៍ថា តំបន់ខណ្ឌមានជ័យមាន ការខ្វះខាតច្រើននៅប្រព័ន្ធរំដោះទឹក ហើយត្រូវបានអាជ្ញាធរខណ្ឌលើកផែនការក្នុងការស្តារប្រឡាយលូ និង អភិវឌ្ឍន៍ប្រព័ន្ធរំដោះទឹកថ្មីៗបន្ថែមទៀតនាឆ្នាំ២០២១ខាងមុខនេះ ដើម្បីជួយដោះស្រាយការលំបាករបស់ ប្រជាពលរដ្ឋ។
លោកបានឲ្យដឹងថា មូលហេតុដែលធ្វើឲ្យតំបន់នោះជន់លិចដោយសារទឹកភ្លៀង គឺភាគច្រើនបណ្តាមកពីកក្តាមនុស្សដោយចោលសំរាមពុំបានត្រឹមត្រូវ ដាក់នៅមាត់លូ និងការបិទមាត់លូ ធ្វើឲ្យ ស្ទះចរន្តទឹកហូរ។ ម្យ៉ាងវិញទៀតប្រឡាយមេមួយចំនួនត្រូវបានរំលោភដោយប្រជាពលរដ្ឋ សង់លំនៅឋាននៅលើប្រឡាយ កក់ស្ទះសំរាម និងកំណដី ហើយអាជ្ញាធរពិបាកចូលទៅស្តារ ដែលនាំឱ្យប្រឈម ការជន់លិច។ បញ្ហាលូស្ទះនេះធាតុពិតគឺរដ្ឋបាលខណ្ឌក៏បានធ្វើគម្រោងដើម្បីស្តារនៅក្នុងឆ្នាំ២០២០នេះហើយ ប៉ុន្តែយឹតយ៉ាវដោយសារបញ្ហាតម្រង់ទិស ថវិកាទៅមួយផ្នែកទៀត។
លោកបញ្ជាក់ទៀតថា កក្តាដែលនាំឲ្យ លូស្ទះគឺមានបញ្ហាច្រើន ដូចជាសំរាម ដាក់នៅមាត់លូ ប្រជាពលរដ្ឋបិទមាត់លូនេះជាបញ្ហា។ លោកសូមសំណូមពរប្រជាពលរដ្ឋ និងសង្កាត់ពាក់ព័ន្ធឱ្យ ចូលរួមបើកមាត់លូឡើងវិញ។ រដ្ឋបាលខណ្ឌនឹងចុះ សិក្សាបន្ថែមទៀតចំពោះតំបន់ណាដែលមិនទាន់មានលូគឺដាក់លូ ក្នុងកម្រិតដែលបានធ្វើបាន ដូចជា កម្រិតសង្កាត់ និងខណ្ឌ ប៉ុន្តែបើលើសពីនេះគឺដាក់សំណើទៅរាជធានី។
លោកនួន ផារ័ត្ន អភិបាលរងរាជធានីភ្នំពេញបានគាំទ្រចំពោះគម្រោងផែនការស្តារលូប្រឡាយក្នុង តំបន់ភូមិសាស្ត្រដែលលិចលង់ដោយជំនន់ទឹកភ្លៀងនេះ ដើម្បីបញ្ចៀសការជន់លិចនាឆ្នាំក្រោយ។
លោកបានបញ្ជាក់ថា រដ្ឋបាលរាជធានីភ្នំពេញមានកិច្ចខិតខំប្រឹងប្រែងយ៉ាងខ្លាំងក្នុងការដោះស្រាយ បញ្ហាជន់លិចដោយជំនន់ទឹកភ្លៀងនេះ ដោយបានស្តារ និងអភិវឌ្ឍន៍ប្រព័ន្ធប្រឡាយលូមេធំៗជាច្រើន រួមទាំងបំពាក់ម៉ាស៊ីនបូមទឹកទំនើបៗ ដើម្បីពន្លឿនការបូមទឹកចេញទៅក្រៅក្រុងឲ្យបានលឿង ដែលរំដោះ ការជំនន់លិចដោយជំនន់ទឹកភ្លៀងក្នុងរាជធានីភ្នំពេញ។
លោកប៉ា សុជាតិវង្ស ប្រធានក្រុមប្រឹក្សារាជធានីភ្នំពេញបានមានប្រសាសន៍ថា ទុក្ខកង្វល់ និងបញ្ហាប្រឈមនានារបស់ប្រជាពលរដ្ឋដែលបានលើកជាសំណើនៅក្នុងវេទិកាសាធារណៈនេះ អាជ្ញាធរ នឹងដោះស្រាយជូនប្រជាពលរដ្ឋជាបន្តបន្ទាន់ទៅតាមជំនាញ ខណៈដែរក្នុងវេទិកាសាធារណៈនេះ ប្រជា ពលរដ្ឋបានលើកជាសំនួរ និងសំណើផ្ទាល់មាត់ចំនួន១១ និងដោយប្រអប់សំបុត្រចំនួន៤៦បញ្ហា៕
ដោយ ៖ ស្រីរ័ត្ន
អគ្គិភ័យឆាបឆេះផ្ទះល្វែងមួយខ្នង នៅជាប់ព្រំដែនថៃនៃក្រុងប៉ោយប៉ែត
មន្ត្រីជលផលកំពង់ចាម បន្តចុះបង្ក្រាបឧបករណ៍នេសាទខុសច្បាប់នៅភូមិសាស្ត្រស្រុកកងមាសនិងស្រុកព្រៃឈរ
សម្តេចប៉ាប ហ្វ្រង់ស៊ីស សរសើរកម្ពុជាដែលចូលរួមលុបបំបាត់គ្រោះថ្នាក់ដោយសារគ្រាប់មីននៅលើពិភពលោក
ការបណ្តុះបណ្តាចំណេះទូទៅហើយ សិស្សានុសិស្ស ត្រូវបន្តបណ្តុះបណ្តាលបន្ថែម លើផ្នែកបច្ចេកវិទ្យា ទើបដើរឱ្យទាន់ការវិវត្តនៃវិស័យបច្ចេកវិទ្យាឌីជីថល
អេហ្ស៊ីបផ្តល់អាវុធបន្ថែមដល់សូម៉ាលី ដែលបង្កអរិភាពជាមួយអេត្យូពី
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
មន្ត្រីជំនាញកំពុងជួសជុលផ្លូវបេតុងដែលបាក់ស្រុតនៅប្រឡាយស្ទឹងមានជ័យយ៉ាងយកចិត្តទុកដាក់ និងឆាប់រហ័សជូនពលរដ្ឋ
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២០ ម៉ោង agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៧ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ