ព័ត៌មានជាតិ
សត្វដំរីព្រៃ២ហ្វូង ចូលបំផ្លិចបំផ្លាញដំណាំពលរដ្ឋ ប៉ុន្តែមិនបង្កគ្រោះថ្នាក់ដល់មនុស្សទេ
រតនគិរី ៖ សត្វដំរីព្រៃចំនួន២ហ្វូង ចូលក្នុងឃុំចំនួន២ គឺឃុំប៉ក់ញ៉ៃ និងឃុំយ៉ាទុង ក្នុងស្រុកអូរយ៉ាដាវនៅពេលយប់បង្កការភ័យខ្លាចដល់ប្រជាពលរដ្ឋ ហើយបានបំផ្លាញផលដំណាំ នៅថ្ងៃទី៤ ខែមករា ឆ្នាំ២០២១នេះ។
លោក ស៊ឹម លីន អភិបាលរងស្រុកអូរយ៉ាដាវ បានដឹកនាំកម្លាំងប្រដាប់អាវុធ រួមមាន កម្លាំងសឹករងស្រុក, កម្លាំងនគរបាលស្រុក កម្លាំងនគរបាលស្រុក និងកម្លាំងបរិស្ថានឧទ្យានជាតិអូរយ៉ាដាវ ចុះទៅអន្តរាគមន៍នៅឃុំយ៉ាទុង នៃស្រុកអូរយ៉ាដាវ ខេត្តរតនគិរី។
លោក ស៊ឹម លីន បានឲ្យដឹងថា ហ្វូងសត្វដំរីព្រៃនេះ មានប្រមាណជាង ១៥ក្បាល ដើរចល័តនៅក្នុងឃុំប៉ក់ញ៉ៃ និងឃុំយ៉ាទុង ក្នុងពេលយប់ មានភាពដ៏កាចសាហាវ គឺដើរជួបដំណាំបំផ្លាញដំណាំ, ជួបបាវស្រូវស៊ីស្រូវ, ជួបសម្ភារយកប្រម៉ោយវាយបំផ្លាញចោលផងដែរ។
លោកអភិបាលរងស្រុករូបនេះបានបន្តទៀតថា ហ្វូងដំរីព្រៃក្នុងឧទ្យានជាតិស្រុកអូរយ៉ាដាវ មានប្រហែល៤០ទៅ៥០ក្បាល ហើយសត្វដំរីព្រៃនេះបានដើរដាច់ហ្វូងពីគ្នា។
លោកថា ដោយមានសំណូមពរ ពីប្រជាពលរដ្ឋឲ្យដាក់កងកម្លាំងប្រដាប់អាវុធប្រចាំការ គឺគណៈបញ្ជាការឯកភាពរដ្ឋបាលស្រុក សម្រេចដាក់កម្លាំងចំនួន២គោលដៅ គឺភូមិដរតូចចំនួន៤នាក់ និងភូមិខ្វែងចំនួន៤នាក់ (ឃុំយ៉ាទុង) សហការជាមួយកម្លាំងប្រជាពលរដ្ឋ ក្នុងភូមិយាមឃ្លាំមើលហ្វូងសត្វដំរីព្រៃនេះ។
ដោយឡែក តំណាងប្រជាពលរដ្ឋ នៅក្នុងឃុំយ៉ាទុង បានឲ្យដឹងដែរថា រយៈពេល៥ទៅ៦ថ្ងៃនេះ ហ្វូងសត្វដំរីព្រៃ ចូលភូមិពួកគាត់ បានបំផ្លាញខ្ទមចាំចម្ការអស់ចំនួន១០ខ្នង, ស្រូវចំនួន៥៩បាវ, ដើមចន្ទីចំនួន១០ដើម, ម៉ាស៊ីនកាត់ស្មៅ៣គ្រឿង, ម៉ាស៊ីនបាញ់ស្មៅ៤គ្រឿង និងសម្ភារចានឆ្នាំងមួយចំនួនទៀតផងដែរ។
សកម្មភាពហ្វូងសត្វដំរីព្រៃខាងលើនេះ ពួកគាត់សំណូមពរឲ្យសមត្ថកិច្ចជំនាញ និងស្ថាប័នពាក់ព័ន្ធកៀងសត្វដំរីទាំងនោះឲ្យ ចូលទៅក្នុងព្រៃធំវិញ ដើម្បីបង្ការហានិភ័យដល់កូនចៅពួកគាត់ ធ្វើដំណើរនៅពេលយប់ដូចជាឈឺស្កាត់, ស្ត្រីឈឺពោះមកមណ្ឌលសុខភាព៕
ដោយ ៖ វុទ្ធឦសាន
សូមចុចអាន ៖ សុបិនឃើញកាសែត អត្ថន័យយ៉ាងម៉េច?
សូមចុចអាន ៖ សូមប្រុងប្រយ័ត្ន ! វីរុសបម្លែងខ្លួនប្រភេទថ្មីមកដល់ប្រទេសជិតខាងកម្ពុជាហើយ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត